Mitengo 14:9 - Bhiblia Yo Sawuleka

⁹ Mi nga ti lambiseni mi wukela Mkoma, kambe mi nga thaveni vathu va ditiko diya, nguko vona va na va kudya kwathu; kha ku nga ho amu va no ya sisala kona, nguko Mkoma ana ni nathu; mi nga thave.

Mitengo 14:9 Referans Kwoze

Dhewuteronome 7:18

U nga ve ni dizowa ngu vona! Alakanya kwati ati Mkoma, Txizimu txako, a nga maha ka Faro ni ka dotshe ditiko da Egipta.

Varoma 8:31

Hi na khathu txani ngu tona tiya kani? Ngako Txizimu txi di kumweko ni nathu, i mani a no hi wukela kani?

Dhewuteronome 31:6

Tsanani miva ni mtamo; mi nga thaveni txilo, kambe mi nga dhudhumeleni masoni kwawe, nguko Mkoma, Txizimu txanu, ngene a thangelako masoni kwanu; kha na mbi mi tshotsha, kambe kha na mbi mi leka!”

Masalmo 74:14

U bhandisete misungo ya Levhiyatani u txi mningela e dyiwa ngu sihari sa txiwulani.

2 Makronika 32:8

Ene ani diwoko da nyama, kasi athu hi ni Mkoma Txizimu txathu, awu a hi vhunetelako kulwa tiyimbi tathu. Vathu va to tsaniswa ngu mapswi a Ezekhiya, mfumeli wa va ka Judha.

2 Makronika 20:17

Ka yimbi yiya anu kha mi na mbilwa, tsulani mi txi ya ema mi wonetela a ti Mkoma a no maha, kasi ku mi hulukisa, anu va ka Judha, ni va Jerusalema; mi nga thaveni, kambe mi nga dhukisweni; mangwana va hingeteni, nguko Mkoma a na va ni nanu.

Dhewuteronome 31:8

Mkoma koko a na thangela masoni kwako ene a na va ni nawe; kha na mbi kuleka, kambe kha na mbi kutshotsha; u nga thave txilo, kambe u nga dhudhumele.”

Mitengo 24:8

Txizimu txi mthavisile Egipta; mtamo wakwe wu fana ni wa nyari; a na heta matiko a valala vakwe, kambe a na funya marambu awe, a txi va thola ngu miseve yakwe.

Joxuwa 1:5

Ni wammweyo kha na mbi tsana masoni kwako, otshe masiku a kuhanya kwako; kufana ni kule ni nga va ni Mosi, ngu toneto, ni na va ni nawe; kha ni na mbi kuleka, hambi ku kusiya.

Masalmo 121:5

Mkoma ngene i ku m'vhikeli wako; Mkoma ngene mtsudi wako txinene kwako.

Masalmo 14:4

Vamahi vakubiha votshe, ina kha va nga ni wuzivi, eko va kakatxulako vathu vangu, nga wule a dyako dipawu, na va si khumbuki kukhozela Mkoma kani?

Dhewuteronome 9:7

Alakanya, u nga divale ti to u henyisile Mkoma, Txizimu txako, kona txiwulani. Kukhukhela ka ditshiku di u nga huma ditikoni ka Egipta, kala u hoka ka wuwa wukhalo, mi vathu va kanu masoni ka Mkoma;

Dhewuteronome 1:26

Kambe anu kha ma ti lava kukwela mi txi ya ka dona, aniko mi to tereka, mi kaneta sileleto sa Mkoma, Txizimu txanu.

Dhaniyeli 9:9

Wumbilu ni kudivalela si lumba Mkoma, Txizimu txathu; nguko hi mueyisile, hi m'wukete.

Dhewuteronome 32:42

Ni na levisa tingove tangu ngu mnoha, ni ditxhari dangu di na khura ngu nyama; ngu mnoha wa vale va nga dawa, ni wa vo ñolwa, kukhukhela ha msungo, ku nava ni kuphota, ka valala.

Dhewuteronome 7:21

U nga dhudhumele masoni kwawe, nguko Mkoma Txizimu txako, Njizimu txa hombe, kambe njo thisa.

Dhewuteronome 1:21

Wona Mkoma, Txizimu txako, a ku ningile ditiko diya: Kwela u txi ya di teka, nga ti Mkoma, Txizimu txa vatate vako, a nga kuleletisa tona. U nga ve ni dizowa, kambe u nga dhudhumele.

Vafilipiya 1:27

Kambe khutalani kuhanya dwe ngu tifanelo ta Evhangeli ya Kristu, kasiku, mwendo nata ni ta mi wona, mwendo ni maneka kule ni nanu, ni na engisa ti to mi ngadi tsanisilwe ngu moya wumwewo, mi lwa kumweko mi di tshanganisilwe ngu moya wumwewo, kulwela likholo la Evhangeli,

Matewu 1:23

“Wotuma a na mana txirumbu e veleka mwanana wa m'zambi, awu a no raywa ditina daku i Emanuweli, (Emanuweli, ati ti wombako ku ‘Txizimu txi na ni nathu.’ ”)

Jeremiya 48:45

Avale va nga txi tutuma va to ya sisala ka mtsudi wa Hesibhoni; aniko ku so vhutuka mndilo ngu Hesibhoni, ni m'dhikila ngu hagari ka Seyoni, wu txi hisa dikhona da Mowabhi, ni mtamo wa sikarato.

Isaya 63:10

Aniko vona va to mueyisa, se ve henyisa Moya wakwe wo Sawuleka; a to maneka i di mlala wawe, se ene apune a tolwa navo.

Isaya 41:14

U nga thave, awe txipungwana txa Jakobe, sivathwana sa ka Israyeli; ani na kuvhuna, kuwomba Mkoma, kambe Mtiruli wako Msawuleki wa Israyeli.

Isaya 41:10

u nga thave, nguko ani ni ni nawe; u nga gume mtamo, nguko ani ni Txizimu txako; na kutsanisa, kambe na kuvhuna, na kuseketela ngu dianza dangu da txinene da kululama.

Isaya 32:2

Se wamwamna wule a na fana ni txivhikelo txo vhikela moya, a na nga wuthavelo ka txihuhuri, ni ku nga lidhonga la mati ka makhalo a kuoma, ni mtsudi wa dirigwi da hombe ka ditiko da txihala.

Isaya 1:2

Engisani anu tinzuma, riya tinzeve awe mafu, nguko Mkoma wa womba-womba: Ni wunjile vanana ni va kulisa, aniko vona va ni tshuralete.

Masalmo 91:1

Awule a zumbako kusisalani ka Nyatxitimwi a na humula mtsudini ka Nyamitamo,

Masalmo 46:11

Mkoma wa Mabutho a Tiyimbi ana ni nathu Txizimu txa Jakobe ngu txona i ku wuthavelo wathu!

Masalmo 46:7

Mkoma wa Mabutho a Tiyimbi ana ni nathu Txizimu txa Jakobe ngu txona i ku wuthavelo wathu.

2 Makronika 15:2

Se a to huma eya ka Asa a txiya khene: Awe Asa ni nanu motshenu va ka Judha, ni va ka Bhenjamini ni engiseni, Mkoma ani nanu, ngako anu mi di ni nene; ngako mi txi mlava mi na mmana, mi txi m'leka nene a na mi leka.

2 Makronika 13:12

Wonani Txizimu txi ni nathu masoni kwathu, vaphaxeli va txona va veta mipundu kasi ku mi hangalasa; vanana va ka Israyeli mi nga lweni ni Mkoma Txizimu txa va tate vanu, nguko kha mi na mbi mu xula.

Valamuli 1:22

Se va nyumba ya ka Josefa ni vona, va to kwela va txi ya Bheteli, se Mkoma a ti ti kumweko navo.

Eksodha 33:16

Hi na ti zivisa kutxani ati to ani ni vathu vako hi ni dithomo masoni kwako kani? Ina hi nga ti to awe u na tsimbila kumweko ni nathu kani? Ngu mhaka yeto hi nava hi txi woneka, ani ni vathu vako, ti to hi hambanile ni vathu votshe va mifumo ya ha ditikoni.

Genesisi 48:21

Msana keto, Israyeli a wombile ka Josefa, a txi khene: Ani ni hafuhi ni kufa, kambe Txizimu txi na va ni nanu, txona txi na mi tshumeta mi tsula ditikoni ka vakokwani vanu.

Dhaniyeli 9:5

hi onhile, hi mahile to biha, hi tsimbite ngu kuonhetela, kambe hi eyisile, hi lekile sirumo sako, ni sileleto sako;

Dhewuteronome 1:29

Konako ani ni mi gete ni txi khani: “Mi nga wikeni misana, kambe mi nga telweni ngu dizowa ngu mhaka yawe!

Nehemiya 4:14

Se ni to wonisisa, ni khukha ni txi khani ka vathangeli ni ka va thaviseki, ni ka miboti ya vathu: Mi nga va thaveni; alakanyani Mkoma, wa hombe, wo thaviseka, lwelani vananu, vanana vanu, vasikati vanu, ni tinyumba tanu.

Jeremiya 1:19

Va na lwa ni nawe, aniko kha va na mbi kuxula; nguko ani ni kumweko ni nawe, kasi ku kuhulukisa, kuwomba Mkoma.”

Jeremiya 42:11

Mi nga thaveni mfumeli wa Bhabhilona, awu mi mthavako; mi nga mthaveni, kuwomba Mkoma, nguko ani ni na ni nanu, kasi ku mi hanyisa ni ku mi txhatxhisa manzani kwakwe.

Eksodha 14:13

Kambe Mosi a to khene ka vathu: “Mi nga thaveni; manekani mi di tsani, nguko nyamsi mi na wona ti Mkoma a no mi hulukisisa tona; nguko Vaegipta vava mi va wonako nyamsi, kha mi na mbiswa mi txi va wona kambe.

Mitengo 13:30

Sekoko konaho Kalebhi a to malata vathu, va va nga ti tshanganile masoni ka Mosi, a txi khene: “A hi tsimbileni hi ya teka ditiko, nguko kha ditshuri hi na ya va xula.”

Mitengo 17:6

Mosi koko a to xawutela ka vanana va ka Israyeli; se votshe vahombe vawe va to mninga ndonga, ni wihi wa hombe ndonga yimweyo, madingano ni tinyumba ta vatate vawe; ku to tshangana digumi da tindonga ni timbidi, ndonga ya Aroni yi di hagari ka tona.

Mitengo 20:2

Se ka wukhalowo ku si nga ni mati o vathu ve sela. Ngu konaho, va to tshangana vathu ve sola Mosi ni Aroni, ni ku va bhongela.

Joxuwa 14:12

Se konkuwa, ni ninge mmango wuwa Mkoma a nga wu womba ka donedo ditshiku. U engisile ka donedo ditshiku ti to va ka Anaki va vaho mule, ni madhoropa a hombe, a mtamo maho mule: Kutilava Mkoma a na va ni nani, ani ni na va tutumisa, nga ti Mkoma a nga womba.

Masalmo 46:8

Ngonani, wonani mithumo ya Mkoma; i ku simaha so xamalisa a nga si maha ha mafuni.

Masalmo 106:24

Kha va khatala ngu ditiko dile do tshura, kambe kha va kholwa ka sithembiso sa Txizimu.