Mitengo 14:4 - Bhiblia Yo Sawuleka

⁴ Ka mhakeyo va to wombawombisana mmwani ni mmwani, va txi kha vona: “A hi sawuleni mthangeli wa yimbi, hi tshumela hi tsula Egipta.”

Mitengo 14:4 Referans Kwoze

Mithumo 7:39

Awule vatate vathu va nga lamba ku mu engisa, senikoko va to mu rethela kule, ve tshumelela Egipta ngu mialakanyo yawe,

Luka 17:32

Khumbulani msikati wa Loti.

Dhewuteronome 17:16

Kambe mfumeliyo kha kulaveki ku eva ni mahantxhi o tala, hambi kukurumeta vathu ve tshumelela Egipta kasi kuya mana mahantxhi o tala; nguko Mkoma a ti khene: Kha mi na mbi tsimbila kambe ngu yona nzila yiya.

Vahebheru 11:15

Se idiku vo alakanya mwani mu va nga kuleka, va ndina mana ditshuri da kutshumelela kona.

Dhewuteronome 28:68

Mkoma a na mi tshumeta mi tsula Egipta ngu ngalava, ngu nzila yile ni nga mi gela ni txi khani: “Khu na mbiswa u txi yi wona kambe!” Koneyo, mi na ya ti xayisa, vavamna ni vavasikati ka valala vanu, kasi ku mi maha tikhumbi, aniko kha ku na mbi maneka wo mi xava.

Mitengo 14:5

Sekoko masoni ka wotshe msengeletano wa vanana va ka Israyeli, Mosi ni Aroni va to khizama, va txi wa hahatshi ngu tikhohe tawe.

Mitengo 11:20

Se nga ha mi nga kanyisa Mkoma, mi na dya nyama mtxima wotshe, kala nyama yiza yi pfhuruka ngu tithonvuni kwanu, miza mi xamuka ngu yona. Ni kambe mi dite, mi txi khanu, ngu kutxani hi nga huma ditikoni ka Egipta kani?

Jeremiya 42:14

Mi txi khanu: Athu hi na tsula ditikoni ka Egipta, amu hi no mbi wona yimbi, kha hi na mbi pfa kuvetwa ka mpundu, hambi kupfa nzala ya sakudya, hi na ya zumba koneyo.