Mitengo 14:42 - Bhiblia Yo Sawuleka

⁴² Mi nga kweleni, nguko Mkoma khangaho hagari kwanu; valala vanu va na ya mi xula.

Mitengo 14:42 Referans Kwoze

Dhewuteronome 1:42

Sekoko, Mkoma a ti khene kwangu: “Va gele u txi khawe: Mi nga kweleni, kambe mi nga lweni, nguko mi nga ya xulwa ngu valala vanu, nguko ani kha ni na mbi maneka hagari kwanu.”

Joxuwa 7:12

Ngu mhaka yeto, vanana va ka Israyeli, kha va sikota kutsana masoni ka valala vawe; va to tutuma masoni ka valala vawe, ngako va nga ti nyenyezisa; kha ni na mbi va ni nanu, ngako mi si thavisi sile si nga yiliswa hagari kwanu.

Joxuwa 7:8

O! Mkoma! Ni na womba txani, aku va ka Israyeli va nga tshembereka va txi tshuralela valala vawe kani?

Mitengo 14:43

Nguko Vaamaleki ni Vakanana va masoni kwanu; anu mi na fuletelwa ngu matxhari awe, nguko anu mi tshuralete Mkoma; se nene Mkoma kha na mbi va ni nanu.”

Dhewuteronome 31:17

Ka ditshiku donedo, ni na henya ngutu, ni txi va tsukula, ni txi va sisela khohe yangu. Se vona va na loviswa, makhombo amangi ni masingita ma na va thapela. Se ka donedo ditshiku, va na womba va txi kha vona: “Akuwa makhombo awa ma welako txitimwi kwathu, ina hi nga ti to Txizimu txathu kha txi swi txi diho hagari kwathu, kani?”

Valamuli 16:20

Se Dhalila a to khene: “Ayiwee! Vafilista ndiva va kutelako Samusoni.” Se a to vhumuka ngu wukoheni kwakwe, a txi khene: “Ni na huma kambe ni konkuwa, ni ti hulukisa, kufana ni simwani sikhati.” Nguko ene a ti si ti zivi ti to Mkoma se a khukhile kwakwe.

2 Makronika 15:2

Se a to huma eya ka Asa a txiya khene: Awe Asa ni nanu motshenu va ka Judha, ni va ka Bhenjamini ni engiseni, Mkoma ani nanu, ngako anu mi di ni nene; ngako mi txi mlava mi na mmana, mi txi m'leka nene a na mi leka.

Masalmo 89:43

U pinyetile kuhinda ka ditxhari dakwe kambe khwa mtsanisa kulwani.