Mitengo 14:43 - Bhiblia Yo Sawuleka

⁴³ Nguko Vaamaleki ni Vakanana va masoni kwanu; anu mi na fuletelwa ngu matxhari awe, nguko anu mi tshuralete Mkoma; se nene Mkoma kha na mbi va ni nanu.”

Mitengo 14:43 Referans Kwoze

2 Makronika 15:2

Se a to huma eya ka Asa a txiya khene: Awe Asa ni nanu motshenu va ka Judha, ni va ka Bhenjamini ni engiseni, Mkoma ani nanu, ngako anu mi di ni nene; ngako mi txi mlava mi na mmana, mi txi m'leka nene a na mi leka.

Mitengo 14:25

Se Vaamaleki ni Vakanana va akile ngu mkovani. Mangwana anu tshumelani mi txi tsula txiwulani, ngu didhawa da Linene lo Bhilivila.”

Mitengo 13:29

Vaamaleki va akile ngu didhawa da wulambwe, Vaheti, ni Vajebhusi, ni Vaamori, va akete mmangoni. Vakanana va akile hafuhi ni linene, ni txinambwanani ka Jordhani.”

Hoseya 9:12

Hambi va txi ta wunja vanana vawe, ani ni na va tekela, ku si sali m'thu ni wammweyo; nguko dikhombo kwawe, ngako kambe vona va txi ni leka!

Isaya 63:10

Aniko vona va to mueyisa, se ve henyisa Moya wakwe wo Sawuleka; a to maneka i di mlala wawe, se ene apune a tolwa navo.

1 Makronika 28:9

Se awe mwanangu Solomoni, ziva Txizimu txa tate wako, u txi thumela ngu mbilu ya yinene, ni mhefemulo wo txhatxheka; nguko Mkoma wa xola totshe timbilu, ni kupfisisa totshe timhaka ta mialakanyo; se ngako u txo mlava, u na mmana; kambe ngako u txi mleka, a na kulamba kala kupinduka.

Valamuli 16:20

Se Dhalila a to khene: “Ayiwee! Vafilista ndiva va kutelako Samusoni.” Se a to vhumuka ngu wukoheni kwakwe, a txi khene: “Ni na huma kambe ni konkuwa, ni ti hulukisa, kufana ni simwani sikhati.” Nguko ene a ti si ti zivi ti to Mkoma se a khukhile kwakwe.

Dhewuteronome 28:25

Mkoma a na maha ti to u txi xulwa ngu valala vako, u na huma u txi yalwa ni valala vako ngu nzila yimweyo, kambe u na ya tutuma u txi thava ngu mtxhanu wa tinzila ni timbidi, masoni kwawe! U na va txixamaliso ka mifumo yotshe ya ha mafuni

Levhi 26:17

Ni na mi tshuralela, kambe mi na xulwa ngu valala vanu; avale va mi vengako va na mi khozisa, se anu mi na tutuma mi txi thava, na mi si tutumiswi.

Mitengo 14:42

Mi nga kweleni, nguko Mkoma khangaho hagari kwanu; valala vanu va na ya mi xula.

Mitengo 14:44

Hambi keto, ngu txitsikivi ni kanu, va to lamba ve kwela txitimwi ka mmango. Dibhokiso da txitumelelano txa Mkoma di ti sate ni Mosi, dibhokiso di sa nga khukha wugoveloni.

Joxuwa 7:12

Ngu mhaka yeto, vanana va ka Israyeli, kha va sikota kutsana masoni ka valala vawe; va to tutuma masoni ka valala vawe, ngako va nga ti nyenyezisa; kha ni na mbi va ni nanu, ngako mi si thavisi sile si nga yiliswa hagari kwanu.

Joxuwa 22:15

Va di hokile ka vanana va ka Rubheni, ka vanana va ka Gadhi ni ka hafu ya lihunzu la ka Manasi, va to ya kha vona:

Masalmo 44:10

U hi lekile hi txi hingwa ngu valala vathu; ava va hi nyenyako va hi honyolete sathu ngu kuranda kwawe.