Mitengo 14:21 - Bhiblia Yo Sawuleka

²¹ Nga ha ni hanyako, ni kuphatima ka Mkoma ku na tata mafu otshe.

Mitengo 14:21 Referans Kwoze

Habhakuki 2:14

Nguko mafu ma na tala ngu kuziva kudhumisa Mkoma, ku nga tile mati ma fenengetisako tona linene.

Masalmo 72:19

Di na dhumiswe yotshe mbimo ditina da txona da wudhumo ni dotshe ditiko di na tale ngu wudhumo wa txona! Amen! Amen!

Isaya 49:18

Gula maso u wona madhawani; votshe va va sengeletanako, vata kwako; na hanya ani, kuwomba Mkoma, taku u na ti ambeka ngu vona u ti bombisa, se u na ti ambeka ngu vona kufana ni txitekwa.

Isaya 6:3

Se ma txi kwangula dimwedo ka dimwani, ma txi kha ona: Msawuleki, Msawuleki, Msawuleki ngene Mkoma wa Mabutho a Tiyimbi; Otshe mafu ma tate ngu wudhumo wakwe.

Dhewuteronome 32:40

Ani na guleta dianza dangu di komba nzumani, ni xambanya ni txi khani: Ngani wu ni hanyako kala kupinduka!

Matewu 6:10

wu nate kwathu Mfumo wako, ku na mahwe kuranda kwako, amuwa mafuni nga nzumani.

Zefaniya 2:9

Ngu toneto, ni xambanya ngu kuhanya kwangu, kuwomba Mkoma wa Mabutho a Tiyimbi, Txizimu txa Israyeli, ngu ditshuri Mowabhi a na nga Sodhoma, se vanana va Amoni va na nga Gomora, kumaha ditiko da mindonga ya mipa, ni sisima sa mnyu, di na fuviselwa magwito, miboti ya vathu vangu yi na va handa, se miboti ya vathu vangu yi na va khozisa.

Ezekhiyele 33:11

Va gele, ani na hanya, kuwomba Mkoma Txizimu, kha ni tsakiswi ngu kufa ka m'bihi, aniko ngu ku m'bihi e hunduka ka nzila yakwe, e hanya; hundulukani, hundulukani ka tinzila tanu ta walo; nguko koko mi na fela txani, anu va nyumba ya ka Israyeli kani?

Ezekhiyele 18:3

Na hanya ani, kuwomba Mkoma Txizimu, kha mi na mbi ngadi mi womba kambe mavingu ka Israyeli.

Ezekhiyele 5:11

Ngu kumaha keto, ni xambanya ngu kuhanya kwangu, kuwomba Mkoma Txizimu, nguko u nyenyezisile wukhalo wangu wo sawuleka, ngu totshe ta kwa mbi tumeleka, ni otshe manyala ako, kambe ni na kuhungula, diso dangu kha di na mbi kudivalela, hambi ni ku kupfela.

Ezekhiyele 33:27

U na va gela tiya: Mkoma Txizimu a ti khene: Na hanya ani, ati tiku avale va no maneka ka makhalo a siwula, va na wiswa ngu ditxhari, se wule a no maneka txitingani, ni na mningela ka sibanda, si txi m'dya, ni vale va no maneka ka makhalo o tsana, ni mu ka maphala, va na dawa ngu mitungu.

Jeremiya 22:24

Nga ku ni hanyako, kuwomba Mkoma, i ti ku Jowakimi, mwana Jehoyakimu, mfumeli wa ka Judha, i ti kova ringi ya dianza dangu da txinene, nga ni di mkodote konaho.

Mitengo 14:28

U na va zivisa ti to nga ha ni hanyako, ngani Mkoma ni wombako, ni na mi mahela nga kuwomba kwanu, tinzeveni kwangu.

Eksodha 9:16

se ngu mhaka ya toneto, ni ku lekile ni txi ku emisa kasi ku ni txi kukomba mtamo wangu, ni ti to ditina dangu di txi huwelelwa ha ditikoni kotshe.

Masalmo 57:6

Va riyile txikelemu ve txi veka ha nzilani kwangu moya wangu wu namile; va kete diphala masoni kwangu, aniko ngu vona va nga hojomela ka dona.

Ezekhiyele 20:36

Nga kule ni nga lamula vatate vanu, txiwulani ka ditiko da Egipta, ngu kumaha keto ni na mi lamula kuwomba Mkoma Txizimu.