Mitengo 13:27 - Bhiblia Yo Sawuleka

²⁷ Va to ya xawutela tiya ka Mosi, va txi kha vona: “Hi wulete ka ditiko di mi nga hi ruma ka dona; kha ditshuri, di khulunga masi ni wulombe; mihando ya kona ngu yona yiya.

Mitengo 13:27 Referans Kwoze

Eksodha 3:8

Ngu mhaka yeto ni relete kasiku ni txi va thusa mu manzani ka Vaegipta, ni txi va humisa ka ditiko donedo, va txi ya ka ditiko da dinene, da hombe, ditiko di di khulungako masi ni wulombe, wukhalo wa Vakanana, wa Vaheti, wa Vaamori, wa Vaferezi, wa Vahevhi ni wa Vajebhuzi.

Eksodha 3:17

Ngu mhaka yeto, ani ni khani: Ni na mi thusa mu kuxuphekani ka Egipta mi txi ya ditikoni da Vakanana, Vaheti, da Vaamori, da Vaferezi, da Vahevi ni da Vajebhusi ka ditiko di di khulungako masi ni wulombe.

Eksodha 13:5

Ngako Mkoma a di mi hokisile ditikoni ka Vakanana, da Vaheti, da Vaamori, da Vahevhi ni da Vajebhusi, adi a nga xambanya ku di ningela ka vatate vanu, ditiko di dikhulungako masi ni wulombe, ditshiku diya mi na di vekisa, ka wona wuwa mtxima.

Dhewuteronome 31:20

Nguko mbimo yi ni no va hokisa ka ditiko dile di khulungako masi ni wulombe, adile ni nga thembisa ngu txixambanyo, ka vatate vawe, vona va na dya va txi khura, va na ena, kambe va na tshumelela ka simwani sizimu, va txi si khozela, va txi ni nyenya va txi hambunyeta txitumelelano txangu.

Eksodha 33:3

tsula ka dona ditikodo, adile di khulungako masi ni wulombe. Aniko ani na mbi tsula ni nanu, nguko anu mi vathu vo banga misungo, ni nga thuka ni txi mi lovisa hagari ka nzila.”

Dhewuteronome 27:3

Se ngu txitimwi ka ona, u na bhala otshe mapswi a mlayo wuwa, ngako u txi thuka u txi ya wulela ka ditiko dile, Mkoma, Txizimu txako, a no kuninga, ditiko dile di khulungako masi ni wulombe, nga ti a nga ku gelisa tona Mkoma, Txizimu txa vatate vako.

Dhewuteronome 26:9

se a hi tisile ka wuwa wukhalo, a txi hi ninga ditiko diya, ditiko di di khulungako masi ni wulombe.

Dhewuteronome 11:9

Kasiku mi txi andiselwa masiku anu ka ditiko di Mkoma a nga thembisa ngu txixambanyo, ti to a na di ningela ka vatate vanu ni vatukulu vawe, ditiko di di khulungako masi ni wulombe.

Dhewuteronome 6:3

Ngu toneto, awe Israyeli, engisa u txi khutalela kuvekisa milayo yiya, u na mana kukateka, kambe u na anda ngutu, ka ditiko di di khulungako masi ni wulombe, nga ti a nga kugela Mkoma, Txizimu txa vatate vako.

Mitengo 14:8

Ku ngako Mkoma a txi tsaka ngu ngathu, Ene a na hi maha hi wulela ka ditiko a nga hi ninga, i ku ditiko di khulungako masi ni wulombe.

Ezekhiyele 20:15

Hambi keto ni guletile dianza txitimwi kwawe, amu txiwulani, kasi ni si va leki ve wulela ka ditiko dile ni nga ti ti va ningile, dile di khulungako masi ni wulombe, kambe i ku wudhundo wa matiko otshe.

Ezekhiyele 20:6

Ka ditshiku dile ni va gulete dianza, kasi ku va humisa ditikoni ka Egipta, va txi ya ka ditiko di ni nga ti va vekete dona, emo ku khulungako masi ni wulombe, i ku wudhundo ka otshe matiko.

Jeremiya 32:22

U va ningile ditiko di u ngadi xambanya ka vatate vawe ati taku u na va ninga dona, ditiko di di khulungako masi ni wulombe;

Jeremiya 11:5

kasi ni na tsanisa txifungo txi ni nga txi xambanya ka vatate vanu: Txa kuvaninga ditiko di khulungako masi ni wulombe, nga ti ku ku ngu tona nyamsi. Sekoko ni to xamula, ni txi khani: Amen, Awe Mkoma!

Joxuwa 5:6

Nguko vanana va ka Israyeli va tsimbite mune wa magumi a malenbe txiwulani, kala kuza va txi guma votshe vathu, i ku vavamna va yimbi, va nga huma ngu Egipta, va nga mbi engisa dipswi da Mkoma, kevo Mkoma a nga ti va xambanyete ti to kha na mbi va leka ve wona ditiko dile Mkoma a nga xambanya ka vatate vawe ku hi ninga, ditiko di di khulungako masi ni wulombe.

Levhi 20:24

Ani ni mi gete ni txi khani: Anu mi na ya fumela ditiko dawe, ni na mi ninga dona di txi va i di thomba yanu, ditiko edo di khulungako masi ni wulombe. Ani ngani Mkoma, Txizimu txanu, ni nga mi thavisa hagari ka vamwani vathu.

Mitengo 14:7

Se va to womba ka wotshe msengeletano wa vanana va ka Israyeli, va txi kha vona: “Ditikodo hi ngaya hi txi ya di xola ndinene, da mafu o nona ngutu.”

Mitengo 16:14

Txa wumbidi awe khwanzi na nga hi hokisa ka ditikodo do khulunga masi ni wulombe; kambe khwa hi ninga tithembwe ni mauvha, kuva si maha thomba yathu. Se awe u lava kudobola maso a vathu vava kani? Athu kha hi na mbi ta.

Nehemiya 9:25

Se va to teka Didhoropa da Hombe, ni ditiko do nona, ve teka ni tinyumba to tala ngu siya sa yotshe mixowo, ni sisima so kelwa ni mivhinya, ni miolivha, ni mindonga yo tala ya mihando; va to dya ve khura, ve ena, se ve tsula va di tsakile ngu wudhumo wako wa hombe.

Mitengo 16:13

Nguko awe wo yi maha mhaka yayidotho, aku u nga hi humisa ka ditiko do khulunga masi ni wulombe, u hi daya mu txiwulani, u tshumela u ti kulisa txitimwi kwathu kani?