Mitengo 13:33 - Bhiblia Yo Sawuleka

³³ Kambe hi woni vanyasihakate vanana va ka Anaki, va liveleko la vanyasihakate. Amu kuwonani kwathu, athu hi txi fanana ni titshera masoni kwawe; ni vona va txi hi wonisa toneto.”

Mitengo 13:33 Referans Kwoze

Dhewuteronome 1:28

Hi na kwela hi txiya hani kani? Vanathu va hi wite misana, ngu ku kha vona: Vathu va kona mbavangi ngutu kupinda athu, kambe mba nyasihakate, madhoropa a kona nga hombe, ma ku ni maguma o guleka kala nzumani. Kambe koneyo hi woni ni vanana va Anaki.

Isaya 40:22

Ngene wule a nga khalahatsha txitimwi ka txiwumbulutwa txa mafu, awule kwakwe, ava va zumbako ha mafuni va fanako ni tihumbi; ngene a nawulutako nzuma yi txi nga m'jiyo, e yi gwimba ku nga ditenda, kasi kuve zumba ka dona;

Genesisi 6:4

Ka yona yile mbimo, ha mafuni ku ti ti ni vanyasihakate va nga velekwa, mbimo yi vanana va Txizimu va nga tekana ni mahorana, ya i ku vanana va vathu, ve veleka vanana. Ngu vonevo tindena ta nduma ta mbimo ya kale.

1 Samuwele 17:42

Se mbimo yi Mufilista a nga wona Dhavhidha a to mueyisa, nguko i ti ti ngadi mfana, wo tshura, wa txiemo txo khaleka.

Dhewuteronome 9:2

Vathu va kona mba hombe, kambe va laphile, mbanana va Anaki, ava u va zivako, avava u nga engisa nduma yawe, va txi kha vona: “I mani a ndi no ema, masoni ka vanana va Anaki kani?”

Dhewuteronome 3:11

(Oge, mfumeli wa Bhasani, i ti ene ekha wa liveleko la vanyasihakate va ka Refayime a nga ti sate. A ti ti ni m'bhedhu wa simbi, awule wu nga ti ni mpimo wa mtxhanu wa mikono ni mune kulapha ka wona, ni mune wa mikono kuanama ka wona, ngu mpimo wa mkono wa vathu, ina kha wu nga diho ni konkuwa kona Rabha, m'tini ka vanana va ka Amoni kani?)

1 Makronika 11:23

A to daya kambe wamwamna mmweyo wa Muegipta, wamwamna wa txiemo txo lapha ngutu, wa mtxhanu wa mikono; se Muegipta a ti ni mseve manzani, wo fana ni ndonga ya mluki; aniko a to relela ni ndonga, eya honyola mseve manzani ka Muegipta e m'daya ngu mseve wakwe apune.

Dhewuteronome 2:10

Kale ka kona, va Emime va ti akile kona; i ti vathu va hombe, vavangi, kambe i ti va txiemo txo lapha, ku nga va Anaki.

Mitengo 13:22

Se ve kwela ngu didhawa da wulambwe ka kona, veza ve hoka Hebroni; eho ku nga ti zumbile Ahimani, ni Sezayi, ni Talimayi, vatukulu va Anaki (Hebroni ngu kona ko khata kuakwa ngu masoni ka mtxhanu wa malembe ni mambidi na ku si se akwa Zowani, ka Egipta.)

Mitengo 13:28

Kambe vathu va nga aka ka ditikodo, mbathu va mtamo; madhoropa awe mikhokhola ya hombe ngutu; koneyo kambe, hi woni vatukulu va ka Anaki.

Mitengo 14:1

Sekoko votshe va msengeletano va to khukha ve guleta mapswi awe, va txi dila ka wona wusiku wule.

Joxuwa 11:21

Ka yona yile mbimo, Joxuwa a tile e ta lovisa va ka Anaki va mimangoni ka Hebroni, va Dhebhiri, va Anabhi, ni va yotshe mimango ya ka Judha, ni va yotshe mimango ya ka Israyeli; Joxuwa a to va lovisa, kumweko ni madhoropa awe.

Joxuwa 14:12

Se konkuwa, ni ninge mmango wuwa Mkoma a nga wu womba ka donedo ditshiku. U engisile ka donedo ditshiku ti to va ka Anaki va vaho mule, ni madhoropa a hombe, a mtamo maho mule: Kutilava Mkoma a na va ni nani, ani ni na va tutumisa, nga ti Mkoma a nga womba.

Joxuwa 15:14

Kalebhi a tutumisile kona didhoropanimo vanana vavararu va Anaki: Xexayi, Ahimani ni Talimayi, vanana va lihunzu la ka Enake.

1 Samuwele 17:24

Kambe votshe vavamna va ka Israyeli, va di woni wamwamna wule, va to tutuma va txithava ngutu,