Mitengo 10:2 - Bhiblia Yo Sawuleka

² “Maha mipundu yimbidi ya silivhela; u yi maha ngu silivhela yo tshulwa; u na ramba ngu yona msengeletano, kasi kumaha txiziviso txo khukha ha wugoveloni.

Mitengo 10:2 Referans Kwoze

Joyeli 1:14

Ti sawuleleni kutitona, nuwelani ditshiku da kutsimbisela, sengeletani madhota ni votshe zumbako ditikoni muwa, Nyumbani ka Mkoma, Txizimu txanu, se mi txi dila ka Mkoma.

Isaya 1:13

Mi nga tiseni kambe mningelo wanu wa kwa mbi vhuna txilo; dibaselo danu da ni nyenyeza, ni mibuso ya kumeka ka mtxima, ni ya Masabbata, ni kuramba ka mi msengeletano; kha ni na ku timisela kuwona kubiha ka misengeletano yo sawuleka.

Masalmo 81:3

Vetani mpundu wa kutsakela kumeka ka mtxima mi txi veta kambe ngu ditshiku da mtxima wa ngoma, i ku ditshiku da m'buso wathu wa hombe!

Vaefesu 4:5

Ku ni Mkoma mmweyo, likholo limwelo, txibhabhatiso tximwetxo,

Hoseya 8:1

Veka mpundu ha txisofu kwako. Ene wata kufana ni digama ku ta wukela Nyumba ya Mkoma, nguko va lekile txitumelelano txangu, kambe ve wukela mlayo wangu.

Masalmo 89:15

Va katekile vathu vale va zivako ku kudhumisa, Mkoma, avale va hanyako kuwonekelani ka khohe yako.

2 Makronika 5:12

ni votshe vaembeleli i ku: Asafe, Hemani, ni Jedhutumi, ni vanana vawe ni vanawe, va di ambate syambalo sa linyu yo hehuka, va di emile ngu didhawa da wutxani ka txiluvelo, va di ni timbila ni sitende ni tingoma, se votshe vaphaxeli vo ziva ku txhaya va ti maha 120 wa vona.

2 Vafumeli 12:13

Hambi keto, ngu male yile yi nga txi tiswa Nyumbani ka Mkoma, kha ka mahwa magombe a silivhela, hambi mafoloko ni mikamba, ni mipundu, mwendo simwani siya so mahwa ngu nzalama mwendo sa silivhela Nyumbani ka Mkoma.

Mitengo 10:7

Kambe i ti kuveta ko dhana msengeletano dwe, mavetelo ma nava o hambana.

Eksodha 25:31

Kambe u na maha meza ya malambu ngu nzalama yo surutetwa. Hahatshi ka meza ni txitimwi ka yona, ku nava ku di mahilwe kumweko; magombe a kona, siluva sa kona ni mazokoro a kona, si na va i di tximaha tximwetxo.

Eksodha 25:18

u na maha makerubhima mambidi a nzalama yo surutetwa, magwito ka txikhalo txa wumbilu.

Mitengo 10:1

Mkoma a to womba kambe ka Mosi, a txi khene:

Jeremiya 4:5

Zivisani kona Judha mi peka huwa kona Jerusalema, mi txi khanu: Vetani mipundu ditikoni, mi kwangula, mi txi khanu: Tshanganani mi tutumela madhoropani ka mikhokhola.

Joyeli 2:1

Vetani mpundu aniya Siyoni mi dila ngu dipswi do guleka mmangoni kwangu ko sawuleka; va na dhudhumele votshe vaaki va ha mafuni, nguko ditshiku da Mkoma data, di hafuhi;