Mitengo 10:12 - Bhiblia Yo Sawuleka

¹² Se vanana va ka Israyeli va to khukha kona Sinayi, madingano ni mipfhuka yawe ya txiwulani, se direfu di to va thangela, di txi ya ema txiwulani ka Parani.

Mitengo 10:12 Referans Kwoze

Mitengo 12:16

Kambe msana keto, vathu va to khukha ngu Hazerote; va txi ya zima matenda awe Parani.

Genesisi 21:21

Ene a to zumba txiwulani ka Parani, se mame wakwe a to mtekela msikati wa ditikoni ka Egipta.

Dhewuteronome 1:1

Aawa, mapswi ale Mosi a nga xawutela ka votshe va ka Israyeli, mtxhatuko ka Jordhani, txiwulani, ka libala li ku masoni ka Sufe, ngu hagari ka Parani, ni Tofela, ni Labhani, ni Hazerote, ni Dhizahabhi.

Mitengo 13:26

Mbimo yi va nga wuya, va to ya ka Mosi ni ka Aroni, ni ka wotshe msengeletano wa ka Israyeli, amu txiwulani ka Parani, hafuhi ni Kadhesi.

Mitengo 13:3

Se Mosi a to va ruma madingano ni kuleleta ka Mkoma, na va di txiwulani Parani; votshe vavamna ava i nga ti misungo ya vanana va ka Israyeli.

Mitengo 9:5

Sekoko va yi xayisile Pasika amu txiwulani txa Sinayi, amu ka ditshiku da digumi ni mune ka mtxima wo khata, ni minova. Vanana va ka Israyeli va to maha totshe ti Mkoma a nga leleta ka Mosi.

Mitengo 1:1

Mkoma a to womba kambe ka Mosi, txiwulani ka Sinayi, ditendani ka msengeletano, ka ditshiku do khata da mtxima wa wumbidi, ka dilembe da wumbidi da kuhuma kwawe ngu ditikoni ka Egipta, a txi khene:

Habhakuki 3:3

Txizimu txi tile ngu Temani, se Msawuleki a tile ngu mmangoni ka Parani. Wudhumo wakwe wu fenengetile nzuma, se mafu ma tate ngu kudhumiswa kwakwe.

1 Samuwele 25:1

Samuwele a to fa, se votshe vanana va ka Israyeli ve sengeletana ve mu dila, ve mtshotsha m'tini kwakwe, kona Rama. Se msana keto Dhavhidha a to khukha e relela txiwulani ka Parani.

Dhewuteronome 33:2

“A to khene koko: Mkoma a tile ngu Sinayi, a kwelete na a txi ta ngu Seyiri; a woningile a di mmangoni ka Parani, a txi ta ni 10.000 wa vasawuleki; txinene kwakwe ku ti ti ni mndilo wa mlayo.

Dhewuteronome 1:19

Sekoko hi to khukha ngu Horebhi, hi tshawunyeta txiwula txile txa hombe txo thisa. Anu mi ti wonil, hi tsimbite ngu nzila ya mmango wa Vaamori, nga ti a nga leletisa tona Mkoma, Txizimu txathu; hi txi hoka Kadhesi-Bharneya.

Mitengo 9:1

Se Mkoma a to womba ka Mosi amu txiwulani ka Sinayi, ngu mtxima wo khata ka dilembe da wumbidi, msana ka kuva va di humile ngu Egipta, a txi khene:

Eksodha 13:20

Ngako va di khukhile Sukote, va ka Israyeli va to ya gova Etami hafuhi ni txiwulani.

Genesisi 14:6

va to khozisa Vahorewu, mimangoni ka Seyiri, kala kuhoka Eli-Farane, hafuhi ni txiwula.

Mitengo 9:17

Aniko, mbimo yi direfu di gulekako txitimwi ka nyumba, vanana va ka Israyeli va txo khukha, se aha direfu di emako, ni vona vanana va ka Israyeli va txo ema konaho, ve gova, ve gwimba matenda awe.

Mitengo 10:33

Ngu kumaha keto, va to khukha ngu mmangoni ka Mkoma, ve tsimbila masiku mararu; se dibhokiso da txitumelelano txa Mkoma, di to thangela masoni kwawe masiku mararu, kasi ku va lavela wukhalo wo humula ka wona.

1 Vafumeli 11:18

Se va to khukha Midhiyani ve ta Parani, ve ta xula votshe vavamna va Parani, se va tile Egipta ka Faro, mfumeli wa Egipta, awu a nga mninga nyumba, e mthembisa ku m'dyisa, e mninga mafu okari.

Mitengo 2:34

Vanana va ka Israyeli va mahile totshe ti Mkoma a nga leletisa tona ka Mosi. Nguko mhaka eto, va zumbile ngu kulondetela mijeke yawe, ni kukhukha madingano ni tihunzu ta vatate vawe.

Dhewuteronome 1:7

Tshumelani mi txi tsula mmangoni ka Vaamori, ni ka votshe avale va nga aka hafuhi kwawe, ni libalani ni mmangoni ni mkovani, ni wulambwe, ni lineneni, ni ditikoni ka Vakanana, ni Libhanoni, kala mnamboni wa hombe, i ku mnambo wa Ewufrate.