Mitengo 12:10 - Bhiblia Yo Sawuleka

¹⁰ Mbimosi direfu di nga khukha txitimwi ka ditenda, koneko Miriyamu mmidi wakwe wu to basa ngu tshekela, wu txi fanana ni hunguva. Aroni a to wona Miriyamu ti to ana ni tshekela.

Mitengo 12:10 Referans Kwoze

Dhewuteronome 24:9

Alakanya ati Mkoma Txizimu txako, a nga maha ka Miriyamu, ha nzila, kuhumani kwanu ngu Egipta.

2 Vafumeli 5:27

Ngu kumaha keto, xokonho ya Nahanani yi na tshapela kwako, ni ka liveleko lako kala kupinduka. Se Gehazi a to khukha masoni ka Elixa, na a di ni xokonho yo maha ngu ku xwee, nga hunguva.

2 Vafumeli 15:5

Se Mkoma a to peka mfumeli, eva ni tshekela kala ka ditshiku da kufa kwakwe, na a txi zumba ka nyumba ya didhawa; ngu kumaha keto, Jothamu mwanana wa mfumeli, ngene a nga ti nyumbani ka wukoma, a txi lamula vathu va ditiko.

Matewu 25:41

Sekoko ngu msana, a na gela ava va txibhabha kwakwe, a txi khene: ‘Hambukani kule ni nani, anu vathu va kurukwa, tsulani mndiloni ko mbi na magwito, awu wu nga longiselwa Sathani ni tingelozi takwe.

Hoseya 9:12

Hambi va txi ta wunja vanana vawe, ani ni na va tekela, ku si sali m'thu ni wammweyo; nguko dikhombo kwawe, ngako kambe vona va txi ni leka!

Eksodha 4:6

Mkoma a to engeta a txi khene: “Konkuwa veka dianza dako hakhana kwako.” Ene a to veka dianza hakhana, se mbimo yi a ngadi thavisa, a to di wona di di hindukile di txi basa ngu tshekela di txi nga hunguva.

Mitengo 5:2

“Laya vanana va ka Israyeli tito, awu a ku ni malwati a tshekela, ni vathu votshe ava va mahako kubiha ni ku ti nzambwisa ngu kugwesa sirumbi, va na humiswa hahanze ka wugovelo.

2 Vafumeli 7:3

Se ha txikeni ku ti ti ni mune wa vavamna va nga ti ni xokonho, na va txi wombawombisana, va txi kha vona: Hi na zumbela txani hawa kala hi txi fa kani?