Mitengo 15:20 - Bhiblia Yo Sawuleka

²⁰ Ka sile so khata kuelulwa, mi na ningela txibhubhutela txo ndiwitelwa; kumweko ni mningelo wa wuhuleloni, mi na ningela tona eto.

Mitengo 15:20 Referans Kwoze

Levhi 2:14

Se ngako u txi ningela mningelo wa sakudya sa kuelula ko khata masoni ka Mkoma, u na ningela mningelo wa sakudya sa mi'buru ya kuelula ko khata, so kaxulelwa ha mndiloni, eko, sa tinyingi ta mi'buru yo pfuna.

Eksodha 34:26

U na tisa mihando yo khata ya thembweni kwako Nyumbani ka Mkoma, Txizimu txako. Khu na mbi bhika nyama ya phongo ngu masi a mame wa yona.

Ezekhiyele 44:30

Kambe matiwula a yotshe mihando yo khata ka sotshe, ni yotshe miningelo ya sotshe ka sotshe sa miningelo yanu, si na lumba vaphaxeli; ni so khata ka silo sanu, mi na si ningela ka mphaxeli, kasi ku a na txhikisa makatekwa txitimwi ka nyumba yako.

Nehemiya 10:37

Hi na teka mpupu wathu wo khata, ni miningelo yathu yo ndiwitelwa, ni mihando ya mindonga yotshe, ni vhinya, ni mafura hi si ningela ka vaphaxeli, sinyumbanani ka Nyumba ya Txizimu; hi ningela ka Valevhi sa wugumi sa thembweni kwathu; nguko Valevhi va na teka sa wugumi ka tithembwe tathu ka otshe madhoropa.

Levhi 23:10

Gela vanana va ka Israyeli u txi khawe: Ngako mi di wulete ka ditiko di ni no mi ninga, na ku di hokile mbimo yo elula, mi fanete kuya ningela ka mphaxeli nyanda yo khata ya si mi no elula;

Eksodha 23:19

Matiwula, mihando yo khata ya mafu, u na yi tisa Nyumbani ka Mkoma, Txizimu txako; u nga bhike txihongwana ngu masi a mame wa txona.

Mtuletelo 14:4

Avava ngu va va nga mbi ti nyeta ngu vavasikati: Mbotuma. Avava ngu vona va londetelako Txinvutana, hani ni hani txi yako kona. Avava va ponisilwe hagari ka vathu, ti to ve maha mihando yo khata ka Txizimu ni ka Txinvutana.

Jakobe 1:18

Ngu kuranda kwakwe ene, a hi velekile ngu dipswi da ditshuri, kasi ku hi txi maha matiwula a siwumbwa sakwe.

1 Vakorinto 15:20

Aniko hi nga tona! Kristu a wukile ngu ka vo fa, ngene matiwula a votshelele va va nga otela.

Varoma 11:16

Ngako m'baba wo thanga va gandelako ngu wona Txizimu wu di sawulekile, wotshe wu wu nga sala ni wona wu sawulekile; se ngako mikoloti yi di sawulekile, ni ona madhavi a kona ma sawulekile.

Matewu 6:33

“Kukhata, lavani Mfumo wa Txizimu ni kululama ka txona, ani sotshe siya mi na engetelwa.

Dhewuteronome 14:22

Ngu ditshuri u na ninga sa wugumi ngu ka mihando yako ya yiphya, ayi u no elula dilembe ni dilembe thembweni kwako.

Mitengo 18:12

Wotshe mtona wa wunene, ni vhinya yotshe ya yiphya, kumweko ni fulaho, ni sotshe si ku sa sinene, si lumbako mningelo wa Mkoma, ni si ningile kwako.

Levhi 23:20

Mphaxeli a na maha mningelo wo ndiwitela ngu sotsheso, kumweko ni mapawu a mihando yo khata, masoni ka Mkoma, ni sinvutana simbidi; si si lumba ene Mkoma, kasi kuvhuna mphaxeli ngu sona.

Mitengo 15:21

Ka sile mi no khata ngu sona kuelula, mi na ningela ka Mkoma, mningelo wo ndiwitelwa, ka totshe tiveleko tanu.”

Dhewuteronome 14:23

Se masoni ka Mkoma, Txizimu txako, ka wukhalo wule a no wu sawula kasi ku ditina dakwe di txi zumba kona, u na dyela kona sa wugumi sa timbewu tako, sa vhinya yako ya yiphya, sa mtona wako, ni matiwula a tihomu tako ta vamakati, ni sa tinvuta tako; kasi ku u gonda kuthava Mkoma, Txizimu txako, otshe masiku.

Dhewuteronome 16:13

“U na maha M'buso wa Matenda amu ka mtxhanu wa masiku ni mambidi, msana ka kuva u di sengeletile mihando ya ha didhandoni kwako ni ya mu mkawuni kwako,

Levhi 2:12

Eso ma sikota kumaha ngu sona mningelo ka Mkoma, i ku txialakanyiso txa mihando yo khata; aniko, mi nga si hiseni txitimwi ka txiluvelo, ku nga mningelo wo bhumula wo tsakisa Mkoma.