Mitengo 14:24 - Bhiblia Yo Sawuleka

²⁴ Kambe Kalebhi, txithumi txangu, awu a ku ni moya wo hambana ni vamwani va nga mninga mtamo. Ni kambe a ni engisile ngu kuhetiseka. Ene ni na mmaha a txi wulela ditikoni mule, a na va ka dona, ni liveleko lakwe li na di fuma.

Mitengo 14:24 Referans Kwoze

Vaefesu 6:6

Mi nga va thumeleni dwe, ngako va txi mi wona, nga mo randa kutsakisa vathu, aniko aku mi ku sithumi sa Kristu, mahani kuranda ka Txizimu ngu yotshe mbilu.

Mithumo 11:23

Ngako a di hokile e wona kateko ya Txizimu, a to tsaka, e va laya votshe ti to ve tsanisela ka Mkoma ngu timbilu to khutala.

Dhewuteronome 1:36

hahanze ka Kalebhi, mwana Jofone, ene a na di wona. Ni na mninga ditiko di a nga pinda ngu ka dona, kumweko ni vanana vakwe, nguko ene a ti karatile e londeta nzila ya Mkoma, asi kanakani.

Mitengo 26:65

Nguko Mkoma a wombile ngu vona ti to ngu ditshuri va na fela txiwulani; se kha ka sala ni wammweyo, hahanze ka Kalebhi, mwana Jefoni, ni Joxuwa, mwana Nuni.

Mitengo 13:30

Sekoko konaho Kalebhi a to malata vathu, va va nga ti tshanganile masoni ka Mosi, a txi khene: “A hi tsimbileni hi ya teka ditiko, nguko kha ditshuri hi na ya va xula.”

Vakolosa 3:23

Totshe ti mi ti thumako, ti maheni ngu yotshe mbilu yanu, ngu kuziva ti to mi thumela Txizimu, kha mi thumeli m'thu.

Masalmo 119:80

Mbilu yangu yi nave ya kuhetiseka ngu kuvekisa milayo yako, kasiku ni si wi tinganani.

2 Makronika 25:2

Amaziya a mahile to lulama masoni ka Mkoma, hambiko a nga mbi maha ngu mbilu yakwe yotshe.

1 Makronika 29:18

Mkoma Txizimu txa vatate vathu, Abrahamu, ni Isaake, ni Israyeli, vekisa eto mbimo yotshe, kunavela ka mipimiso ya timbilu ta vathu vako; u rendekelisa timbilu tawe kwako.

1 Makronika 29:9

Se vathu va to tsaka ngu kule va nga ninga ngu kuranda kwawe, nguko va ningete ka Mkoma ngu mbilu to hetiseka; nene mfumeli Dhavhidha, a to tsaka ngu kutsaka ka hombe.

Dhewuteronome 6:5

Ngu toneto, u na randa Mkoma, Txizimu txako, ngu yotshe mbilu yako, ngu wotshe moya wako, ni wotshe mtamo wako.

Mavingu 23:26

Mwanangu, nihe mbilu yako, kambe maso ako ma na wonisise tinzila tangu.

Masalmo 119:145

Mkoma, ni khongete ngu yotshe mbilu; ni xamule, nguko ni lava kuxayisa milayo yako.

Mitengo 14:30

Lambi, kha mi na mbi wulela ka ditiko di ni nga xambanya ti to mi aka ka dona; hahanze ka Kalebhi mwana Jefoni, ni Joxuwa, mwana wa Nuni.