Mitengo 12:11 - Bhiblia Yo Sawuleka

¹¹ Se Aroni a to gela Mosi a txi khene: “Ayiwe, nyamne wangu! U nga hi vekele txiviti ngu mhaka ya txionho txi hi nga va natxo txa wuphukuphuku, txa kwa mbi ziva ta tinene ta Mkoma.

Mitengo 12:11 Referans Kwoze

2 Samuwele 24:10

Se msana kova va di batwe vathu, mbilu ya Dhavhidha yi to panda, kambe Dhavhidha a to khene ka Mkoma: Ni onhile ngutu ngu ti ni nga maha, kambe konkuwa, awe Mkoma, ni kombela ku u thavisa kuonha ka txithumi txako, nguko ni mahile wuphukuphuku wa hombe.

2 Samuwele 19:19

Se a to khene ka mfumeli: Nyamne wangu, u nga ni vekela mnandu, kambe u nga alakanye kubiha kule txithumi txako txi nga ku mahela, ka ditshiku dile mfumeli, nyamne wangu a nga huma Jerusalema; u nga ti veke mbiluni, awe mfumeli.

Mavingu 30:32

Ngako u di tsimbite ngu wuphukuphuku, u ti guleta, ni kungako u di pimisete to biha, veka dianza ha ka txisofu.

Mtuletelo 3:9

Ni na kuningela vokari va disinagoga da Sathani, va ti wombako ku majudha, na i si nga ona, nguko va womba makuhu; ni na maha ti to ve ta ku khizamela minengeni kwako, kasiku ve tiziva ti to na kuranda.

Mithumo 8:24

Simoni a to xamula, a txi khene: “Ni khongeleleni anu ka Mkoma ti to ni si thuki ni txi humelwa ngu txilo ni txa tximwetxo ka si mi nga si womba.”

Jeremiya 42:2

va to ya ka mprofeti Jeremiya, va txi kha vona kwakwe: Ha kombela ti to u amukela txikombelo txathu, u txi hi kombelela ka Mkoma Txizimu txako, athu hotshe hi nga sala; hi vadotho hi nga sala ngako u ti wonako ngu maso ako:

2 Makronika 16:9

Nguko maso a Mkoma mawona kotshe ha mafuni kutsanisa ava i ku vakwe ngu timbilu tawe totshe. U mahile wuphukuphuku ka mhaka yiya nguko kukhukhela konkuwa u na va ni tiyimbi.

1 Vafumeli 13:6

Sekoko mfumeli a to xamula a txi khene ka m'thu wa Txizimu: Khongela masoni ka Mkoma Txizimu txako, ni kombelele ti to dianza dangu di kalamuka. Sekoko m'thu wa Txizimu a to kombela masoni ka Mkoma, se dianza da mfumeli di to wuya txikale txa dona.

1 Samuwele 12:19

Se vathu votshe va to kha vona ka Samuwele: Kombelela sithumi sako ka Mkoma Txizimu txako, kasiku hi si fi; nguko ka sotshe sionho sathu hi engetete wubihi wuwa, wa ku ti kombelela mfumeli.

1 Samuwele 2:30

Ngu kumaha keto, Mkoma Txizimu txa Israyeli, a khene: Ngu ditshuri ani ni wombile ti taku, nyumba yako ni nyumba ya tate wako, ti na tsimbila masoni kwangu kala kupinduka; aniko konkuwa, kuwomba Mkoma,: Timhaketo ti nave kule ni nani! Nguko ni na thava avale va ni thavako, kambe avale va ni eyisako va na wiswa tingana.

Eksodha 12:32

Tekani kambe mitxhambi yanu ya tinvuta ni ya tihomu, nga ti mi nga kombela, tsulani kambe ni katekiseni nani.

Mitengo 11:2

Sekoko, vathu va to dila ka Mosi, ene a to va kombelela ka Mkoma, se mndilo wu to timeka.

Mitengo 12:12

Maalakanyo angu ni ti kombela tito, Miriyamu a nga fane ni mwanana wo huma ngu mndani ka mame wakwe a di fite, awule nyama yokari yakwe yi nga sina!”