Mitengo 10:29 - Bhiblia Yo Sawuleka

²⁹ Sekoko Mosi a to khene ka Hobhabhe, mwana Reweli, mmidhiyani, tate wa Mosi ngu ka msikati wakwe: “Athu hiya ka wukhalo wule Mkoma a nga khene: Ni na mi ninga; a hi tsule hotshe, athu hi na kuxayisa kha kwati; nguko Mkoma a thembisile kumaha wunene ka Israyeli.”

Mitengo 10:29 Referans Kwoze

Genesisi 12:7

Se Mkoma a to humelela ka Abramu a txi ta khene: “Ditiko diya ni na di ningela ka liveleko lako.” Ngu konaho Abramu a nga akela Mkoma txiluvelo, a nga ti wonekisa kwakwe.

Valamuli 4:11

Se Hebheri, mkeni, a ti ti hambanisile ni Vakeni-kulowe, i ku vanana va Hobhabhe, tate wa Mosi ngu ka msikati wakwe, kambe a ti ti gwimbile matenda akwe, kala mkusuni ka Zahananimi, hafuhi ni Kedhesi.

Eksodha 3:1

Mosi a ti ti dyisa mtxhambi wa tinvuta ta Jetro, msade wakwe, mphaxeli wa Midhiyani. A to gola mtxhambi wa tinvuta e ti yisa txiwulani, aha a nga ya hoka Horebhi mmangoni ka Txizimu.

Eksodha 2:18

Vona va to tshumela ve tsula ka tate wawe, awu a nga ya va wotisa, a txi khene: “Ngu kutxani nyamsi mi kuluveta kuwuya kani?”

Genesisi 32:12

Awe ngawe, u nga womba u txi khawe: “U na ni xayisa ta tinene, u txi maha ti to liveleko langu li txi tala nga mtxhefa wa mafu a lineneni, awu wu si kotekiko kubalwa.”

Mtuletelo 22:17

Moya ni txiwutwa va womba va txi kha vona: “Ngono!” Awule a engisako a na wombe nene a txi khene: “Ngono!” Awule a ku ni ditora, a na te. Awule a ti lavako a na amukele mahala mati a wutomi.

Vahebheru 6:18

Ku ni simaha simbidi so tsana. Ka sona si sa simbidi, kha ti koteki ti to Txizimu txi hi kanganyisa. Ngu toneto, athu hi txi thembako, hi fanete kunamarela ngu kutsana ka txithembiso txi txi nga vekwa masoni kwathu.

Titosi 1:2

ngu kuthemba wutomi wo mbi guma, wu nga thembiswa, ku sinzi kuhoka timbimo to mbi guma ngu Txizimu, atxi txi si wombiko makuhu,

Mithumo 7:5

Aniko kha txa mninga thembwe kona hambi wukhaloanyana wu wu dinganako ku kandwa ngu mkondo; txi to mu thembisa dwe ti to txi na mninga dona, di maha thomba yakwe ni ya vatukulu vakwe msana kwakwe, hambiko a nga ti sanzi kuva ni mwanana.

Jeremiya 50:5

Va na wotisa va di nzilani ka Siyoni, tikhohe tawe ti na rendekela koneyo, va nata ti pananisa ni Mkoma, ka Txitumelelano txo mbi gwita, txi na kwa mbi dhuka txi divalwa.

Isaya 2:3

Se matiko amangi ma na rambana, ma txi kha ona: Ngonani, a hi kweleleni mmangoni ka Mkoma, Nyumbani ka Txizimu txa Jakobe, kasi ku txi ya hi gondisa tinzila ta txona, se athu hi na tsimbila ngu tinzila ta txona; nguko ku na huma mlayo ngu Siyoni, ni dipswi da Mkoma, ngu Jerusalema.

Masalmo 34:8

Duketani mipune mi txi ti wona to Mkoma mbwa mnene; a katekile m'thu wule a thembako ene!

1 Samuwele 15:6

Se Sawule a to khene ka Vakeni: Tsulani, khukhani, mi huma hagari ka Vaamaleki, kasiku mi si xaselwi kumweko navo, nguko anu mi kombisile wumbilu ka votshe vanana va ka Israyeli, mbimo yile va nga ti wuya ngu Egipta. Ngu kumaha keto, Vakeni va to khukha hagari ka Vaamaleki.

Valamuli 1:16

Se ni vona vanana va ka Hobhabhe, Mkeni, wu i nga ti tate wa Mosi ngu ka msikati wakwe, va to khukha ngu didhoropani ka Mitxhese, kumweko ni vanana va ka Judha, veya txiwulani ka Judha, ku ku wulambwe ka Aradhi; va txi ya zumba ni vathu va kona.

Mitengo 23:19

Txizimu kha txi na makuhu nga m'thu. Lambi, txona hi nga mwanana wa m'thu wo txitxa-txitxa. Txizimu hi nga txo womba dwe txi si mahi, ina kha txi mahi ti txi nga womba kani? Kasi hi nga txo womba ti txi tatiseka kani?

Eksodha 18:27

Sekoko Mosi a to satisana ni msade wakwe, se a txi tsula ditikoni kwawe.

Eksodha 18:1

Jetro, mphaxeli wa Midhiyani, msade wa Mosi, a to engisa totshe ti Txizimu txi nga maha ka Mosi ni ka Israyeli, i ku vathu va txona; ngako Mkoma a nga ti humisile Israyeli ngu Egipta.

Eksodha 3:8

Ngu mhaka yeto ni relete kasiku ni txi va thusa mu manzani ka Vaegipta, ni txi va humisa ka ditiko donedo, va txi ya ka ditiko da dinene, da hombe, ditiko di di khulungako masi ni wulombe, wukhalo wa Vakanana, wa Vaheti, wa Vaamori, wa Vaferezi, wa Vahevhi ni wa Vajebhuzi.

Genesisi 15:18

Ka donedo ditshiku, Mkoma a to maha Txitumelelano ni Abramu, a txi khene: “Ni ningete ditiko diya ka liveleko lako, kukhukhela mnamboni ka Egipta, kala ka mnambo wa hombe, wa Ewufrate.

Genesisi 13:15

Dotshe ditikodo u di wonako, ni na kuninga, awe ni lotshe liveleko lako, kala kupinduka.

Eksodha 6:4

Kambe ni emisile txitumelano txangu navo, kasi kuvaninga ditiko da Kanana, ditiko di va nga zumba ka dona kota valuveli.

Eksodha 18:12

Sekoko Jetro, msade wa Mosi, a to teka mningelo wo hiswa ni mphaxo, a txi tsula naso ka Txizimu; Aroni ni otshe madhota a ka Israyeli va tile ve ta dya mapawu kumweko ni msade wa Mosi, masoni ka Txizimu.

Mitengo 10:28

Ayiya ngu yona milayo ya matsimbilelo a vanana va ka Israyeli, madingano ni mabutho awe a tiyimbi, mbimo yile va nga khukha.

Dhewuteronome 4:40

Xayisa sirumo sakwe ni milayo yakwe, ayi nyamsi ni ku leletako, kasi ku totshe ti txi tsimbila kwati kwako ni ka vanana vako, msana kwako, masiku ako ma txi anda ha ditikoni, adi Mkoma, Txizimu txako, a no kuninga, di txi maha dako, kala kupinduka.”

Dhewuteronome 30:5

Mkoma, Txizimu txako, a na ku wuyisa ka ditiko diya vatate vako va nga ti di fumete, kasi ku u txi di teka; ene a na kukatekisa, a txi kuandisa ngutu kupinda vatate vako.

Masalmo 95:1

Ngonani hi ta dhumisa Mkoma ngu mikulungwani ya litsako; a hi huweleleni m'vhikeli ni muhanyisi wathu.

Masalmo 100:1

Embelelani ka Mkoma ngu litsako, anu vathu va dotshe ditiko!

Genesisi 17:8

Ni na kuninga awe, ni lihunzu lako, msana kwako, ditiko diya u zumbako ka dona, dotshe ditiko da Kanana di na va ditiko danu, ngu hale ku si gwitiko, kambe ni na va Txizimu txanu.”

Eksodha 2:21

Mosi a to tumela kuzumba m'tini ka Jetro, awu a nga ninga Mosi, Zipora, mwanana wakwe wa dihorana kasiku e tekana nayo.