Mitengo 13:21 - Bhiblia Yo Sawuleka

²¹ Ngu tona eto, va to kwela kasi kuya xola ditiko, ve khatela txiwulani ka Zimi, veza ve hoka Rohobhi, ngu nzila yi yiyako Hamati.

Mitengo 13:21 Referans Kwoze

Mitengo 33:36

Se va to khukha ngu Eziyoni-Gebheri, veya humula txiwulani ka Zini, i ku Kadhesi.

Mitengo 20:1

Wotshe msengeletano wa vanana va ka Israyeli, wu to hoka ka txiwula txa Zimi, ngu mtxima wo khata; se vathu ve gova ka wukhalo wa Kadhesi. Miriyamu a to fa ka wukhalowo, e tshotshwa konaho.

Mitengo 27:14

Ngako mi nga ni eyisa txiwulani ka Zimi, kuhenyani ka msengeletano, mbimo yi ni nga ruma ku u ni phaxela matini, masoni kwawe: (Awa mati a Meribha wa Kadhesi, txiwulani ka Zimi).

Joxuwa 15:1

Txyavelo txa lihunzu la vanana va ka Judha, madingano ni timwaya tawe, txi manekile txi txi hoka muhinganoni ka Edhomi, kukhukhela txiwulani ka Zimi, mmangoni ka diphambo da wulambwe.

Joxuwa 13:5

kumweko ni ditiko da Vagedhali, ni dotshe ditiko da Libhanoni, kala wutxani, kukhukhela Bhahali-Gadhi, hafuhi ka mmango wa Hermoni kala ha ditimbani ka Hamati.

Amosi 6:2

Pindani ngu Kalini mi wona, ngu niya, tsulani ka Hamati wa hombe; mi gwita mi relela mi ya Gati ka Vafilista: Mi nava vatxhuko kupinda mifumo yiya kani? Mwendo i nava ya hombe mihingano yakwe kupinda mihingano yanu kani?

2 Samuwele 8:9

Sekoko a di ti pfite Toyi, mfumeli wa Hamati taku, Dhavhidha a date dotshe dibutho da yimbi da Hadhadhezeri,

Dhewuteronome 32:51

Nguko mi ni onhete hagari ka vanana va ka Israyeli, matini ka Meribha-Kadhesi, txiwulani ka Zimi, nguko kha ma ni sawulekisa, hagari ka vanana va ka Israyeli.

Dhewuteronome 1:24

Vona va to khukha ve kwela mmango, ve tsimbila va txi ya hoka mkovani ka Esikole, aha va nga ya di xola dona ditikodo.

Jeremiya 49:23

Xungetano ngu Dhamasku, a vile ni tingana Hamati ni Aripadhe, ni mbimo yile va nga pfa mahungu a maphya o biha, va to tsivala; lineneni ku ni kuxaniseka, kuwalo kuthutha.

Jeremiya 52:9

Va to ñola mfumeli, ve m'heleketa ka mfumeli wa Bhabhilona, kona Ribhila, ditikoni ka Hamati, eho a nga ya lamulwa kona.

Ezekhiyele 47:16

Hamati, Bherota, Sibrayimi (di ku hagari ka m'hingano wa Dhamasku, ni m'hingano wa Hamati), ni didhoropa da Hazeri-Hatikomi (di ku hafuhi ni muhingano wa Hawurami.)

Mitengo 34:8

Kukhukhela mmangoni ka Hori, mi na veka muhingano wo wulela Hamati; wu txi gwitela Sedhadhi.

Valamuli 18:28

Kha ka nga maneka ni wammweyo wo dingana ku va lamulela, nguko va ti ti kule ni Sidhoni, kambe va ti si nga ni mhaka ni vamwani vathu, se didhoropa di ti ti mkovani, hafuhi ni Bheti-Reyobhi; msana keto, va to aketa didhoropa, va txi zumba ka dona.