Mitengo 14:35 - Bhiblia Yo Sawuleka

³⁵ Ngani Mkoma ni wombako, ni na mahisa tonti ka msengeletano wu wo biha, awu wu tshanganako, kasi ku ni sola ni ku ni wukela. Votshe va na guma txiwulani ngu kufa.

Mitengo 14:35 Referans Kwoze

Mitengo 23:19

Txizimu kha txi na makuhu nga m'thu. Lambi, txona hi nga mwanana wa m'thu wo txitxa-txitxa. Txizimu hi nga txo womba dwe txi si mahi, ina kha txi mahi ti txi nga womba kani? Kasi hi nga txo womba ti txi tatiseka kani?

1 Vakorinto 10:5

Hambi keto, vavangi va kona kha va tsakisa Txizimu, se ngu kota yeto va lovisilwe txiwulani.

Vahebheru 3:19

Se ngu toneto, ha ti wona ti to va tandekile kuwulela ngu mhaka ya ku ambi kholwa kwawe.

Mitengo 26:65

Nguko Mkoma a wombile ngu vona ti to ngu ditshuri va na fela txiwulani; se kha ka sala ni wammweyo, hahanze ka Kalebhi, mwana Jefoni, ni Joxuwa, mwana Nuni.

1 Vakorinto 10:11

Ngu toneto, sotshe simaha siya si va humelete kasi kumaha txikombiso kwathu, kambe si bhatwe kasi ku hi laya athu hi nga hoka magwito ka timbimo.

Masalmo 78:33

Ngu kumaha keto, Txizimu txi hetile masiku awe amu ka wukanganyisi, ni malembe awe amu ka xomulo.

Eksodha 23:21

Yi xoniphe masoni kwako, u txi engisa dipswi da yona, u nga yi eyise, nguko kha yi na mbi divalela sihoxo sanu, kambe yona yi na womba ngu ditina dangu.

Joxuwa 5:6

Nguko vanana va ka Israyeli va tsimbite mune wa magumi a malenbe txiwulani, kala kuza va txi guma votshe vathu, i ku vavamna va yimbi, va nga huma ngu Egipta, va nga mbi engisa dipswi da Mkoma, kevo Mkoma a nga ti va xambanyete ti to kha na mbi va leka ve wona ditiko dile Mkoma a nga xambanya ka vatate vawe ku hi ninga, ditiko di di khulungako masi ni wulombe.

Ezekhiyele 20:36

Nga kule ni nga lamula vatate vanu, txiwulani ka ditiko da Egipta, ngu kumaha keto ni na mi lamula kuwomba Mkoma Txizimu.