Mitengo 12:2 - Bhiblia Yo Sawuleka

² Va to womba-womba va txi kha vona: “Kasi Mkoma a to womba-womba ngu Mosi ekha kani?” Ina kha womba-womba ngu ngathu nathu kani? Se Mkoma a to engisa.

Mitengo 12:2 Referans Kwoze

Mitengo 16:3

Se ve tshangana ni Mosi ni Aroni, va txi kha vona: Konkuwa, ta dingana nguko wotshe msengeletano wu sawulekile, ni Mkoma aho hagari ka wona! Ngu kutxani mi txi ti kulisa txitimwi ka msengeletano wa Mkoma kani?

Vafilipiya 2:14

Thumani totshe mi si ngungurukeli ni kuphikizana,

Vafilipiya 2:3

Mi nga maheni to maha ngu kukanetana hambi kutikulisa, aniko thumani ngu kutiveka hahatshi, mi si alakanyi ti to ma pinda vamwani ngu wunene.

Mika 6:4

Kha ditshuri ni mi humisile ditikoni ka Egipta, ni ka nyumba ya wukhumbi ni mi tirute, kambe ni vekile Mosi, ni Aroni, ni Meriamo, masoni kwanu.

Isaya 37:4

Ina Mkoma, Txizimu txako, a ngava a di ma pfite mapswi a Rabhisake, wule a nga rumwa ngu nyamne wakwe, i ku mfumeli wa Asiriya, ku ta sola Txizimu txa kuhanya, ni ku ta txhipisa ngu mapswi awa Mkoma, Txizimu txako, a nga ma engisa; khongelela sotshe sile si nga sala.”

Varoma 12:10

Zumbani ngu kurandana nga vanana va m'thu mmweyo, mi txi palisana ngu kukombisa txithavo ka mmwani ni mmwani.

2 Vafumeli 19:4

Ti nga nda maheka ti to Mkoma Txizimu txako, a txi engisa otshe mapswi a Rabhisake, awule a nga rumwa ngu nyamne wako, i ku mfumeli wa Asiriya, ku ta duka Txizimu txa kuhanya; khongelela sotshe sile u si alakanyako.”

Mitengo 11:1

Ku to maheka ti to vathu ve khata kungungurukela tinzeveni ka Mkoma; se a di ti engisile eto Mkoma, kuhenya kwakwe ku to hisa, mndilo wakwe wu to tura hagari kwawe, wu tshokomisa vale va nga ti ti magwito ka wugovelo.

1 Pedro 5:5

Nananu, vavaphya, ti vekeni hahatshi ka madhota. Ambalani moya wa kutiveka hahatshi, mmwani masoni ka mmwani; nguko, Txizimu txi nyenyana ni va va kutikulisa, kambe txi ninga makatekwa a txona ka vale va kutiveka hahatshi.

2 Samuwele 11:27

Se ku di pindile txidilo, Dhavhidha a to rumela vo ya mteka eya nyumbani kwakwe; kambe a to mmaha msikati wakwe, ene e m'velekela mwanana wa mfana. Kambe mhaka yi ya Dhavhidha a nga yi maha yi ti bihile masoni ka Mkoma.

Mitengo 11:29

Kambe Mosi a to khene kwawe: “Ngu kutxani uva ni txiluse masoni kwangu kani? Ani ni khani i di tinene nga ti votshe vathu va Mkoma va txi profeta, Mkoma e va ninga moya wakwe!”

Varoma 12:3

Ngu mtamo wa kateko yi ni nga ningwa, na laya mmwani ni mmwani a ku hagari kwanu ti to asi thuki a txi ti alakanyela kupinda mpimo wa fanelo yakwe, aniko a nave ni mapimo a kutiveka hahatshi, madingano ni mpimo wa likholo li Txizimu txi nga avela ka mmwani ni mmwani hagari kwanu.

Mavingu 13:10

Kutikulisa kutisa mazunga, aniko wutxhari wu manwa ka vale va ningako milayo.

Eksodha 7:10

Sekoko Mosi ni Aroni va to tsula ka Faro, va to ya maha nga tonti Mkoma a nga va rumisa tona. Aroni a to rinza hahatshi ndonga yakwe, masoni ka Faro ni masoni ka mahalamu akwe, se yona yi to hinduka yi txi maha mnyoka.

Eksodha 5:1

Ngu msana ka totshe Mosi ni Aroni va to tsula va txi ya wonana ni Faro, va txi ya kha vona: “Mkoma, Txizimu txa ka Israyeli, a womba tiya: Leka vathu vangu ve tsula, kasiku va txi ya ni mahela m'buso txiwulani.”

Genesisi 29:33

Se a to mana kambe txirumbu e veleka mwanana wa mfana, a txi khene: “Mkoma a engisile ti to ani kha ni randwi, se e ni ninga kambe wuwa. Se a to mraya ditina daku i Simiyoni.”

Eksodha 4:30

Se Aroni a to txhamusela mapswi otshe aale Mkoma a nga ma womba ka Mosi, se Mosi a to maha sikombiso masoni ka vathu.

Mitengo 12:3

Se Masoni ka Mkoma kuwonekile ti to Mosi i ti m'thu wo dikha ngutu kupinda votshe vathu ha mafuni.

Eksodha 4:14

Sekoko Mkoma a to henyela Mosi, a txi khene: “Ina kha nga ho Aroni, Mlevhi, i ku mwanana kani? Ani na tiziva ti to ene wa womba-womba ta tinene. Ndiyo ene wa huma a txi kuhingeta, ni mbimo yi a no kuwona a na tsaka mbiluni kwakwe.