Mitengo 15:24 - Bhiblia Yo Sawuleka

²⁴ Ngako i di kuonha ngu phazamo, na msengeletano wu sa nga tiziva, se wotshe msengeletano wu na ningela didhuna da mningelo wo hiswa, wo bhumula, masoni ka Mkoma, ni mningelo wa sakudya, ni sa kusela, madingano ni txileleto txa kona; msengeletano wu na ningela ni mabhongwe, kasi kumaha mphaxo wa kona.

Mitengo 15:24 Referans Kwoze

Levhi 4:23

mwendo txionho txile a nga txi maha, txi txi ziwa, sekoko a tisa mabhongwe wo tekwa hagari ka tiphongo, kasi ku ta maha mphaxo wa kuthavisa txionho.

Mitengo 28:15

Ni mabhongwe, ka Mkoma, kasi kumaha mphaxo wa kuthavisa txionho, kuleka ngu mphaxo wa kuhiswa, ka masiku otshe, ni mningelo wa kona wa sa kusela.

Levhi 5:15

Ngako m'thu wokari a txi hambanisa mlayo ngu kulunduma amu ka miningelo ya Mkoma, sekoko a fanete kutisa ka Mkoma, kasi kudivalewa txionhotxo txa kulunduma, hamba ngu ka mtxhambi wakwe, yo mbi na txibawa. Mpimo wa kunemela wu wu dinganako kuhumiswa wa silivhela, wu ku ni fanelo yo ningelwa, madingano ni mipimo yi yi thumiswako mu dithepeleni, kasi kudivalela txionho.

Ezra 8:35

Sekoko avale va nga wuyiswa ngu wukhumbini va ningete miphaxo yo hiswa ka Txizimu txa ka Israyeli: Digumi da marole ni mambidi, ngu mhaka ya votshe va ka Israyeli, mtxhanu wa magumi ni mune a tihambana ni mtxhanu ni yimweyo, mtxhanu wa magumi ni mambidi a tinvuta, ni digumi da vamabhongwe kota mningelo ngu mhaka ya txionho; sotshe si txi hiselwa Mkoma.

Ezra 6:17

Se va to henjeleta ka mthumo wa kuningelisiswa ka Nyumba yiya ya Txizimu, 100 wa marole, 200 wa xihambana, ni 400 wa sinvutana, ni digumi da vamabhongwe ni vambidi, kasi kukombela kudivalelwa ka sionho sa votshe va ka Israyeli, ngu mtengo wa tihunzu ta va ka Israyeli.

Levhi 4:2

Womba ka vanana va ka Israyeli u txi khawe: Ngako m'thu a txi onha ngu kulunduma, e maha ti ti tsimbwako ngu Mlayo wa Mkoma, e maha ti ti si lavekiko kumahwa;

Levhi 4:22

Ngako i di mthangeli wokari a nga onha ngu kulunduma, a txi maha ti ti tsimbwako ngu Mlayo wa Mkoma Txizimu, a ti mahete mnandu ngu toneto;

Levhi 5:18

A fanete kuteka hamba yo mbi na txibawa, e yi yisa ka mphaxeli, madingano ni txionho txakwe. Se mphaxeli a na maha mhamba yo kuwula txionho txi a nga txi maha ngu kulunduma, se ene a na divalelwa.

Mitengo 15:23

ni sotshe asi Mkoma a nga txhamusela ngu txisofu txa Mosi, kukhukhela ka ditshiku di ku nga ningwa sileleto, kala ka tiveleko tanu totshe.

Mitengo 15:26

Wu na divalelwa wotshe msengeletano wa vanana va ka Israyeli, kumweko ni mluveli wule a nga aka hagari kwawe, nguko votshe vathu va to onha ngu kuphazama.

Levhi 23:19

Kambe mi na ningela mabhongwe, kasi kuva mhamba yo basisa txionho, ni sinvutana simbidi sa tanga ya dilembe dimwedo, si va i di mhamba ya mpatano.