Mitengo 12:3 - Bhiblia Yo Sawuleka

³ Se Masoni ka Mkoma kuwonekile ti to Mosi i ti m'thu wo dikha ngutu kupinda votshe vathu ha mafuni.

Mitengo 12:3 Referans Kwoze

Matewu 11:29

Tekani mpakato wangu, mi txi gonda ngu ngani, ani ni ku wo thutha ni wa mbilu ya kutiveka hahatshi, mi na mana kuhumula mihefemuloni kwanu.

Jakobe 3:13

I mani hagari kwanu a zivako, kambe na a di txharihile, kani? A na kombise ngu mahanyelo akwe a kutiveka hahatshi ni a wuzivi.

2 Vakorinto 12:11

Ni ti mahile diphuphulu! Anu nganu mi nga ni kurumeta kumaha eto. Anu nganu mi nga ti fanete ku ni dhumisa. Nguko, kuwalo ni txilo txa tximwetxo va nga ni pala ngu txona “Vapostolivo vawe va hombe.”

2 Vakorinto 11:5

Aniko ni pimisa ti to kha va ni pali ngu txilo ni txa txidotho vapostolivo vawe va hombe.

Matewu 5:5

Va katekile ava vo thutha, nguko va na mana thomba ya mafu!

1 Pedro 3:4

Aniko, ku ti bombisa kwanu ku nave ka wuthu wa mndani ka moya, ka wuthu wo sisaleka wa mbilu, i ku kubasa ko mbi guma ka moya wo thutha ni wa kudikha, wu ku ni lisima masoni ka Txizimu.

1 Vatesalonika 2:7

hambiko hi nga ti fanete ku mi nemeta, aku hi ku Vapostoli va Kristu. Aniko hi ti mahile nga sivananana hagari kwanu, mwendo kufana ni mame wu a mamisako vanana va a nga va veleka.

2 Vakorinto 10:1

Ani, Paulo ngu wutumbu wangu, na mi khongotela ngu kudikha, ni wunene wa Kristu, ani ni ti vekako hahatshi masoni kwanu, kambe ni mahako wurena ni di kule ni nanu.

Matewu 21:5

“Gelani dihorana da Siyoni, mi txi khanu: Ndiyo wata Mkoma wako wa kuthutha, a di gadhile mbongola, yi ku ni tximbongolana, txi i ku mwanana wa yona.”

Masalmo 149:4

Mkoma a tsakiswa ngu vathu vakwe; wa guleta sisiwana ngu ku si ninga kuxula valala!

Masalmo 147:6

Mkoma wa xayisa sisiwana, aniko wa wisa hahatshi avale va mahako kubiha.

Mitengo 12:4

Koneko, ngu txikuluveta, a to dhana Mosi, ni Aroni, ni Miriyamu, a txi khene: “Humani anu vavararu mi txiya ditendani da msengeletano!” Konako va to huma ngu wuraru wawe ve tsula.