Mitengo 14:12 - Bhiblia Yo Sawuleka

¹² Kukhukhela konkuwa, ni na va limata ngu mtungu, ni txi va hetisa; msana kwawe, ni na maha limwani lixaka ngu ngawe, ni mfumo wa hombe, wa mtamo kupinda vona.”

Mitengo 14:12 Referans Kwoze

Eksodha 32:10

Sekoko, konkuwa ni leke; ati to kuhenya kwangu ku txi tura masoni kwawe, ni txi va lovisa. Aniko ni na maha ngu ngawe mfumo wa hombe.”

2 Samuwele 24:1

Se kuhenya ka Mkoma ku to engeta kuwukela va ka Israyeli, ene a to kujetela Dhavhidha ku va wukela a txi khene: Tsula u ya bala va ka Israyeli ni va ka Judha.

Mitengo 25:9

Se ava va nga dawa ngu mtungu wule, i 24.000.

Eksodha 5:3

Vona va wombile va txi kha vona: “Txizimu txa Vahebheru txi tile kwathu. Ngu mhaka yeto hi leke hi txi teka dipfhumba da masiku mararu hi txi tsimbila mu txiwulani, kasi ku hi txi ya phaxa ka Mkoma, Txizimu txathu, kasi txi si hi dayi ngu mtungu ni ditxhari!”

Levhi 26:25

Nguko ni na rumela matxhari txitimwi kwanu, kasi ku ta photela txitumelelano txangu; ka mbimo yile mi no maneka mi di sengeletanile didhoropani kwanu, ni na rumela mtungu hagari kwanu, ni kumaha ti to mi txi ningelwa manzani ka valala vanu.

Dhewuteronome 28:21

Mkoma a na maha ti to mtungu wu txi namarela kwako, kala wu txi kufuvisa ka ditiko di u wulelako ka dona, kasi ku u txi di teka.

Ezekhiyele 20:13

Aniko nyumba ya ka Israyeli yi ni wukete txiwulani, va si tsimbili ngu sileleto sangu, kambe va lekile milayo yangu, taku ngako m'thu a txi si londeta, a nga hanya ngu sona; kambe va nyetisete ngutu Masabbata angu; se ani ni va gete ku khani ni na theketa txiviti txangu txitimwi kwawe, amu txiwulani, kasi ku va heta.