Se Joxuwa, mwana Nune, mthumeli wa Mosi, i ku mmweyo wa majaha akwe a nga ma sawula, a to xamula ka Mosi a txi khene: “Awe nyamne wangu Mosi, mtsimbe kuprofeta!”
Joxuwa, mwana Nune, a to tala ngu moya wa wutxhari, nguko Mosi a ti msanzekile manza akwe. Ni vanana va ka Israyeli va to mu engisa, va txi maha totshe madingano ni ti Mkoma a nga leleta Mosi.
Se Mkoma a to gela Joxuwa, mwana Nune, a txi khene: “Tsana, uva ni mtamo; nguko ngawe u no hokisa vanana va ka Israyeli, ka ditiko dile ni nga va xambanyela, ani ni na va ni nawe!”
Se Mkoma a to khene ka Mosi: “Masiku ako a kufa ma hafuhi; dhana Joxuwa, u txi ta nayo amu ditendani da msengeletano, kasi ku ani ni mi ninga sileleto sangu.” Sekoko Mosi ni Joxuwa, va to tsula ditendani ka msengeletano.
Mbimo yi Joxuwa a nga engisa diguwa da vathu, va nga txi tsaka, a to pimisa ati to ndihuwa, se a to womba ka Mosi a txi khene: “Ka pfala tihuwa ta yimbi ha wugoveloni.”
madingano ni ti Mkoma a nga leleta, va to mninga didhoropa dile a nga kombela dona, i ku Timnati-Sera, mmangoni ka va ka Efrayime; ene a to aketa didhoropa e zumba ka dona.
