Mitengo 14:27 - Bhiblia Yo Sawuleka

²⁷ “Kasi ngu yihi mbimo ni no gwita kutimisela ngu msengeletano wuwa wo biha nga tiya kani? Va na ngungurukela kala mbimo muni kani? Ani ni pfite kusura ka vanana va ka Israyeli, ava va ni mahelako gujeguje tinzeveni kwangu.

Mitengo 14:27 Referans Kwoze

Eksodha 16:12

“Ani ni engisile kungungurukela ka vanana va ka Israyeli; va gele to: Ni minova mi na dya nyama, aniko mixo mi na khura ngu m'baba; se mi na tiziva ti to ani ngani Mkoma, Txizimu txanu.”

1 Vakorinto 10:10

Mi nga ngungurukeleni, nga ti vamwani kwawe va nga ngunguruka, se ve loviswa ngu mlovisi.

Marku 9:19

Jesu a to xamula a txi khene: “Anu, liveleko la kwa mbi kholwa, ni na va ni nanu kala mbimo muni? Ni na timisela ngu nganu kala txikhati muni kani? Mu neheni kwangu.”

Mitengo 14:11

Mkoma a ti khene ka Mosi: “Vathu vava, va na ni nyenya kala yihi mbimo kani? Kala yihi mbimo va si ni thembi kani? Hambi ku va nga wona sixamaliso si ni nga va mahela kambe ni kambe kani?

Eksodha 16:28

Sekoko Mkoma a to khene ka Mosi: “Mi na lamba kuvekisa sirumo sangu ni mithetho yangu kala mbimo muni kani?

Matewu 17:7

Sekoko, Jesu a to va tshuketela, e va wusa, a txi khene: “Khukhani mi txi ema, mi nga thaveni txilo!”

Eksodha 16:7

Mangwana ni mixo mi na wona wudhumo wa Mkoma, nguko ene a engisile ku m'ngungurukela kwanu. Nguko athu hi vamani aha koza mi txi hi ngungurukela kani?

Mitengo 11:1

Ku to maheka ti to vathu ve khata kungungurukela tinzeveni ka Mkoma; se a di ti engisile eto Mkoma, kuhenya kwakwe ku to hisa, mndilo wakwe wu to tura hagari kwawe, wu tshokomisa vale va nga ti ti magwito ka wugovelo.

Mitengo 14:26

Msana keto, Mkoma a to womba-womba ka Mosi ni ka Aroni, a txi khene:

Eksodha 16:9

Msana keto, Mosi a to khene ka Aroni: Gela wotshe msengeletano wa vanana va ka Israyeli ku khawe: “Tshuketani hafuhi ka Mkoma, nguko a engisile kungungurukela kwanu.”

Ezekhiyele 35:13

Anu mi ti mahile vahombe kwangu; ani ni ti pfite.