Mitengo 11:23 - Bhiblia Yo Sawuleka

²³ “Kambe Mkoma a to khene ka Mosi: Ina diwoko da Mkoma di komile kani? Awe verela, konkuwa, u na wona ti to dipswi dangu, di na maheka mwendo kha di na mbi maheka.”

Mitengo 11:23 Referans Kwoze

Isaya 59:1

Wonani taku dianza da Mkoma kha da khwanyela, a ti to di si sikoti kuhanyisa; hambi nzeve yakwe, kha ya tsiveka, ko naza yi tandeka kuengisa.

Isaya 50:2

Ngu kutxani ni ngata ni si ta mana m'thu kani? Ngu kutxani ni nga mi dhana, ku si oroveli ni wammweyo kani? Ina dianza dangu di to khwanyela, niza ni si sikoti kutirula kani? Ni ku mwendo kha ni ngadi ni mtamo kasi kutxhatxhisa kani? Wonani taku, ngu kukawuka kwangu na omisa linene, ni maha ti to minambo yi hunduluka yiva siwula, kala kuza sihaka sa kona si nunga, nguko kha ku nga ni mati, se sa fa ngu ditora.

Ezekhiyele 12:25

Nguko ani Mkoma, ni na womba-womba, ati ni no womba ti na maheka; kha ti na mbi swela; nguko ka masiku anu, anu va nyumba ya kutitsimba, ni na womba mhaka, kambe ni na yi maha, kuwomba Mkoma Txizimu.

Mitengo 23:19

Txizimu kha txi na makuhu nga m'thu. Lambi, txona hi nga mwanana wa m'thu wo txitxa-txitxa. Txizimu hi nga txo womba dwe txi si mahi, ina kha txi mahi ti txi nga womba kani? Kasi hi nga txo womba ti txi tatiseka kani?

Genesisi 18:14

Ina txi ho txo tandeka ka Mkoma kani? Ka dilembe di di tako, ngu yona yiya mbimo, ni na wuya kambe kwako, se Sara a na va a di ni mwanana wa dizambi.

Luka 1:37

Nguko ka Txizimu ti walo to tandeka.”

Matewu 19:26

Jesu a to va wonisisa, a txi khene kwawe: “Ka vathu eto kha ti koteki, aniko ka Txizimu totshe ta koteka.”

Ezekhiyele 24:14

Ani Mkoma ni ti khani: Ti na maheka, ni na ti maha; kha ni na mbi tshumelela msana, kambe kha ni na mbi pimela, hambi kutilaya; madingano ni tinzila tako, ni madingano ni mithumo yako, va na kulamula, kuwomba Mkoma Txizimu.

Matewu 24:35

Nzuma ni mafu si na pinda, kambe mapswi angu kha ma na mbi pinda.”

Mika 2:7

O, anu mi dhanwako ku nyumba ya Jakobe, ina wu khala ku hungulwa Moya wa Mkoma kani? Ngu yona yiya mithumo yakwe kani? Ina mapswi angu hi nga manene ka wule a tsimbilako ngu kululama kani?

Masalmo 78:41

Va to tshumelela msana, ve duka Txizimu; sambe va kanakanile ngu wo Sawuleka wa ka Israyeli!

2 Vafumeli 7:2

Sekoko mthangeli wa yimbi awule a nga ti sanzekile kwakwe diwoko mfumeli, a to xamula ka Elixa, m'thu wa Txizimu, a txi khene: Hambi i ti ku Mkoma o maha mafasitela nzumani, ti ndi na maheka toneto kani? Se Elixa a to khene: Sekoko u na ti wona ngu maso ako, hambi keto kukhukhela ka koneho khu na mbi dya.

Mitengo 11:22

Se va na dayelwa tinvuta ni tihomu kasi kuza ve enela kani? Mwendo kutshanganiswa sihaka sa mu lineneni kasi kuza ve enela kani?

Jeremiya 14:9

Ngu kutxani u txi nga u m'thu wo dhukiswa, nga ndena yile yi si sikotiko kuhanyisa kani? Kuve awe waho hagari kwathu, awe Mkoma, hi dhanwa ngu ditina dako; u nga hi leke!

Dhaniyeli 6:20

A di hokile diphalani, a to dhana Dhaniyeli ngu dipswi da kuxaniseka, a txi khene: Dhaniyeli, awe txithumi txa Txizimu txi txi hanyako! Ina Txizimu txako txi u txi thumelako masiku otshe, txi sikoti ku kuhulukisa ka tingonyamo, kani?

Eksodha 6:1

Sekoko Mkoma a to khene ka Mosi: “Konkuwa, u na wona ti ni no maha ka Faro, nguko ngu mhaka ya mtamo wa dianza dangu, ene a na va leka va txi tsula, ni mhaka ya mtamo wa dianza dangu a na va tutumisa ditikoni kwawe!”

2 Vafumeli 4:43

Sekoko txithumi txakwe txi to kha txona: Ni na si vekisa kutxani sona siya masoni ka 100 wa vathu kani? Se Elixa a to khene: Si ningele ka vathu va txi dya, nguko Mkoma a khene: Va nadye, si txi sala.

Jeremiya 32:17

O! Mkoma Txizimu! Ngawe u nga maha nzuma ni mafu ngu mtamo wako wa hombe ni diwoko dako di nga nawulutwa; kha ku na txilo txi tandako kwako:

Jeremiya 32:27

Ngani Mkoma Txizimu txa vathu votshe; ina txi ho atxi ni nga txi tandako kani?