Mitengo 14:14 - Bhiblia Yo Sawuleka

¹⁴ Se vona va na womba ka vaaki va diya ditiko, nguko vona va engisile ti to awe Mkoma, u zumba hagari ka vava vathu, ni ti to awe wa kombisa khohe yako, ni direfu dako di zumba txitimwi kwawe, ni yimwani mhaka ta ziwa ti to ni mitshikari wa thangela masoni kwawe ngu direfu, ni wusiku kambe waho ngu kutura ka mndilo.

Mitengo 14:14 Referans Kwoze

Eksodha 15:14

Vathu va na tipfa, va na dhudhumela; Vazumbi va ditiko da Vafilista va ñolwa ngu kuthava.

Dhewuteronome 5:4

Mkoma a wombawombile ni nanu khohe ni khohe, a di hagari ka mndilo, txitimwi ka mmango.

Eksodha 33:11

Mkoma a ti ti womba-womba ni Mosi khohe ni khohe, nga m'thu a txi womba-womba ni mngana wakwe, ngu msana Mosi a ti ti tshumela a txi ya wugoveloni. Joxuwa, mwana Nune, m'vhuneteli wakwe wa dijaha, a ti si khukhi amu ditendani.

Johani 1:18

Txizimu kha txi zivi kuwonwa ngu m'thu; Mwanana wa txona wa Mmweyo ekha, awu a ku kumweko ni Tate, ngene a nga hi zivisa ati Txizimu txi ku ngu tona.

Masalmo 78:14

Ni mitshikari, txi ti va komba nzila ngu direfu se, ni wusiku, txi ti va woninga nzila ngu mndilo.

Nehemiya 9:19

Kambe awe ngu wunene wako wa hombe, khwa va leka txiwulani. Phande ya direfu kha yi khali kuve kule navo ni mitshikari amu kova komba nzila, hambi direfu da mndilo ni wusiku, kasi ku va wonigela ni ku va komba nzila yo tsimbila ngu yona.

Nehemiya 9:12

Se u va kombile nzila ni mitshikari ngu direfu, ni wusiku u va kombile nzila ngu phande ya mndilo, kasi kuwoninga nzila yi va no tsimbila ngu yona.

Joxuwa 5:1

Se ku to maheka taku, va di ti engisile votshe vafumeli va Vaamori, avale va nga ti akile mtxhatuko ka Jordhani, ngu mswa-ditambo, ni votshe vafumeli va Vakanana, avale va nga ti hafuhi ni linene lile Mkoma a nga ti omisile mati a Jordhani, masoni ka vanana va ka Israyeli, kala kuza hi pinda, timbilu tawe ti to txutxeka, ve wika misana ngu mhaka ya vanana va ka Israyeli.

Mitengo 12:8

Ene no womba-womba nayo ngu txisofu, ni ti kombisa, na i si nga kusisalani; kambe ene wa so maha ngu kuwona wutumbu wa Mkoma; ngu kutxani koko mi nga mbi thava kulenga txithumi txangu Mosi kani?”

Mitengo 10:34

Direfu da Mkoma di ti ti txitimwi kwawe ni mitsikari, kukhukhani kwawe ngu wugoveloni.

Eksodha 40:38

Nguko direfu da Mkoma di ti ti fenengeta ditenda do sawuleka ni mitshikari, se ni wusiku mndilo wu wu nga ti tura mu direfuni wu ti ti woninga yotshe nyumba, na va txi ti wona vanana va ka Israyeli, ka otshe masiku a dipfhumba dawe.

Genesisi 32:30

Wukhalo wuwa Jakobe a to wu raya ditina daku i Peniyeli, nguko ene a ti khene: “Ani ni wonani ni Txizimu, khohe ni khohe, aniko ni ngadi ni hanya.”

1 Vakorinto 13:12

Nguko, konkuwa, so maha hi si wonela kule kota nga kule ka kulavetetela ngu txibuko. Kambe ka yoneyo mbimo, ku nata va kuwonana ka khohe ni khohe. Konkuwa, na ziva ka kudotho, kambe ka yoneyo mbimo, ni nata ziva nga ti nanani ni ziviswako tona ngu Txizimu.

Johani 14:9

Jesu a to khene kwakwe: “I kale ni di zumbile ni nanu, se khu se ni ziva kani Filipi?” Awule a ni wonako, a woni Tate. Se nji txani u txi khawe: “Hi kombe Tate kani?”

Masalmo 105:39

Txizimu txi to nawuluta direfu txi fenengeta va ka Israyeli ni mitshikari txi wuyisa mndilo wa ku va woninga ni wusiku.

Dhewuteronome 34:10

Ka va ka Israyeli, kha nga humelela kambe mmwani mprofeti wo fana ni Mosi, awu Mkoma a nga m'ziva, khohe ni khohe.

1 Johani 3:2

Vorandeka, konkuwa hi vanana va Txizimu, kambe kha zivaneki ati hi no va hi di txona. Ha tiziva ti to mbimo yi a nota Kristu, hi nata fana nayo, nguko hi nata muwona ngu wutumbu wakwe.

Eksodha 33:16

Hi na ti zivisa kutxani ati to ani ni vathu vako hi ni dithomo masoni kwako kani? Ina hi nga ti to awe u na tsimbila kumweko ni nathu kani? Ngu mhaka yeto hi nava hi txi woneka, ani ni vathu vako, ti to hi hambanile ni vathu votshe va mifumo ya ha ditikoni.

Dhewuteronome 1:19

Sekoko hi to khukha ngu Horebhi, hi tshawunyeta txiwula txile txa hombe txo thisa. Anu mi ti wonil, hi tsimbite ngu nzila ya mmango wa Vaamori, nga ti a nga leletisa tona Mkoma, Txizimu txathu; hi txi hoka Kadhesi-Bharneya.

Dhewuteronome 5:24

se mi ti khanu: “Mkoma, Txizimu txathu, a hi kombile wudhumo wakwe ni wuhombe wakwe, athu hi engisile dipswi dakwe di txi huma ngu hagari ka mndilo. Nyamsi hi woni ti to Txizimu txa sikota kuwombawomba ka m'thu, se m'thu e tama a txi hanya.