Mitengo 11:17 - Bhiblia Yo Sawuleka

¹⁷ Sekoko ani, ni na kwitima ni ta womba-womba ni nawe konaho; se ni nata hungula moya wu wu ku nemelako wekha, ni wu veka kwawe, kasi ve kuvhuna; se moya wu na kuvhuna kurwala vathu, na i si ngawe wekha u rwalako.

Mitengo 11:17 Referans Kwoze

1 Samuwele 10:6

Se Moya wa Mkoma wu na wulela kwako, kambe u na profeta kumweko navo, u hunduka u va mmwani m'thu.

Mitengo 11:25

Mkoma a to txhika ngu mu ka direfu, e ta womba-womba ni Mosi; se e teka moya wakwe e wu thela ka madhota ale a mtxhanu wa magumi ni mambidi. Se mbimo si moya wu nga wulela ka vathu, vona va to profeta; hambi keto, kha va nga engeta ve profeta kambe.

1 Vakorinto 2:12

Se athu kha ha amukela moya wa mafu, aniko hi amukete Moya wu wu tako ngu ka Txizimu, awu wu hi ningako kuziva tikateko ti hi nga ningwa ngu txona.

2 Vafumeli 2:9

Sekoko mbimo yile va ngadi txhatukile, Elija a to khene ka Elixa: Ni kombele ati u ti lavako ku ni txi ku mahela, ni sanzi kuthaviswa hafuhi kwako. Elixa a to khene: Ni kombela moya wako txitimwi kwangu, na wu di wuyeletilwe kambidi.

Joyeli 2:28

Se ku na maheka taku, ni tshakunuta Moya wangu txitimwi ka nyama yotshe, se vanana vanu va majaha ni vamahorana va na phorofeta, sikosana sanu si na va ni miloro, vavaphya vanu va na va ni siwoniso.

2 Vafumeli 2:15

Mbimo yile va nga mu wona vanana va vaprofeti, na va di rendekelani ni Jeriko, va to kha vona: Moya wa Elija wu khandamile ka Elixa. Se va to mu hingeta ve ta mu khizamela.

Varoma 8:9

Kambe anu kha mi fumwi ngu mmidi, aniko mi fumwa ngu Moya, ngako ngu ditshuri Moya wa Txizimu wu di zumbile mndani kwanu. Aniko awule a ku si nga ni Moya wa Kristu kha lumbi ene.

1 Vatesalonika 4:8

Ngu toneto, awu a nyenyako gondo yiya, kha nyenyi m'thu, aniko a nyenya Txizimu, txona txi ka ditshuri, txi mi ningako Moya wa txona wo Sawuleka.

Nehemiya 9:20

Se u va ningile moya wako wa wunene, kuve gondisa ngu wona; hambi manna ako khu ya thavisa txisofuni kwawe; ni mati o sela u va ningile.

Eksodha 18:22

Vona va na thethisa vathu ka yotshe mbimo. Timhaka ta hombe va na ti tisa kwako, aniko totshe timhaka ta tidotho vona va na thethisa va txi ti heta. Ngu toneto, ti no ku hehukisela, nguko vona va na rwala mthumo kumweko ni nawe.

Judha 1:19

Ngu vona va vangako mibhando, va fumwako ngu minavelo yo biha ya nyama, va si fumwiko ngu Moya.

1 Pedro 1:22

Ngu kuengisa ditshuri, mi basisilwe mimoyani kwanu ngu lirando la txikoma ni txinanda. Randanani ngu kukhutala ka lirando la kuta ngu mndani ka mbilu,

Mitengo 12:5

Sekoko Mkoma a to txhika ngu ka phande ya direfu, a txi ta ema ha txikeni ka ditenda; msana keto, a to dhana Aroni ni Miriyamu, se va to huma ngu wumbidi wawe.

Eksodha 19:20

Mkoma a to txhika txitimwi ka mmango wa Sinayi. Se ene Mkoma a dhani Mosi a di kona mmangoni, aha Mosi a nga kwela.

Genesisi 11:5

Sekoko Mkoma, ngu konaho, a to relela, kasi kuya wona didhoropa ni txitezi txi vanana va vathu va nga ti aka.

Johani 7:39

Jesu a ti ti womba tiya, na a txi fanekisa Moya wu va nga txi fanela ku wu amukela avale va ndino kholwa kwakwe; nguko wona Moya wu ti sanzi kuta, nga ti Jesu a nga sanzi kupfaliswa.

Johani 3:13

Kha ku na m'thu wu a nga kwela nzumani, hahanze ka wule a nga txhika ngu nzumani, i ku Mwanana wa M'thu.

Isaya 44:3

Nguko ni na tshakunuta mati txitimwi ka txihala, ni minambo txitimwi ka mafu a kuoma; ni na thela moya wangu txitimwi ka liveleko lako, ni makatekwa angu txitimwi ka vanana vako.

Mitengo 27:18

Sekoko Mkoma a to gela Mosi a txi khene: Teka Joxuwa, mwana Nuni, m'thu wu aku ni moya, u msanzeka dianza dako.

Mitengo 12:8

Ene no womba-womba nayo ngu txisofu, ni ti kombisa, na i si nga kusisalani; kambe ene wa so maha ngu kuwona wutumbu wa Mkoma; ngu kutxani koko mi nga mbi thava kulenga txithumi txangu Mosi kani?”

Eksodha 34:5

Mkoma a to relela ngu mu direfuni a txi maneka hafuhi kwakwe, se Mosi a to huwelela ditina da Mkoma.

Eksodha 19:11

va txi va va di ti longisete ka ditshiku da wuraru, nguko ka ditshiku da wuraru, Mkoma a na txhika txitimwi ka mmango wa Sinayi, masoni ka vathu votshe.

Genesisi 18:33

Mkoma, ngako a di gwitile kuwombawomba ni Abrahamu, a to khukha e tsula, se Abrahamu a tshumete a txi wuya m'tini kwakwe.

Genesisi 17:22

Ngako Txizimu txi di gwitile kuwombawomba ni Abrahamu, txi to khukha txi msiya, txi guleka.

Genesisi 17:3

Sekoko Abramu a to wa hahatshi ngu mbanza; Txizimu txi to womba kwakwe txi txi kha txona:

Eksodha 18:18

Ngu ditshuri u na karala ngutu, awe ni vathu vava u ku navo, nguko mthumo wa nemela ngutu kwako; khu na kusikota ku wu thuma wekha.

Isaya 63:11

Hambi keto, a to alakanya masiku a kale ngutu, a Mosi ni a vathu vakwe, va nga kha vona: Ahayi wule a nga va humisa lineneni, kumweko ni vadyisi va mtxhambi kani? Ahayi wule a nga thela Moya wakwe wo Sawuleka hagari kwawe,

Mitengo 7:89

Se mbimo yile Mosi a nga ti wulela ditendani ka msengeletano, kasi kuya womba-womba ni Mkoma, a ti ti engisela dipswi, di di nga ti womba kwakwe, ngu txitimwi ka txikhalo txa wumbilu, txitimwi ka dibhokiso da Wufakazi, ngu hagari ka makerubhima mambidi; di ti ti wombawombisa tona tiya nayo.