Mitengo 11:10 - Bhiblia Yo Sawuleka

¹⁰ Sekoko Mosi a to engisa kudila ka vathu, mu mimwayani kwawe, m'thu ni m'thu a txi dila a ti ha txikeni ka m'dhuti wakwe; se Mkoma a to henya ngutu, Mosi a to karateka ngutu.

Mitengo 11:10 Referans Kwoze

Masalmo 78:21

Ngako Mkoma a di engisile timhaka tiya, a to henya, e tsayisa vathu vakwe ngu mndilo se dikhulo dakwe di to simama di tura;

Marku 10:14

Aniko Jesu, mbimo yi a nga wona tiya, a to henya, a txi khene: “Lekani sivananana si txi ta kwangu, mi nga si tsimbiseni, nguko Mfumo wa Txizimu wu lumba ava vo nga tiya.

Marku 3:5

Ene a to rumaruma ngu maso, ngu kuhenya na a di pandisekile ngu mhaka ya kubanga ka timbilu tawe, se a txi gela m'thu wule a txi khene: “Nawuluta dianza dako.” Ene a to di nawuluta, se dianza dakwe di hanya.

Jeremiya 17:4

Ngu mnandu wako wutumbu u na mwalelwa ngu thomba yako ayi ni nga kuninga; ni na kumaha u thumela valala vako, ka ditiko di u si di ziviko. Nguko mi dhivete mndilo wa kuhenya kwangu awu wu no tura kala kupinduka.

Isaya 5:25

Ngu kumaha keto, kuhenya ka Mkoma, kuturile txitimwi ka vathu vakwe, se a nawulutile dianza dakwe, e va daya; mimango yi to zinginika, sirumbi sawe si hangalaka, ku nga nzokoro hagari ka tinzila; hambi keto, kuhenya kwakwe ku toya masoni, ni dianza dakwe di ngadi nawulukile.

Masalmo 139:21

Mkoma, ina kha ni va vengi avale va ku vengako kani? Kha ni va nyenyi avale va ku wukelako kani?

Masalmo 106:25

Va to khata kungungurukela va di matendani kwakwe, ve eyisa sileleto sa Mkoma.

Masalmo 78:59

Txizimu txi engisile toneto, txi txi pandiseka, txi tsukula va ka Israyeli ngu txiviti.

Dhewuteronome 32:22

Nguko mndilo wa txiviti txangu wu turisilwe, kambe wu na tura kala kuhokomani ka wukhalo wa vafi, kambe wu na tura wu txi tshokomisa mafu ni mihando ya ona ni makhato a mimango.

Mitengo 21:5

Se vathu va to sola Txizimu ni Mosi, va txi kha vona: Ngu kutxani u nga hi humisa Egipta, kasi hi tafa txiwulani ko nga tiya kani? Nguko amuwa, kha ku na sakudya, hambi mati o sela, kambe athu hi karate, timbilu tathu ta swihala ngu sipawana sa kwa mbi vhuna txilo.

Mitengo 16:27

Va to khukha koko ngu madhawani ka nyumba ya Kora, ni ya Dhatani, ni Abhiramu. Se Dhatani ni Abhiramu va to huma, veya ema sikenini ka matenda awe, kumweko ni vasikati vawe, ni vanana vawe, ni timenzani tawe.

Mitengo 12:3

Se Masoni ka Mkoma kuwonekile ti to Mosi i ti m'thu wo dikha ngutu kupinda votshe vathu ha mafuni.

Mitengo 11:1

Ku to maheka ti to vathu ve khata kungungurukela tinzeveni ka Mkoma; se a di ti engisile eto Mkoma, kuhenya kwakwe ku to hisa, mndilo wakwe wu to tura hagari kwawe, wu tshokomisa vale va nga ti ti magwito ka wugovelo.

Mitengo 11:9

Ni wusiku, mbimoyi hunguva yiwako ha wugoveloni, manna ni ona ma ti ti wa.

Mitengo 11:11

Se Mosi a to khene ka Mkoma: Ngu kutxani u mahela wubihi txithumi txako kani, ngu kutxani ni si maniko dikato masoni kwako, na u ti ni rwekile mrwalo wa votshe vava vathu kani?

Mitengo 12:9

Kuhenya ka Mkoma ku to kukumuka ngutu, e khukha e tsula.