Mitengo 13:17 - Bhiblia Yo Sawuleka

¹⁷ Mosi a to va ruma kuya xola ditiko da Kanana; a txi khene: “Tsimbilani ngu didhawa da mswa-ditambo, mi komba mmangoni ka wulambwe

Mitengo 13:17 Referans Kwoze

Valamuli 1:9

Se msana keto, vanana va ka Judha va to relela kasiku va txi yalwa ni Vakanana, vale va nga ti akile mimangoni, ni wulambwe ni libalani.

Genesisi 12:9

Msana keto, Abramu a to tsimbila, eza a txi ya hoka Negebhe.

Valamuli 1:19

Se Mkoma a ti ti kumweko ni va ka Judha, kambe a to fuvisa vazumbi va mimangoni, aniko kha tutumisa vaaki va Libalani, nguko va ti ti ni sikotxikani sa tisimbi.

Valamuli 1:15

Se Akisa a to m'gela ku khene: “Ni ninge txokari, ngako u nga ni ninga mafu a kuoma; ni ninge ni sona sisima sa mati.” Se Kalebhi a to mninga sisima sa hombe ni sa sidotho.

Joxuwa 15:3

wu txi komba kuya wulambwe mmangoni ka Akrabhime, wu txi pinda ngu Zimi, wu txi ya wulambwe ka Kadhesi-Bharneya, wu txi pinda ngu Hebroni, wu txi ya ngu Adhari, wu txi tshumela wu txi ya Karika;

Genesisi 13:1

Abramu a to huma ditikoni ka Egipta, ni msikati wakwe, ni sotshe si a nga ti naso, ni Loti a ti kumweko navo, kala ditikoni ka Negebhe.

Dhewuteronome 1:44

Se Vaamori, vale va nga aka txitimwi ka mmango, va to huma konako va txi mi hingeta, ve mi tutumisa nga tinombe, aha va nga mi khozisa kukhukhela Seyiri, kala Horima.

Mitengo 14:40

Ni mixo ngutu, Vaisrayeli va to kwela veya mmangoni, va txi ya kha vona: “Ngathu vava! Hi lava kukwela hi tsula ka wukhalowo Mkoma a nga wu womba; nguko kha ditshuri athu hi onhile.”

Mitengo 13:29

Vaamaleki va akile ngu didhawa da wulambwe, Vaheti, ni Vajebhusi, ni Vaamori, va akete mmangoni. Vakanana va akile hafuhi ni linene, ni txinambwanani ka Jordhani.”

Genesisi 14:10

Ngu ti taku, libala la Sidhime li ti ni sisima sasingi si nga ti tate ni ndope, kuthavani kwawe mfumeli wa Sodhoma ni mfumeli wa Gomora, va to hojomela ka sona, avale va nga sala va to thavela mmangoni.

Genesisi 13:3

Ene a to ya masoni ni dipfhumba dakwe, kukhukhela Negebhe, kala Bheteli, ka wukhalo wu kukhatani ka kona a nga ti emisile ditenda dakwe, hagari ka Bheteli ni Ayi.

Genesisi 13:17

Konkuwa, khukha u txi dhawula ditiko diya u wona kulapha ka dona ni kuanama ka dona, nguko ni na kuninga dona.”

Mitengo 13:18

mi txi ya xola makhalelo a ditiko dileya; mi wona ni vathu va va nga aka ka dona; ti to mbathu va ku ni mtamo. Mi tshumela mi wona kambe ti to mbavangi, mwendo kha va tala.

Joxuwa 2:1

Se Joxuwa, mwana Nune, a to ruma vavamna vambidi ngu Sitime, kuya xola ngu txihunja, a txi khene: “Tsulani, mi txi ya xola ditiko da Jeriko.” Va to tsula koko, va txi ya wulela nyumbani ka digelegele dokari, di nga ti dhanwa ku i Rahabhi, va ti ya otela koneyo.

Joxuwa 10:40

Ngu toneto, Joxuwa a khozisile dotshe ditiko, mimango ni Negebhe, ni libala ni mikova yotshe, ni vafumeli va kona votshe; kha nga leka ni wammweyo wo sala, a to si lovisa sotshe si si nga ya maneka si txi hanya, nga ti Mkoma, Txizimu txa ka Israyeli, a nga va leletisa tona.