Mitengo 11:1 - Bhiblia Yo Sawuleka

¹ Ku to maheka ti to vathu ve khata kungungurukela tinzeveni ka Mkoma; se a di ti engisile eto Mkoma, kuhenya kwakwe ku to hisa, mndilo wakwe wu to tura hagari kwawe, wu tshokomisa vale va nga ti ti magwito ka wugovelo.

Mitengo 11:1 Referans Kwoze

Mitengo 21:5

Se vathu va to sola Txizimu ni Mosi, va txi kha vona: Ngu kutxani u nga hi humisa Egipta, kasi hi tafa txiwulani ko nga tiya kani? Nguko amuwa, kha ku na sakudya, hambi mati o sela, kambe athu hi karate, timbilu tathu ta swihala ngu sipawana sa kwa mbi vhuna txilo.

2 Vafumeli 1:12

Se Elija a to xamula ku khene: Ngako ani ni di m'thu wa Txizimu, wu nawe mndilo ngu nzumani, wu txi kutshokomisa awe ni vale va mtxhanu wa magumi. Sekoko mndilo wa Txizimu wu to wa ngu nzumani, wu txi ta tshokomisa mthangeli ni vathu vale va mtxhanu wa magumi.

Mitengo 16:35

Sekoko Mkoma a to rumela mndilo wuta lovisa vathu va 250, va nga ti hungala ngu kuhisa dibaselo.

Dhewuteronome 9:22

Kambe mi henyisile Mkoma, kona Tabhera, ni Masa, ni Kibroti-Hatahava.

Levhi 10:2

Sekoko ku to huma mndilo ngu masoni ka Mkoma, wu txi va hisa konaho, va txi fa masoni ka Mkoma.

Eksodha 16:9

Msana keto, Mosi a to khene ka Aroni: Gela wotshe msengeletano wa vanana va ka Israyeli ku khawe: “Tshuketani hafuhi ka Mkoma, nguko a engisile kungungurukela kwanu.”

Judha 1:16

Avava i ku vathu vo ngungurukela, va kuzumba ngu kuvilela, va hanyako ngu kulondetela minavelo yawe yo biha; sisofu sawe si womba-womba mapswi o tikulisa, kambe i vathu va kuxengetela, ngako va txi lava kuwuyelwa.

1 Vakorinto 10:10

Mi nga ngungurukeleni, nga ti vamwani kwawe va nga ngunguruka, se ve loviswa ngu mlovisi.

Isaya 30:33

Nguko txikho txi lulamisilwe kukhukhela nyamnova, ina, kululamisetwe mfumeli; ene a lulamisile ngu kutshimisa ni kuanamisa; mtamo wakwe mndilo, kambe wu ku ni tikhuni to tala; kufuteta ka Mkoma ko fana ni ka mnambo wa txivavula, ku na txi dhivela.

Masalmo 106:18

Ku to relela mndilo wu txi wa txitimwi kwawe, wu hisa votshe avale va nga txi mahetela to biha.

Masalmo 78:21

Ngako Mkoma a di engisile timhaka tiya, a to henya, e tsayisa vathu vakwe ngu mndilo se dikhulo dakwe di to simama di tura;

Jobe 1:16

A txi ngadi e xawutela, ku to bwaka mmwani mtumi, a txi ta khene: Kuwite mndilo wa Txizimu ngu nzumani, wu hisile tinvuta ni vafana, ve tshokoma; ngani nokha ni nga huluka, kuva ni kutisela mahungu.

2 Samuwele 11:27

Se ku di pindile txidilo, Dhavhidha a to rumela vo ya mteka eya nyumbani kwakwe; kambe a to mmaha msikati wakwe, ene e m'velekela mwanana wa mfana. Kambe mhaka yi ya Dhavhidha a nga yi maha yi ti bihile masoni ka Mkoma.

Dhewuteronome 32:22

Nguko mndilo wa txiviti txangu wu turisilwe, kambe wu na tura kala kuhokomani ka wukhalo wa vafi, kambe wu na tura wu txi tshokomisa mafu ni mihando ya ona ni makhato a mimango.

Eksodha 16:7

Mangwana ni mixo mi na wona wudhumo wa Mkoma, nguko ene a engisile ku m'ngungurukela kwanu. Nguko athu hi vamani aha koza mi txi hi ngungurukela kani?

Isaya 33:14

Vaonhi va Siyoni, va na thava, kudhudhumela kukhakhetile vakanganyisi. I mani hagari kwathu a no zumba ni mndilo wu wu tshokomisako kani? I mani hagari kwathu a no zumba ni midhikila ya kwa mbi gwita kani?

Mitengo 10:33

Ngu kumaha keto, va to khukha ngu mmangoni ka Mkoma, ve tsimbila masiku mararu; se dibhokiso da txitumelelano txa Mkoma, di to thangela masoni kwawe masiku mararu, kasi ku va lavela wukhalo wo humula ka wona.

Genesisi 38:10

Mhaka yiya a nga txi yi maha, yi to henyisa Mkoma Txizimu, txi maha ti to nene efa.

Jakobe 5:4

Wonani, male yi mi nga lamba kuholela sithumi si si nga elula tithembweni kwanu ya kwangula, se tihuwa ta vaeluli ti hokile tinzeveni ka Mkoma wa Mabutho.

Vahebheru 12:29

Nguko, Txizimu txathu, i mndilo wu wu hisako.

Nahume 1:5

Mimango ya zinginika masoni kwakwe, ni simangwana sa nyeka; se mafu ma guleka masoni kwakwe, ina, ditiko ni votshe va va hanyako ka dona.

Sidilo 3:39

Se m'thu wa kuhanya a vilela txani kani? Mmweyo ni mmweyo a na ti laye ngako a txi pekelwa sionho sakwe.

Dhewuteronome 25:18

Vona va mi hingelete hanzila, mbimo yile mi nga ti karate, mi txi maneka mi di gumile mtamo, vona va mi wukete, va txi mi tela ngu msana, ve ta dayela votshe avale va nga ti karate, va nga si sikoti kumaha txilo, evo vathu kha va thavi Txizimu.

Mitengo 11:18

Se u na gela vathu u txi khawe: Ti basiseni, nguko mangwana mi na khata kudya nyama, nga ha mi nga txi yi dilela tinzeveni ka Mkoma, mi txi khanu: “I mani a no hi ninga nyama hi txi dya, nguko hi ti ti zumbisekile ditikoni ka Egipta.” Se Mkoma a na mi ninga nyama mi txidya;

Mitengo 14:2

Votshe vanana va ka Israyeli va to ngungurukela ve wukela Mosi ni Aroni, va txi kha vona: “I ti txhuko kuva hi di fete ditikoni ka Egipta! Mwendo hi di fete txiwulani muwa!

Mitengo 14:22

Kambe votshe vathu ava va nga wona kuphatima kwangu, ni sixamaliso si ni nga si maha kona Egipta, ni mu txiwulani, va nga ni duka digumi da sikhati; kambe vathu vava kha va engisi dipswi dangu,

Mitengo 14:27

“Kasi ngu yihi mbimo ni no gwita kutimisela ngu msengeletano wuwa wo biha nga tiya kani? Va na ngungurukela kala mbimo muni kani? Ani ni pfite kusura ka vanana va ka Israyeli, ava va ni mahelako gujeguje tinzeveni kwangu.

Mitengo 14:28

U na va zivisa ti to nga ha ni hanyako, ngani Mkoma ni wombako, ni na mi mahela nga kuwomba kwanu, tinzeveni kwangu.

Mitengo 16:11

Nguko awe ni wotshe msengeletano wako, mi tshanganile mi txi lwa ni Mkoma; se Aroni, i mani koza mi txi mngungurukela kani?

Mitengo 17:5

Se ku na maheka taku, ndonga ya wamwamna wule ni no va ni di yi sawute, yi na thunga; ngu toneto, ni na heta kungungurukela ka vanana va ka Israyeli kwangu, a kule va nga mi ngungurukelela ngu kona.

Masalmo 78:63

Mndilo wu hisile otshe mazambi awe se mahorana me sala i di mabhoyi.

Isaya 10:17

Nguko Liwoningo la Israyeli li na maha mndilo, se Msawuleki wa kona a na nga dikala da mndilo, di na tura di hisa mipa ni txitinga ngu ditshiku dimwedo.

Ezekhiyele 20:36

Nga kule ni nga lamula vatate vanu, txiwulani ka ditiko da Egipta, ngu kumaha keto ni na mi lamula kuwomba Mkoma Txizimu.

Habhakuki 3:5

Masoni ka txona ku ti ti thangela mtungu, ni miseve ya mndilo hahatshi ka mikondo ya txona.

Mitengo 12:2

Va to womba-womba va txi kha vona: “Kasi Mkoma a to womba-womba ngu Mosi ekha kani?” Ina kha womba-womba ngu ngathu nathu kani? Se Mkoma a to engisa.