Mitengo 15:3 - Bhiblia Yo Sawuleka

³ mi humisa mningelo ka Mkoma, mphaxo wo hiswa, mwendo mhamba yo tatisa txixambanyo, mwendo ku ngava mningelo wa kuranda kwanu, ngu mixuvo yo lava kuningela ka Mkoma mningelo wo bhumula, ngu tinvuta, mwendo tihomu ta mikati;

Mitengo 15:3 Referans Kwoze

Eksodha 29:18

Ngu toneto, u na hisa hamba yotshe ha txiluveloni; mningelo wa kuhiswa wo lumba Mkoma, wo bhumula, mningelo wuwa mbwo mahela Mkoma.

Genesisi 8:21

Se Mkoma a to hefemula, a txi pfa kubhumula, a txi khene kha Mkoma mbiluni kwakwe: “Ani kha ni na mbi ngadi ni ruketela ditiko ngu mhaka ya m'thu, nguko mipimiso ya mbilu ya m'thu njo biha, kukhukhela wananani kwakwe; kha ni na mbi ngadi ni daya kambe sotshe sivangwa si si hanyako, kufana ni ti ni nga ti maha.

Mitengo 28:27

Sekoko mi na ningela ka Mkoma, mphaxo wa kuhiswa, wo bhumula; i ku marole mambidi, ni hamba, ni mtxhanu wa sinvutana ni simbidi, sa dilembe dimwedo.

Vafilipiya 4:18

Ngu toneto, sotshe ni naso, so tala si sala. Ni taletwe ngu ku ni nga amukela manzani ka Epafrodhito asi mi nga ni rumela, matolo o bhumula ta tinene, mhamba yo amukeleka ni kutsakisa Txizimu.

Levhi 27:2

Gela vanana va ka Israyeli u txi khawe: Ngako m'thu wokari a txi thembisa ngu txixambayo tito, a na maha mningelo ka Txizimu, ngu male yi yi dinganako mtengo wa m'thu:

Vaefesu 5:2

Se tsimbilani ngu lirando, kufana ni Kristu, na nanu vanani ni lirando, nguko Ene a mi randile. Ene a ti ningete apune ngu kota yathu, a txi ti maha gandelo ni mhamba yo bhumula ya kutsakisa Txizimu.

Matewu 3:17

Sekoko, kupfala dipswi da kuta ngu nzumani, di txi kha dona: “Awuwa i Mwanana wangu wo randeka, awu ni tsakiswako ngutu ngu ngene.”

Dhewuteronome 12:17

Ha mwayani kwako, u nga dyele kona sa wugumi sa fulaho yako ni sa vhinya yako ya yiphya ni sa mtona wako, ni matiwula a tihomu tako ni matiwula a tinvuta tako, hambi sile u nga thembisa ngu txixambanyo, hambi miningelo ya kuranda kwako, hambi ni yihi miningelo yo ndiwitelwa, ayi yi humako manzani kwako.

Dhewuteronome 12:11

Sekoko ku nava ni wukhalo wule a no wu sawula Mkoma, Txizimu txanu, kasi ku ditina dakwe di zumba kona; mi na tisa koneho sotshe si ni mi leletako: Miningelo yanu yo hiswa, ni miphaxo yanu, ni sa wugumi sanu, ni mningelo wo ndiwitelwa wa manzani kwanu, ni sotshe si mi nova mi di xambanyile ka Mkoma.

Dhewuteronome 12:6

Se mi na yisa kona miningelo yanu yo hiswa, ni timhamba tanu, ni miningelo yanu ya sa wugumi, ni siningo sa kundiwitela sa manza anu, ni miphaxo ya kuxambanya kwanu, ni miningelo ya kuranda kwanu, ni matiwula a tihomu tanu ni tinvuta tanu.

Mitengo 29:8

Kambe mi na ningela mphaxo wa kuhiswa, wo bhumula, ka Mkoma, i ku dirole, ni hamba, ni mtxhanu wa sinvutana ni simbidi, sa dilembe dimwedo; si singako ni sibawa.

Levhi 10:13

Mi fanete ku si dyela ha wukhaloni ko sawuleka. Nguko njiavelo txi txi lumbako awe, ni vanana vako, ka miningelo yo hiswa ayi yi mahelwako Mkoma. Ngu yi mithetho ni nga yi amukela.

Levhi 7:16

Se i di mhamba ya txixambanyo ngu txithembiso txokari, mwendo mhamba yo mahwa ngu kuranda ka m'thu dwe, nyama yi na dyiwa ka donedo ditshiku; ayi yi no sala yi nata dyiwa mangwanani ka kona.

Eksodha 29:41

Txihambana txa wumbidi u na txi ningela ni minova; awe u na txi ningela kumweko ni mningelo wa so sela ku nga mningelo wa mixo; ngu mningelo wo bhumula ko pimela, mhamba yo hiswa, yo mahelwa Mkoma.

Eksodha 29:25

Se u na si teka manzani kwawe, u txi si hisa ha txiluveloni, ngu txitimwi ka mningelo wo hiswa wo mahela Mkoma.

2 Vakorinto 2:15

Nguko, athu hi kubhumula ka kunene ka Kristu masoni ka Txizimu, kubhumula ku ku hangalakako hagari ka vale va hanyiswako ni ka vale va lovako.

2 Vakorinto 2:16

Ka vale va lovako, ngu bhumula ko biha ku ku dayako; aniko, ka vale va hanyiswako, ngu bhumula ka kunene ku ningako wutomi. Se, i mani a fanelwako ngu mthumo wo ngeto kani?

Masalmo 54:6

Ani ni na ninga miphaxo ngu kuranda kwangu; ni na dhumisa ditina dako, Mkoma, nguko awe u wamnene,

Mitengo 6:15

A na neha txirundu txa kutala ngu mapawu o mbi tshumbelwa, ni mpupu wo tshura wo kanyangwa ngu mtona, ni mapawu, sa kwa mbi tshumbelwa, so totwa ngu mtona, ngu txitimwi ka eso, a na tisa mningelo wa sakudya, ni sa kusela.

Ezra 7:17

Maleyo u na xava ngu yona marole, sihambana ni sinvutana, ni miningelo ya kona ya sakudya ni ya kuhiswa, u txi ya si ningela txitimwi ka txiluvelo Nyumbani ka Txizimu txanu, txi txi zumbako Jerusalema.