Mitengo 15:29 - Bhiblia Yo Sawuleka

²⁹ Hambi i ti txizikwa txa vanana va ka Israyeli, mwendo mluveli wu a nga aka hagari kwanu; wu na va mlayo wumwewo ka wule a nga onha ngu “kuluduma.”

Mitengo 15:29 Referans Kwoze

Mitengo 15:15

Ku nava mlayo wumwewo motshenu ka msengeletano, ni kwa mluveli, wu a nga aka hagari kwanu; atxiya ngu txona txileleto kala ka tiveleko tanu, ni ka mluveli, ni kwanu, masoni ka Mkoma.

Mitengo 9:14

Ni ku ngako mluveli wu a nga aka hagari kwanu, a txi lava kudya Pasika, madingano ni sileleto sa yona, mlayo wa kona wu na fana ni wu wanu, ka mluveli ni ka txizikwa txa ditiko.

Levhi 17:15

Ngako mmwani m'thu wa ka Israyeli mwendo mluveli wu a nga aka kwawe, a txi dya nyama ya txihari txo fa, hambi txo dawa ngu tximwani txihari txa txitinga, a na va a txi kuwula syambalo sakwe, e samba ngu mati, se a txi zumba a sa basa kala minova; ngu msana a na va a di basile.

Levhi 16:29

Awuwa mlayo ngu wu anu mi no wu vekisa ka yotshe mbimo. Ka ditshiku da wugumi, ka mtxima wa wutxhanu ni yimbidi, mi fanete mi txi va ni masaluko o ti dilela sionho sanu, anu ni valuveli vanu, avale va hanyako kumweko ni nanu, kambe mi nga nõleni mthumo ni wawumwewo.

Luka 12:48

Aniko, awule a nga mbi kuziva kuranda ka nyamne wakwe, se a txi maha to fanelwa ngu kukwapelwa, a na kwapwa ka kudotho. Awule a nga ningwa sasingi, kwakwe ku nata lawa sasingi; ani wule a nga vekelwa sasingi, kwakwe ku nata vilwa sasingi.”

Levhi 4:2

Womba ka vanana va ka Israyeli u txi khawe: Ngako m'thu a txi onha ngu kulunduma, e maha ti ti tsimbwako ngu Mlayo wa Mkoma, e maha ti ti si lavekiko kumahwa;

Mitengo 15:28

Mphaxeli a na maha ka Mkoma mphaxo wa txionho txa m'thu wu a nga onha ngu kulunduma, masoni ka Mkoma, a txi mahelwa mphaxo wa txionho a na divalelwa.

Mitengo 15:30

Se awu a nga onha khakwenye hambi i ti txizikwa mwendo mluveli, a ruka Mkoma; eyo m'thu a na tutumiswa hagari ka vanana va kakwawe.

Eksodha 12:49

Ku nava ni mlayo wumwewo dwe ka wu i ku lihunzu la ka kwanu, ni ka wule i ku mluveli wu mi hanyako kumweko nayo.”

Joxuwa 8:33

Se votshe va ka Israyeli, ni madhota awe, ni vathangeli vawe, ni valamuli vawe, va ti ti ka madhawa mambidi a dibhokiso, masoni ka vaphaxeli va Valevhi, va nga ti ti rwala dibhokiso da txitumelelano txa Mkoma, valuveli ni sizikwa, hafu yawe yi ti ti masoni ka mmango wa Gerizimi, se yimwani hafu yi ti ti masoni ka mmango wa Ebhali, nga ti Mosi, txithumi txa Mkoma, a nga leletisa tona, kukatekisa vathu va ka Israyeli kukhatani.

1 Vafumeli 8:41

Mu engise nene mluveli wule i singako wa vathu vako va ka Israyeli, wa kuva a tako ngu ka matiko a kule, ngu kuranda ditina dako