Mitengo 10:9 - Bhiblia Yo Sawuleka

⁹ Se ngako ditikoni kwanu mlala e lava ku mi lwisa, mi na veta mipundu yo mi xomisa, mi na alakanywa masoni ka Mkoma, Txizimu txanu, a na mi hulukisa manzani ka valala vanu.

Mitengo 10:9 Referans Kwoze

1 Samuwele 10:18

a txi khene ka vanana va ka Israyeli: Mkoma Txizimu txa ka Israyeli a ti khene: “Ani ni humisile Israyeli ditikoni da Egipta, ni mi hulukisa manzani ka Vaegipta ni manzani ka yotshe mifumo yile yi nga ti ti mi xanisa.”

Valamuli 2:18

Se mbimo yile Mkoma a nga ti ti va wusela valamuli, Mkoma a ti ti ema ni mlamuli, a txi va hulukisa manzani ka valala vawe, ka otshe masiku a mlamuliyo; nguko Mkoma a ti ti ti laya ngu tihuwa tawe, ngu mhaka ya vale va nga ti ti va xupha, ni ku va xanisa.

Genesisi 8:1

Se Txizimu txi to alakanya Nowa ni sotshe sihari sa txitinga ni sotshe sifuyo si a nga ti naso ngalavani; Txizimu txi to maha diphuho di txi futeta txitimwi ka ditiko, se mati ma to khata kuphwa.

Masalmo 106:42

Vona va xanisilwe ngu valala vawe, ve mahwa tikhumbi tawe.

Masalmo 106:4

Ni alakanye, Mkoma, ngu lirando li u ku nalo ka vathu vako. Ngono u ta ni hanyisa,

2 Makronika 13:14

Va ka Judha va txi wona ti to yimbi yi va randete msana ni masoni; va to peka huwa ka Mkoma se vaphaxeli vona ve veta mipundu.

Valamuli 10:12

ka Vasidhoni, ka Vaamaleki, ka Vamawoni, va nga ti ti mi xanisa mbimo yile mi nga dila kwangu kani?

Valamuli 10:8

Se ka dona edo dilembe, va to xupha ni kuxanisa vanana va ka Israyeli; va va xanisile mndani ka digumi da malembe ni mtxhanu ni mararu, votshe vanana va ka Israyeli, avale va nga ti akile mtxhatuko ka Jordhani, ditikoni ka Vaamori, kona Gileyadhi.

Joxuwa 6:5

Se ku na maheka taku, ku txi vetwa ngu kulaphisa tshodi ya litxheho la hamba, na mi txi pfa diguwa da tshodi, votshe vathu va na kwangula ngutu; diguma da didhoropa di na wa hahatshi, se vathu va na wulela ka dona, mmwani ni mmwani ngu kona hale a nga rendekela kona.”

Mitengo 31:6

Se Mosi a to va rumela yimbini 1.000 wa vona, ngu ka lihunzu limwelo ni limwani, ve tsula ni Finiyasi, mwana Eleyazari, mphaxeli, yimbini, ni siya so sawuleka, ni mipundu yo txharihisa manzani.

1 Vakorinto 14:8

Kufana ni toneto, mpundu wu txi mahwa nyamvetwe, i mani a no ti lulamisela kuya yimbini kani?

Amosi 3:6

Ina ku nga pekwa mpundu didhoropani vathu va si dhudhumeli ngu kuthava kani? Ina ku nga humelela wubihi didhoropani, na wu sa mahwa ngu Mkoma kani?

Jeremiya 6:17

Ni vekile vawoneleli hagari kwanu, ni txi khani: Pfanani kutuma ka mpundu. Aniko va xamute, va txi khani: Kha hi na mbi ku engisa.

Jeremiya 4:21

Ni na wu wona mbimo muni m'jeke, ni kupfa kutuma ka mpundu kani?

Jeremiya 4:19

Mbiluni kwangu, mbiluni kwangu! Ni ni kupandiseka mbiluni kwangu! Mbilu yangu ya bhibhika-bhibhika, kha ni sikoti kumalala; nguko dihika dangu di pfite txiwungulati txa mpundu, ni tihuwa ta tiyimbi.

Jeremiya 4:5

Zivisani kona Judha mi peka huwa kona Jerusalema, mi txi khanu: Vetani mipundu ditikoni, mi kwangula, mi txi khanu: Tshanganani mi tutumela madhoropani ka mikhokhola.

Isaya 58:1

Huwelela ngu dipswi do guleka, u nga malale, guleta dipswi kufana ni mpundu; kambe zivisa vathu vangu wuhambunyeti wawe, ni va nyumba ya ka Jakobe sionho sawe.

Isaya 18:3

Anu motshenu vaaki va matiko, ni nanu vahanyi va ha mafuni, mbimo yi m'jeke wu no gwimbwa mimangoni, mi na wu wona; se ngako ku txi vetwa mpundu, mi na wu engisa.

Masalmo 136:23

A nga alakanya kuxaniswa kwathu; nguko lirando lakwe nda kala kupinduka!

Valamuli 6:34

Sekoko Moya wa Mkoma, wu to ta ka Gidhiyoni; ene a to veta mpundu, a txi ramba va ka Abhiyezeri kasi kuve tshangana kwakwe.

Valamuli 6:9

Ni mi hulukisile manzani ka Vaegipta, ni manzani ka votshe vale va nga ti ti mi xanisa. Ni va tutumisile masoni kwanu, ni txi mi ninga ditiko dawe.

Valamuli 3:27

Se ku to maheka taku mbimo yi ene a nga wulela, a to veta mipundu a di mimangoni ka Efrayime; se vanana va ka Israyeli va to relela kumweko nayo ngu mimangoni, na ene a di masoni kwawe.

Zefaniya 1:16

disthiku da mpundu ni nyandayeyo, si wukelako madhoropa o tsana, ni sitezi so lapha.

Hoseya 5:8

Vetani dikhombela kona Gibheya, ni mpundu kona Rama; kwangulani ngutu kona Bheti-Avheni; Ti wonele msana kwako awe Bhenjamini.

Ezekhiyele 7:14

Va vetile mpundu, kambe sotshe va lulamisete, aniko kha nga ho wu ayako kulwani, nguko txiviti txangu txa tura txitimwi kwawe, ngu mtalo wawe.

Jeremiya 6:1

Anu vanana va Bhenjamini, tutumani mi huma hagari ka Jerusalema, vetani mpundu Tekowa, emisani txikombiso txa mndilo Bheti-Hakeremi; nguko dikhombo dita ngu Wuphemba, ni kulovisa ka hombe.

Levhi 23:24

Gela vanana va ka Israyeli u txi khawe: Ditshiku do khata da mtxima wa wutxhanu ni yimbidi, ku nava i di ditshiku do humula: Mi fanete kuramba msengeletano wo sawuleka, mi maha txialakanyiso txo huwelela, ngu kuveta mpundu.

2 Makronika 13:12

Wonani Txizimu txi ni nathu masoni kwathu, vaphaxeli va txona va veta mipundu kasi ku mi hangalasa; vanana va ka Israyeli mi nga lweni ni Mkoma Txizimu txa va tate vanu, nguko kha mi na mbi mu xula.

Jeremiya 49:2

Ngu toneto, mata masiku, kuwomba Mkoma, aha ni no pfalisa diguwa da yimbi ya Rama yo wukela vanana va Amoni, a na maha mmumbu wa marumbi ni makhalo ya a ma fumelako ma na hiswa ngu mndilo; Israyeli a na lumbwa ngu vale a nga txi va lumba, kuwomba Mkoma.

Dhewuteronome 20:1

“Mbimo yi u no huma ku yalwa yimbi ni valala vako, ngako u txi wona mahantxhi ni sikotxikani ni vathu vavangi, vo pinda awe, u nga va thave, nguko Mkoma, Txizimu txako awu a nga kuhumisa ditikoni ka Egipta, ana ni nawe.