Mitengo 14:2 - Bhiblia Yo Sawuleka

² Votshe vanana va ka Israyeli va to ngungurukela ve wukela Mosi ni Aroni, va txi kha vona: “I ti txhuko kuva hi di fete ditikoni ka Egipta! Mwendo hi di fete txiwulani muwa!

Mitengo 14:2 Referans Kwoze

Eksodha 15:24

Se vathu va to ngungurukela ve wukela Mosi, va txi kha vona: “Se hi na sela txani kuwa kani?”

Mitengo 16:41

Aniko mangwanani ka kona, wotshe msengeletano wa vanana va ka Israyeli, wu to ngungurukela wu wukela Mosi ni Aroni, wu txi kha wona: “Anu mi date vathu va Mkoma.”

Eksodha 17:3

Konaho vathu va manekile va txi pfa ditora, ve khata kungungurukela va txi wukela Mosi, va txi kha vona: “Ngu kutxani u nga hi humisa ditikoni ka Egipta kani? U mahile eto kasi ku ta hi daya ngu ditora athu ni vanana vathu, ni sifuyo sathu kani?”

Judha 1:16

Avava i ku vathu vo ngungurukela, va kuzumba ngu kuvilela, va hanyako ngu kulondetela minavelo yawe yo biha; sisofu sawe si womba-womba mapswi o tikulisa, kambe i vathu va kuxengetela, ngako va txi lava kuwuyelwa.

1 Vakorinto 10:10

Mi nga ngungurukeleni, nga ti vamwani kwawe va nga ngunguruka, se ve loviswa ngu mlovisi.

Jona 4:8

Se ku to maheka taku, kuhumani ka ditambo, Txizimu txi rumela moya wo hisa wa wutxani, se ditambo di peka msungo wa Jona, se a to tsivala; e navela ngu wotshe moya wakwe kufa, a txi khene: “I txhuko kwangu kufa kupinda kuhanya.”

Jona 4:3

Na ku kombela koko, awe Mkoma thavisa wutomi wangu, nguko i tshuko kwangu kufa kupinda kuhanya.

Masalmo 106:24

Kha va khatala ngu ditiko dile do tshura, kambe kha va kholwa ka sithembiso sa Txizimu.

Dhewuteronome 1:27

Se mi to ngungurukela, mi di mu matendani kwanu, mi txi khanu: Mkoma wa hi venga! A hi humisile ditikoni ka Egipta, kasi ku ta hi ningela manzani ka Vaamori ve hi lovisa!

Mitengo 11:15

“Ti di ngeto, na ku kombela tito, u ni ninga lifo konkuwa, kasi ni si woni xomulo yiya.”

Mitengo 11:1

Ku to maheka ti to vathu ve khata kungungurukela tinzeveni ka Mkoma; se a di ti engisile eto Mkoma, kuhenya kwakwe ku to hisa, mndilo wakwe wu to tura hagari kwawe, wu tshokomisa vale va nga ti ti magwito ka wugovelo.

Masalmo 106:45

a to alakanya txitumelelano txi a nga maha navo e telwa ngu wusiwana navo, nguko lirando lakwe nda hombe.

Jobe 3:11

Ngu kutxani ni nga mbi fela mndani ka mame kani? Ni nga mbi gwita ni txi ngadi ni huma ngu mndani kani?

1 Vafumeli 19:4

Se a to tsimbila mnava wa ditshiku, eya khalahatsha hahatshi ka mndonga; se a to navela ni ku ti kombelela kufa a txi khene: Se ta dingana awe Mkoma; teka koko wutomi wangu, nguko kha ni nga wamnene kupinda vatate vangu.

Vahebheru 3:16

Mba mani va va nga engisa dipswi da Txizimu se ve txi duka kani? Hi nga vona va va nga huma Egipta, va txi thangelwa ngu Mosi, kani?

Mitengo 11:5

Athu hi alakanya sihaka si hi nga txi dya walo ngu kuranda kwathu kona Egipta, mapswani, magamba, nyala, ni txinyalana.

Mitengo 14:1

Sekoko votshe va msengeletano va to khukha ve guleta mapswi awe, va txi dila ka wona wusiku wule.

Mitengo 14:22

Kambe votshe vathu ava va nga wona kuphatima kwangu, ni sixamaliso si ni nga si maha kona Egipta, ni mu txiwulani, va nga ni duka digumi da sikhati; kambe vathu vava kha va engisi dipswi dangu,

Mitengo 16:13

Nguko awe wo yi maha mhaka yayidotho, aku u nga hi humisa ka ditiko do khulunga masi ni wulombe, u hi daya mu txiwulani, u tshumela u ti kulisa txitimwi kwathu kani?

Mitengo 20:3

Vathu va to henyela Mosi, va txi kha vona: I ti txhuko kuva hi di fite ni vanathu, ava va nga fa masoni ka Mkoma!

Mitengo 20:4

Se ngu kutxani mi nga neha msengeletano wa Mkoma amu txiwulani, kasi ku ta fela muwa, nguko athu ni sifuyo sathu kha hi nga ni mati kani?

Mitengo 21:5

Se vathu va to sola Txizimu ni Mosi, va txi kha vona: Ngu kutxani u nga hi humisa Egipta, kasi hi tafa txiwulani ko nga tiya kani? Nguko amuwa, kha ku na sakudya, hambi mati o sela, kambe athu hi karate, timbilu tathu ta swihala ngu sipawana sa kwa mbi vhuna txilo.

Masalmo 106:25

Va to khata kungungurukela va di matendani kwakwe, ve eyisa sileleto sa Mkoma.

Eksodha 14:11

Va wombile ka Mosi va txi kha vona: “Ina ditikoni ka Egipta ku ti si nga ni maphala, eko u nga hi thavisa kasi ku hi txi ta fa mu txiwulani kani? Ngu kutxani u txi maha toneto kani? Ngu kutxani u nga hi thavisa ditikoni ka Egipta kani?

Mitengo 17:6

Mosi koko a to xawutela ka vanana va ka Israyeli; se votshe vahombe vawe va to mninga ndonga, ni wihi wa hombe ndonga yimweyo, madingano ni tinyumba ta vatate vawe; ku to tshangana digumi da tindonga ni timbidi, ndonga ya Aroni yi di hagari ka tona.

Mitengo 20:2

Se ka wukhalowo ku si nga ni mati o vathu ve sela. Ngu konaho, va to tshangana vathu ve sola Mosi ni Aroni, ni ku va bhongela.

Dhewuteronome 9:23

Mbimo yile Mkoma a nga mi ruma kukhukhela Kadhesi-Bharneya, a txi khene: Kwelani mi ya teka ditiko di ni nga mi ninga, mi kanetile. Mbimo yile Mkoma, Txizimu txanu, a nga mi ruma, mi si kholwi, mi si engisi dipswi dakwe.