Mitengo 15:31 - Bhiblia Yo Sawuleka

³¹ Nguko a eyisile dipswi da Mkoma, e leka khakwenye ati a dinganako ku ti maha; eyo m'thu a na tutumiswa ngu txionho txakwe apune, ka va kakwe.

Mitengo 15:31 Referans Kwoze

Mavingu 13:13

Awule a nyenyako silayelo a na lova, aniko awule a thavako mlayo, a na wuyelwa.

2 Samuwele 12:9

Ngu kutxani koko, u nga eyisa dipswi da Mkoma ngu kumaha to biha masoni kwakwe kani? U date Uriya, Muheti ngu ditxhari, u tshumela u teka msikati wakwe wu mmaha wako; kambe u mdate ngu ditxhari da vanana va ka Amoni.

Ezekhiyele 18:20

Muhefemulo wule wu onhako, ewo wu na fa; mwanana kha na mbi tekelela wubihi wa tate, hambi tate kha na mbi teka wubihi wa mwanana; kululama ka wo lulama ku nava txitimwi kwakwe, ni wubihi wa m'bihi wu na va txitimwi kwakwe.

1 Vatesalonika 4:8

Ngu toneto, awu a nyenyako gondo yiya, kha nyenyi m'thu, aniko a nyenya Txizimu, txona txi ka ditshuri, txi mi ningako Moya wa txona wo Sawuleka.

Masalmo 119:126

Mkoma, njikhati txako txa kuthuma; vona va nyenyile mlayo wako.

Levhi 5:1

Se ngako m'thu a txi dhanelwa kuya fakaza mhaka yokari, a nga yi wona mwendo a nga yi ziva, aniko a txi lamba kuwomba, sekoko eyo m'thu a na rwala txionho txakwe;

2 Pedro 2:21

Ngu toneto, i ti tshuko kwawe, idiku va ti sa yi ziva nzila yo lulama, kupinda ku, msana ka ku yi ziva, ve hambuka ka mlayo wo sawuleka awu va nga ningwa wona.

1 Pedro 2:24

Ene a nga rwala sionho sathu ngu mmidi wakwe, ha txihambanoni, kasiku, ngako hi txi fa ka txionho, hi na sikota kuhanya ngu kululama. Anu mi hanyisilwe ngu silonda sakwe.

Isaya 53:6

Athu hotshethu hi ti ti hangalakile kufana ni tinvuta; mmweyo ni mmweyo a ti ti tsimbila ngu nzila yakwe, aniko Mkoma a mrwekile wubihi wathu hotshethu.

Isaya 30:12

Ngu mhaka yeto, Msawuleki wa Israyeli a khene: Ta woneka taku ma lamba dipswi diya, se mi themba kutsindaveta ni kuweketa, ngu mhaka yeto, ma ti khweketa

Masalmo 38:4

Sionho sangu si tshutshutile si ni khubhunyetile ni msungo; sa ni kama kufana ni mrwalo wo nemela ngutu.

Levhi 26:43

Ditiko di va ngadi thava di txi sala dokha di txi maha txiwula, di na tshumela di mana kuhumulela ka dona, vona vapune va na pandiseka, ngu wubihi wawe, ngu kuva va di nyenyile sileleto sangu, ni kule moya wawe wu nga hambana ni milayo yangu.

Levhi 26:15

ni kungako mi txi eyisa milayo yangu, moya wanu wu txi lamba sileleto sangu, miza mi txi hoka aha ko mbi xayisa mithetho yangu, mi funya txitumelelano txangu,

Masalmo 107:11

ngu kuva va di eyisile sileleto sa Txizimu ni kunyenya mithetho ya Nyatxitimwi.

Eksodha 30:33

Awule a no maha mamwani o fana nawo, mwendo kutota ngu ona m'thu wo mbi sawuleka, a na tutumiswa aha ka lixaka la ka kwawe.”

Mitengo 9:13

Kambe ngako m'thu a di sawulekile, a sa nga enda e leka kudya Pasika, eyo m'thu a na tutumiswa ka va ka kwawe, nguko kha nga humisa mningelo wa Mkoma ngu mbimo ya wona, eyo m'thu a na rwala mnandu wakwe apune.

Dhewuteronome 17:12

M'thu wu koko a no ti kulisa, asi engisi mphaxeli wu a nga vekwa kasi ku thumela Mkoma, Txizimu txako, hambi mlamuli asi mu engisi, m'thu eneyo a fanete kudawa. Ngu kumaha keto, mi na heta wubihi hagari ka va ka Israyeli;

1 Samuwele 3:14

Ngu toneto, ni xambanyete nyumba ya Eli, ti taku kuonha ka nyumba ya Eli kha ku na mbi dhuka kudivalelwa kambe, ngu miphaxo, hambi ngu mningelo wa sakudya.