Mitengo 14:19 - Bhiblia Yo Sawuleka

¹⁹ Divalela vathu vava ka sionho sawe ngu wuhombe wa wumbilu wako, nga ha u nga va divalela kukhukhela Egipta, kala hawa.”

Mitengo 14:19 Referans Kwoze

Eksodha 34:9

a txi khene: “Mkoma, ngako ani ni di mani kukateka masoni kwako, tsimbila kumweko ni nathu, hambiko vathu vava i ku va misungo yo banga, divalela wubihi wathu ni sionho sathu, u txi hi fuya, hi va thomba yako.”

Masalmo 78:38

Aniko Txizimu, ngu wumbilu wa txona, txi ti va divalete sionho sawe, txi si va lovisi; sikhati so tala txi thindekile ku va henyela, txi si va kawuki ngu txiviti.

Masalmo 106:45

a to alakanya txitumelelano txi a nga maha navo e telwa ngu wusiwana navo, nguko lirando lakwe nda hombe.

Eksodha 32:32

Konkuwa koko, divalela txionho txawe, kha ditshuri, na kombela ti to u pfhita ditina dangu, amu ka dibhuku di u nga bhala.”

Jakobe 5:15

Mkombelo wa likholo wu na hanyisa mlwali e mana kuamukelwa ngu Mkoma. Se, hambi a di mahile sionho, si na divalelwa.

Mika 7:18

I mani wo fana ni nawe, u divalelako wubihi u divala ni wueyisi wa miboti ya thomba yako kani? Mkoma kha veki kupandiseka kwakwe yotshe mbimo, nguko a tsakiswa ngu wumbilu amu ka wunene.

Jona 4:2

Se a to kombela ka Mkoma, a txi khene: Yowe! Mkoma! Ina hi nga tona tiya ni nga womba, ni di ngadi ditikoni kwangu kani? Ngu mhaka yeto, ni ti vhikete, ni tutumela kuya Tarxixi, ngu kuziva taku, u Txizimu txo pfela, ni wumbilu, txo timisela, ni kutala ngu wunene, ni ti taku wa hunduluka ka to biha.

Jona 3:10

Se Txizimu txi to wona mithumo yawe, nga ti va nga hundulukisa tona ngu nzilani kwawe ko biha, se Txizimu txi tilayile ka wubihi wule txi nga ti ti wu wombile taku txi na wu maha, aniko kha txa wumaha.

Dhaniyeli 9:19

Awe Mkoma, engisa! Awe Mkoma, divalela! Awe Mkoma, hi pfisise, maha u nga swele; ngu kuranda kwako, awe Txizimu txangu; nguko didhoropa dako ni vathu vako va dhanwa ngu ditina dako.

Isaya 55:7

M'bihi a na leke nzila yakwe, m'thu wa kwa mbi lulama a na leke mipimiso yakwe, se a na hundulukele ka Mkoma, ene a na mpfele wusiwana; a na tshumelele ka Txizimu txathu, nguko nja hombe ngutu mu ko divalela.

1 Vafumeli 8:34

sekoko awe engisa u di nzumani, u divalela sionho sa vathu vako va ka Israyeli, u tshumela u va heleketa ka ditiko dile u nga thembisa ka vatate vawe.

Eksodha 33:17

Sekoko Mkoma a to khene ka Mosi: “Ni na maha ati u ni kombelako, nguko u mani dithomo masoni kwangu, ni kambe na kuziva ngu ditina dako.”

Mitengo 23:21

Ani kha ni woni dikhombo ka Jakobe, hambi kukarateka ka Israyeli. Mkoma Txizimu txawe a kumweko nayo mndani kwakwe. Mkoma wawe, awu va mahako migiyo ya ku mtsakela.

Masalmo 85:2

U tsetselete minandu ya vathu vako, u divate sotshe sionho sawe;

Habhakuki 3:2

Ni pfite dispwi dako Mkoma ni thava; wusa awe Mkoma mthumo wako hagari ka malembe, hagari ka malembe wuzivekise; Kuhenyani kwako alakanya wumbilu.

Amosi 7:2

Se ku to maheka taku: Ngako va nga ti dyite mwasi wotshe wa ditiko, ani ni ti khani: Mkoma Txizimu, divalela! A na guletiswa kutxani Jakobe kani? Nguko ene m'dotho.

Amosi 7:5

Sekoko ni to khani: Mkoma Txizimu, ema konkuwa: Ana gulekisa kutxani Jakobe kani? Nguko ene m'dotho.