Mitengo 11:8 - Bhiblia Yo Sawuleka

⁸ Vathu va txi hangalaka ve tsimbila va txi rolela manna ve ma gaya ngu txigayo, ni ku ma sinza ngu ka dithudi; ve ma bhika khadini ve ma maha makhekhe; se kutshamba ka ona ma ti ti fana ni dikhekhe do kanyangelwa ni mtona.

Mitengo 11:8 Referans Kwoze

Eksodha 16:31

Vathu va nyumba ya ka Israyeli va si ningile ditina daku i manna. I ti so nga nyasenge, wo basa, kutshamba ka sona i ti ku nga txibhubhutela txa wulombe.

Johani 6:27

Mi nga karatekeni ngu kuthumela sakudya si si pindako, aniko thumelani asi si no va si diho kala kuhoka ka wutomi wo mbi guma, asiya Mwanana wa M'thu a no mi ninga, nguko Ene wu, ngene a nga vekelwa txixambanyo ngu Txizimu Tate.”

Eksodha 16:23

Ene a va gete a txi khene: “Ngu toneto, Mkoma a nga womba ku khene: Mangwana ditshiku do humula, i Sabbata yo sawuleka ya Mkoma. Bhikani si mi si lavako kubhika, mi katinga si mi lavako kukatinga, ni si si salako, si veketeni kala mangwana.”

Johani 6:31

Vatate vathu va dyite manna txiwulani, nga ti, ti nga bhalwa, va txi kha vona: ‘A va ningile sakudya sa dipawu da kuta ngu nzumani.’ ”

Genesisi 25:29

Jakobe a ti ti bhikile sakudya, Esawu a to wuya ngu txitingani, a di karate.

Mitengo 11:7

Se manna ma ti ti fana ni timbewu ta kowentro, kambe ma txi nga bhidheliyo.

Mitengo 11:9

Ni wusiku, mbimoyi hunguva yiwako ha wugoveloni, manna ni ona ma ti ti wa.