Mitengo 11:16 - Bhiblia Yo Sawuleka

¹⁶ Se Mkoma a ti khene ka Mosi: “Dhana madhota a mtxhanu wa magumi ni magumi mambidi, a vanana va ka Israyeli, ava u ti zivako taku madhota a vathu, ni vathangeli va kona; u va yisa masoni ka ditenda da msengeletano, amu va no ya maneka kona ni nawe.”

Mitengo 11:16 Referans Kwoze

Eksodha 24:1

Msana keto, a to khene ka Mosi: “Kwela u txi ya ka Mkoma, awe ni Aroni, ni Nadhabhi, ni Abhiyu, ni mtxhanu wa magumi ni mambidi a madhota a ka Isareli; se mi na khizama mi di kule.

Eksodha 24:9

Mosi, ni Aroni, ni Nadhabhi, ni Abhiyu, ni madhota a mtxhanu wa magumi ni magumi mambidi va to kwela va txi ya mmangoni,

Dhewuteronome 16:18

“U na veka valamuli ni vabhali, ka otshe madhoropa ale Mkoma, Txizimu txako, a no kuninga ka lihunzu ni lihunzu, vona va na thethisa vathu ngu kululama.

Dhewuteronome 1:15

Ni tekile vathangeli va tihunzu tanu, vathu vo ziva, ni mapimo, ni txi va maha vathangeli vanu: Vathangeli va 1.000, vathangeli va dizana, vathangeli va mtxhanu wa magumi, ni vathangeli va digumi, ni vaxayisi va tihunzu tanu.

Genesisi 46:27

Vanana va Josefa vale a nga ya va mana Egipta mbambidi mtengo wawe. Ngu mhaka yeto, liveleko lotshe la Jakobe li a nga tsula nalo Egipta, li ti ti tshangana mtengo wa mtxhanu wa magumi ni mambidi a vathu.

Luka 10:17

Avale va mtxhanu wa magumi ni magumi mambidi, ni vagondiswa vambidi, va to wuya va txi tsaka, va txi kha vona: “Mkoma, hambi mimoya yo biha yi ti hi thava ngu mhaka ya ditina dako.”

Luka 10:1

Msana keto, Mkoma a to sawula vamwani vagondiswa va mtxhanu wa magumi ni magumi mambidi, ni vagondiswa vambidi, a txi va rumela, ngu vambidi-vambidi, a txi va thangetisa masoni kwakwe, kuya ka yotshe miti ni otshe makhalo awa Ene a nga ti fanela kuya.

Ezekhiyele 8:11

Kambe ku ti ni mtxhanu wa magumi ni magumi mambidi a vavamna, ka madhota a nyumba ya ka Israyeli, ni Jezaniya, mwana Safani, va nga ti ti hagari ka sona, va ti ti emile masoni ka sile so pendwa, kambe mmweyo ni mmweyo a ti ti ni dibaselo dakwe; se ku ti ti kwela wutshi wo thisa wa dibaselo.

Eksodha 4:29

Sekoko Mosi ni Aroni va to tsula va txi ya tshanganisa madhota otshe a ka Israyeli.

Dhewuteronome 31:28

Tshanganisani masoni kwangu otshe madhota a tihunzu tanu ni vathangeli vanu, kasi ku ani ni na xawutela mapswi awa tinzeveni kwanu, ni kombela nzuma ni mafu ti to si maha tifakazi tangu hagari kwawe.

Eksodha 18:25

Mosi a to sawula, ka votshe va ka Israyeli, vavamna va mapimo, a txi va veka kuve vathangeli va vathu: Vathangeli va digumi da mazana, vathangeli va dizana, vathangeli va mtxhanu wa magumi, ni vathangeli va digumi.

Mitengo 11:24

Se Mosi a to huma a txi ya xawutela ka vathu timhaka ta Mkoma. A to tshanganisa mtxhanu wa magumi ni mambidi a madhota a vathu, e va emisa ve randela ditenda.

Jeremiya 19:1

Mkoma a ti khene: Tsula ka muwumbi u txi ya ti xavela khadi ya dibumba, se u na teka masungukati okari a ditiko ni a vaphaxeli,

Mitengo 16:25

Sekoko Mosi a to wuka eya ka Dhatani ni ka Abhiramu, se madhota a ka Israyeli, ma to mlondetela.