Mitengo 11:11 - Bhiblia Yo Sawuleka

¹¹ Se Mosi a to khene ka Mkoma: Ngu kutxani u mahela wubihi txithumi txako kani, ngu kutxani ni si maniko dikato masoni kwako, na u ti ni rwekile mrwalo wa votshe vava vathu kani?

Mitengo 11:11 Referans Kwoze

Dhewuteronome 1:12

Ni nga sikotisa kutxani, ani nokha, kurwala kunemela kwanu, ni mirwalo yanu, ni timhaka tanu kani?

Eksodha 5:22

Sekoko Mosi a to tshumelela Mkoma a txi khene: “Mkoma, ngu kutxani u txi xupha vathu vako kani? U ni rumete txani kani?

2 Vakorinto 11:28

Hahanze ka timwani ti ni ti wombako, na karateka ditshiku ni ditshiku ngu mhaka ya kukhatalela otshe mabanza.

Malakiya 3:14

Anu mi khanu: Kha ti vhuni txilo kuthumela Txizimu; ti hi vhunile txani kuxayisa sileleto sa txona, ni kutsimbila hi di ambate mizila ya txidilo masoni ka Mkoma wa Mabutho a Tiyimbi kani?

Jeremiya 15:18

Kupandiseka kwangu kusimamisa ngu kutxani kani? Ni txilonda txangu kha txi thumwi, txi lamba kuhola kani? Ina kwangu u na va txisima txo xengisa kani, mwendo mati awa ma phwako kani?

Jeremiya 15:10

Dikhombo kwangu, awe mwamwangu! Ngu kutxani u nga ni veleka, ani m'thu wa mazunga ni kuphikiza ka dotshe ditiko kani? Kha ni se txenekisa txilo ngu mhaka ya dibhindu, vathu kha va ni txeneka txilo; hambi keto, votshe va ni ruketete.

Masalmo 143:2

U nga lave ku ni thethisa ani txithumi txako, nguko masoni kwako kuwalo wu i ku wamnene.

Masalmo 130:3

Ngako awe Mkoma u txi londeta ngu sionho sathu, i mani a no tsana a txi ema kani Mkoma?

Jobe 10:2

Ni na khani ka Txizimu: U nga ni sunge; ni gele ati ulwako ni nani ngu tona.

Mitengo 11:15

“Ti di ngeto, na ku kombela tito, u ni ninga lifo konkuwa, kasi ni si woni xomulo yiya.”

Eksodha 17:4

Se Mosi a to khongela ka Mkoma, a txi khene: “Ni na maha txani ngu vathu vava kani? Ko sala kudotho, va lava ku ni balisela ngu marigwi.”

Mitengo 11:10

Sekoko Mosi a to engisa kudila ka vathu, mu mimwayani kwawe, m'thu ni m'thu a txi dila a ti ha txikeni ka m'dhuti wakwe; se Mkoma a to henya ngutu, Mosi a to karateka ngutu.