Mitengo 13:26 - Bhiblia Yo Sawuleka

²⁶ Mbimo yi va nga wuya, va to ya ka Mosi ni ka Aroni, ni ka wotshe msengeletano wa ka Israyeli, amu txiwulani ka Parani, hafuhi ni Kadhesi.

Mitengo 13:26 Referans Kwoze

Mitengo 32:8

Ngu toneto, va nga maha va tate vanu, mbimo yi ni nga va ruma ngu niya Kadhesi-Bharneya kuya wona ditiko diya.

Mitengo 20:1

Wotshe msengeletano wa vanana va ka Israyeli, wu to hoka ka txiwula txa Zimi, ngu mtxima wo khata; se vathu ve gova ka wukhalo wa Kadhesi. Miriyamu a to fa ka wukhalowo, e tshotshwa konaho.

Dhewuteronome 1:19

Sekoko hi to khukha ngu Horebhi, hi tshawunyeta txiwula txile txa hombe txo thisa. Anu mi ti wonil, hi tsimbite ngu nzila ya mmango wa Vaamori, nga ti a nga leletisa tona Mkoma, Txizimu txathu; hi txi hoka Kadhesi-Bharneya.

Mitengo 33:36

Se va to khukha ngu Eziyoni-Gebheri, veya humula txiwulani ka Zini, i ku Kadhesi.

Mitengo 20:16

Athu hi to dila ka Mkoma, se ene a to engisa mapswi athu, e rumela mtumi wakwe wuta hi humisa Egipta. Se konkuwa hiho aha Kadhesi, ka m'ti wuwa wu kuho ha m'hinganoni ni ditiko dako.

Joxuwa 14:6

Sekoko vanana va ka Judha va to ta ka Joxuwa, ditikoni ka Giligali; se Kalebhi, mwana Jefoni, Mkenezi, a mgete ku khene: Awe wa tiziva ti Mkoma a nga gela Mosi, m'thu wa Txizimu, ngu didhawa dangu ni didhawa dako, kona Kadhesi-Bharneya.

Genesisi 14:7

Vona va to tshumela va txi ta ka Mlonga wa Kuthethiswa, i ku Kadhesi, ve khozisa dotshe ditiko da Vaamaleki ni da Vaamori, va nga ti akile ditikoni ka Azazani-Tamari.

Mitengo 13:25

Va di fungate mune wa magumi a masiku, va to wuya ngu kuxolani ka ditiko.

Mitengo 20:14

Mbimo si va ngadi Kadhesi, Mosi a to ruma mitumi ka mfumeli wa Edhomi, a txi khene: Mwananu Israyeli a khene: Awe wa ziva sotshe sikarato si hi nga humelwa ngu sona.

Dhewuteronome 1:2

Mnava wa digumi da masiku ni dimwedo a kutsimbila ngu nzila ya mmangoni ka Seyiri, kukhukhela Horebhi kala Kadhesi-Bharineya.

Masalmo 29:8

dipswi da Mkoma da dekadekisa txiwula; Mkoma wa dekadekisa txiwula txa Kadhesi!

Mitengo 13:3

Se Mosi a to va ruma madingano ni kuleleta ka Mkoma, na va di txiwulani Parani; votshe vavamna ava i nga ti misungo ya vanana va ka Israyeli.

Mitengo 32:9

Na va di hokile ka mkova wa Esikole, ve wona ditiko da kona, va to thidhelisa timbilu ta vanana va ka Israyeli, kasi ku va si tsuli ka ditiko dile Mkoma a nga ti va ningile.

Joxuwa 14:7

Ani ni ti ti ni mune wa magumi a malembe, mbimo yi Mosi, txithumi txa Txizimu, a nga ni ruma, ni txi khukhela Kadhesi-Bharneya, kasiku ni ya xola ditiko, se ni m'wuyisela m'biko ngu yotshe mbilu yangu.