Mitengo 12:14 - Bhiblia Yo Sawuleka

¹⁴ Se Mkoma a to khene ka Mosi: “Ku nga ti tate wakwe a txi mthurela khoheni, ina kha na mbi va ni tingana mndani ka mtxhanu wa masiku ni mambidi kani? A na khotelwa mtxhanu wa masiku ni mambidi hahanze ka wugovelo; se msana keto, a na wuyiswa kambe.”

Mitengo 12:14 Referans Kwoze

Dhewuteronome 25:9

sekoko awule wa noni a na tshuketa hafuhi kwakwe, na a txi wonwa ngu madhota, a txi mthavisa tikathula, e mthurela khoheni, e nama a txi khene: “Ngu tona tiya ti no mahwa ka wamwamna wule a lambako kuwusa nyumba ya mwanawe”;

Jobe 30:10

Va ni nyenya, ve tutuma ve tsula kule ni nani, kambe kha va emi ku ni thurela khoheni.

Isaya 50:6

Ni tshuralela vale va ni pekako, ni khohe yangu ka vale va ni xurulelako misisi; kha ni sisi khohe yangu, ka vale va ni poyilelako, ni ku ni thurela.

Vahebheru 12:9

Hahanze ka toneto, hi ni vatate vathu va mmidi, avava va nga hi gondisa, vona ha va xonipha. Ina kha hi faneli kuthava ngutu Tate wa mimoya, kasi ku hi na hanya kani?

Matewu 26:67

Sekoko va to khata ku mu thurela khoheni, ve mpeka ngu sibhakela. Vamwani va txi mu haphata ngu mipama, va txi kha vona:

Jobe 17:6

Aniko ani a ni vekile kuve txisekiso ka vathu, se ni gwitisile kuva txinyenyeko kwawe.

Levhi 14:8

Se awule a basiswako, a na kuwula syambalo sakwe, e kuyulwa yotshe misisi yakwe, e samba ngu mati; a na va a di basile, ngu msana, a na wulela wugoveloni, aniko a na zumba hahanze ka ditenda dakwe, mtxhanu wa masiku ni mambidi.

Mitengo 5:1

Se Mkoma a to womba ka Mosi, a txi khene:

2 Vafumeli 15:5

Se Mkoma a to peka mfumeli, eva ni tshekela kala ka ditshiku da kufa kwakwe, na a txi zumba ka nyumba ya didhawa; ngu kumaha keto, Jothamu mwanana wa mfumeli, ngene a nga ti nyumbani ka wukoma, a txi lamula vathu va ditiko.

Levhi 13:4

Se ngako dithanzi i ti do basa aniko di si thisi, hambi ni mapfhete a kona, ma sa hinduka ma txi basa, mphaxeli a na ruma ti to m'thu eneyo a na zumbe ka ekha kala mtxhanu wa masiku ni mambidi.