Mitengo 13:20 - Bhiblia Yo Sawuleka

²⁰ Mi wona mafu a kona ti to ma nonile mwendo njigwangwa; mi wona ni mindonga taku yiho mwendo kha yi ngaho. Tsanisani, mi na wuya ni mihando ya kona ya ditikodo.” I ti ti mbimo yo vitwa mauvha.

Mitengo 13:20 Referans Kwoze

Dhewuteronome 31:23

Se Mkoma a to gela Joxuwa, mwana Nune, a txi khene: “Tsana, uva ni mtamo; nguko ngawe u no hokisa vanana va ka Israyeli, ka ditiko dile ni nga va xambanyela, ani ni na va ni nawe!”

Ezekhiyele 34:14

Ni na ti dyisela ka makhalo amanene, sibala sa kona si na maneka ka mimango yo lapha ya ka Israyeli; koneyo ti na otela ka txibala txatxinene, kambe ti na dya ka wudyiselo wa kunona, mimangoni ka Israyeli.

Nehemiya 9:35

Nguko hambi ka mfumo wako kha va ku thumela, hambi ku u nga va ninga ngu wunene wako wa hombe, hambi ka ditiko da hombe do nona di u nga va ninga kha va kuthumela, hambi kuhunduluka ka mithumo yawe yo biha.

Nehemiya 9:25

Se va to teka Didhoropa da Hombe, ni ditiko do nona, ve teka ni tinyumba to tala ngu siya sa yotshe mixowo, ni sisima so kelwa ni mivhinya, ni miolivha, ni mindonga yo tala ya mihando; va to dya ve khura, ve ena, se ve tsula va di tsakile ngu wudhumo wako wa hombe.

Vahebheru 13:6

Ngu toneto, ha sikota kuwomba ngu kutsana hi txi khathu: “Mkoma ngene txivhuno txangu, kha ni na mbi thava txilo; m'thu a nga ni maha txani kani?”

Mika 7:1

Dikhombo kwangu! Nguko no nga tile ta kuhaphwa ka mihando ya malanga, ku nga va vo roletela msana ka kuhaphwa ka mauvha: Kha ku na txizangwa txa mauvha o dingana kudyiwa, hambi makuwu o navelwa ngu mbilu yangu.

1 Makronika 22:11

Konkuwa koko, mwanangu, Mkoma a nave ni nawe, se pfala, u aka Nyumba ya Mkoma, Txizimu txako, nga tile ene a nga wombisa tona kwako.

Joxuwa 2:3

Konako mfumeli wa Jeriko a to ruma kuya gelwa Rahabhi a tito: Humisa vathuvo va nga ta kwako, ava va nga wulela nyumbani kwako, nguko va tela ku ta xola dotshe ditiko.

Joxuwa 1:9

Ina kha na kugela ani kani? Tsana uva ni mtamo; u nga xamale, kambe u nga thave, nguko Mkoma, Txizimu txako, a ni nawe, ni hani mu uyako kona.”

Joxuwa 1:6

U fanete kuva ni mtamo, u txi tsanisa mbilu, nguko ngawe u no abanisela ditiko ka vathu vava, adi ni nga xambanya ka vatate vawe, ti to ni na va ninga.

Dhewuteronome 1:25

Va to teka mihando ya dona ditikodo, ve wuya nayo kwathu. Aha va nga ta xawutela va txi kha vona: “Ditiko di Mkoma Txizimu txathu a hi ningako, dinene ngutu.”

Mitengo 13:19

Mi wona kambe ditiko da kona tito, ditshurile mwendo di ya tshura, mi txi wona ni miti yi va nga aka ka yona, mwendo nja magovelo, mwendo mikhokhola.

Dhewuteronome 1:24

Vona va to khukha ve kwela mmango, ve tsimbila va txi ya hoka mkovani ka Esikole, aha va nga ya di xola dona ditikodo.

Dhaniyeli 11:24

A nata kambe ku di malate ka makhalo o nona ngutu a ditiko, e ta maha ti ti sikhaliko kumahwa ngu vatate vakwe, hambi vakokwani vakwe; a na abanisela txuma, ni si si nga handwa, ni thomba, kambe a na maha mithumo yo wukela mikhokhola, aniko ngu mbimo yokari.

Joxuwa 2:1

Se Joxuwa, mwana Nune, a to ruma vavamna vambidi ngu Sitime, kuya xola ngu txihunja, a txi khene: “Tsulani, mi txi ya xola ditiko da Jeriko.” Va to tsula koko, va txi ya wulela nyumbani ka digelegele dokari, di nga ti dhanwa ku i Rahabhi, va ti ya otela koneyo.