Mitengo 13:28 - Bhiblia Yo Sawuleka

²⁸ Kambe vathu va nga aka ka ditikodo, mbathu va mtamo; madhoropa awe mikhokhola ya hombe ngutu; koneyo kambe, hi woni vatukulu va ka Anaki.

Mitengo 13:28 Referans Kwoze

Dhewuteronome 1:28

Hi na kwela hi txiya hani kani? Vanathu va hi wite misana, ngu ku kha vona: Vathu va kona mbavangi ngutu kupinda athu, kambe mba nyasihakate, madhoropa a kona nga hombe, ma ku ni maguma o guleka kala nzumani. Kambe koneyo hi woni ni vanana va Anaki.

Joxuwa 11:22

Kha ka nga sala ni wammweyo wa ka Anaki, ditikoni ka vanana va ka Israyeli, kumaneka vo sala dwe kona didhoropani ka Gaza, ni Gati, ni Asidhodhe.

Mitengo 13:33

Kambe hi woni vanyasihakate vanana va ka Anaki, va liveleko la vanyasihakate. Amu kuwonani kwathu, athu hi txi fanana ni titshera masoni kwawe; ni vona va txi hi wonisa toneto.”

Joxuwa 15:14

Kalebhi a tutumisile kona didhoropanimo vanana vavararu va Anaki: Xexayi, Ahimani ni Talimayi, vanana va lihunzu la ka Enake.

Dhewuteronome 3:5

Otshe madhoropa ale ma ti bhiyilwe ngu mikhokhola ya hombe yo guleka, matimba a kona i ti ti o tsana a tikhorokhoro ta sikete; ku si balwi ni mamwani madhoropa o mbi bhiywa.

Dhewuteronome 2:21

i ti ti vathu va hombe, kambe i ti ti votala, va di ni txiemo txo lapha nga va ka Anaki; kambe Mkoma a va lovisile masoni ka Vaamoni, vale va nga va xula ve va tekela ditiko, ni kuzumba makhaloni kwawe,

Valamuli 1:20

Se Hebroni a to ningelwa ka Kalebhi, nga ti Mosi a nga va leletisa tona, kambe kukhukhela koneho a to tutumisa vanana vararu va Anaki.

2 Samuwele 21:16

Se Isibhi-Bhenobhi, mmweyo ka vanana vanyasihakate, awule kunemela ka ditxhari dakwe i nga ti ti ka 300 wa maxekele a koporo, a nga ti ti sungile ditxhari da diphya, a to alakanyela kudaya Dhavhidha.

Joxuwa 14:12

Se konkuwa, ni ninge mmango wuwa Mkoma a nga wu womba ka donedo ditshiku. U engisile ka donedo ditshiku ti to va ka Anaki va vaho mule, ni madhoropa a hombe, a mtamo maho mule: Kutilava Mkoma a na va ni nani, ani ni na va tutumisa, nga ti Mkoma a nga womba.