Mitengo 11:26 - Bhiblia Yo Sawuleka

²⁶ Kambe wugoveloni ku to sala vavamna vambidi, mmweyo wawe a ti dhanwa ku i Eldhadhe, awu mmwani i Medhadhe. Moya wu to ya khandama txitimwi kwakwe (ngako i ngadi vamwevo va vale va ngadi bhatwe, hambiko va nga si ngaho ditendani), se va to profeta kona wugoveloni.

Mitengo 11:26 Referans Kwoze

Jeremiya 36:5

Se Jeremiya a to leletela Bharuke, a txi khene: Ani ni khotetwe, kha ni sikoti kuwulela Nyumbani ka Mkoma.

Jeremiya 1:6

Sekoko ani ni ti khani: “Oho! Mkoma Txizimu! Wona taku kha ni sikoti kuwombawomba; nguko ni mwanana!”

1 Samuwele 20:26

Aniko ka ditshiku donedo, Sawule kha womba txilo, nguko a ti ti khene: Dhavhidha a to humelelwa ngu to maha, kutilava kha basa; kha ditshuri kha basa.

1 Samuwele 10:22

Sekoko va to wotisa kambe ka Mkoma tito: M'thu wule a nata kambe hale kani? Se Mkoma a to xamula ku khene: Diyole, a baramile hagari ka thundu.

Eksodha 3:11

Sekoko Mosi a to khene ka Txizimu: “No va mani ani wa kusikota kuya ka Faro, ni txi ya humisa vanana va ka Israyeli ditikoni ka Egipta kani?”

Mitengo 11:27

Mmweyo wa dijaha a to tutuma eya gela Mosi tito: “Eldhadhe ni Medhadhe ni vona va profeta wugoveloni.”

Mitengo 24:2

Se Bhalahamu a to gula maso e wona Vaisrayeli, va di zumbile ka matenda awe, ngu tinyumba tawe, se Moya wa Txizimu wu tota txitimwi kwakwe.

1 Samuwele 10:6

Se Moya wa Mkoma wu na wulela kwako, kambe u na profeta kumweko navo, u hunduka u va mmwani m'thu.

2 Makronika 15:1

Sekoko Moya wa Txizimu wu to ta ka Azariya, mwana Obhedhi.

Nehemiya 9:30

Hambi keto u nawulutile wunene wako ka malembe o tala, kambe u va kanetile ngu Moya wako, ngu txisofu txa vaprofeti vako; aniko vona kha va kuengisa; sekoko u to va ningela manzani ka vathu va matiko.