Mitengo 1:53 - Bhiblia Yo Sawuleka

⁵³ Kambe va ka Levhi va na gwimba matenda awe ngu madhawani ka Nyumba ya Wufakazi, kasi Txiviti txa Txizimu txi si weli txitimwi ka msengeletano wa vanana va ka Israyeli; ngu kumaha keto, va ka Levhi va na ñola mthumo wo xayisa Nyumba ya Wufakazi.

Mitengo 1:53 Referans Kwoze

Mitengo 16:46

Se Mosi a to khene ka Aroni: Thavisa txiya txo hisela ka txona dibaselo, u hala mndilo wa ha ka txiluvelo, u txiya thela konemo dibaselo; u kuluveta u txiya ka msengeletano u ya maha mphaxo wo thavisa txionho, nguko Mkoma wata ni mtungu, a henyile ngutu, se wu khatile.

1 Makronika 23:32

ni kuxayisa kha kwati ditenda da msengeletano, ni wukhalo wo sawuleka, ni kuvhuna vanana va ka Aroni, vanawe, ka mthumo wa Nyumbani ka Mkoma.

Levhi 10:6

Se Mosi a to womba ka Aroni ni ka vanana vakwe, i ku Eleyazari ni Itamari, a txi khene: Anu mi nga vhununguleni misungo yanu hambi kuvharhula syambalo sanu, mi txi komba ku va dila, nguko mi nga fa, ngu kuva mi di vhutukisile dikhulo da Txizimu hagari ka msengeletano wotshe, kambe maxaka anu vanana va ka Israyeli, ngu vona va no dila ngu mhaka ya wuhya wuwa Mkoma a nga wu maha.

Mitengo 31:47

Ka hafu ya vanana va ka Israyeli, Mosi a to teka m'thu mmweyo ka mtxhanu wa magumi a vathu, ni ka sihari, e ninga Valevhi, i ku vona va nga ti xayisa M'dhuti wa Mkoma, nga ti Mosi a nga rumiswa tona ngu Mkoma.

Mitengo 31:30

Aniko ka hafu ya vanana va ka Israyeli, amu ka mtxhanu wa magumi, u na teka tximwetxo, ka vathu ni ka tihomu, ka timbongola ni ka tinvuta, ka sotshe sihari; se u na si ningela ka va ka Levhi, va ku ni mthumo wa kuwoneleta ditenda da Mkoma.

Mitengo 8:19

Kha ditshuri ni ningete Valevhi ka Aroni ni ka vanana vakwe, ti to ve maha mthumo wa vanana va ka Israyeli, amu ka ditenda da msengeletano, ni ti to ve maha mphaxo wa midiho ya vanana va ka Israyeli, kasi ku si dhuki kuhuma phango hagari ka vanana va ka Israyeli, mbimo yi va tshuketako hafuhi ka wukhalo wo sawuleka.

2 Timoti 4:2

Txhumayela dipswi, khutala ka mbimo yi yi fanelako ni ka mbimo yi yi si faneliko; kawuka, laya, gondisa ngu kuhonisela ni wuzivi.

Jeremiya 23:15

Ngu konaho, nda ku nga tona eto a wombako Mkoma wa Mabutho a Tiyimbi xungetano ngu vaprofeti: Ni na va dyisa manonwe ni ku va dyisa nyongwa, nguko kwa mbi sawuleka ku tshapela dotshe ditiko. Na ku txi huma ngu ka vaprofeti va Jerusalema.

Jeremiya 5:31

Vaprofeti va profeta makuhu, hambi vaphaxeli va fumela va txi laywa ngu vona; ngu toneto vathu vangu va ti lavako. Aniko mi na maha txani magwito ka kona kani?

2 Makronika 13:10

Aniko athu Mkoma ngene Txizimu txathu, kha hi na mbi mleka; Vaphaxeli ava va thumelako Mkoma vanana va Aroni ni Valevhi.

1 Samuwele 6:19

Se Mkoma a to daya vathu va Bheti-Semi, ngu kule va nga solela mndani ka dibhokiso da Mkoma, eza e daya vathu vo dingana 50.070 wa vavamna; sekoko vathu va to pandiseka, ngu kule Mkoma a nga maha phango ya hombe ngutu hagari ka vathu.

Mitengo 3:38

Didhawa da wutxani, masoni ka ditenda da msengeletano, ngu didhawa da wutxani, Mosi, ni Aroni, ni vanana vawe, va na gwimba matenda awe masoni ka ditenda do sawuleka, va txi xayisa wukhalo wo sawuleka, kasi ku va vawoneleti va vanana va ka Israyeli; ngako m'thu wa walo a txo tshuketa, a fanete a txi fa.

Mitengo 1:50

aniko, awe, ninga mthumo ka va ka Levhi, wa kuxayisa Nyumba ya Wufakazi, ni siya sa yona, ni sotshe si si yi lumbako. Vona va na rwala Nyumba ni sotshe siya sa kona, va na thumela ka yona mthumo wa yona, kambe va na zumbisa ku yi randela.

Mitengo 1:54

Vanana va ka Israyeli va to maha nga ti Mkoma a nga leletisa tona ka Mosi.

Mitengo 2:17

Sekoko, ngako Ditenda da Msengeletano di txi khukha, dizumbo da va ka Levhi di na va di di hagari ka mamwani mazumbo. Ati va nga zumbisa tona va na tsimbilisa toneto, dibutho ni dibutho ni m'jeke wa dona.

Mitengo 3:23

Tiveleko ta va ka Gerxoni ti txi zumba ngu msana ka txiluvelo ngu didhawa da mswa-ditambo.

Mitengo 3:29

Mimwaya ya ka Kohate yi to gova ka didhawa da wulambwe ka ditenda.

Mitengo 3:35

Mthangeli wa nyumbani ka vatate va mimwaya ya ka Merari, i ti Suriyeli, mwana Abhigayeli. Vona va ti ya gova ngu didhawa da wuphemba ka ditenda.

Mitengo 17:7

Se Mosi a to veka tindonga masoni ka Mkoma, amu ditendani ka txitumelelano.

Mitengo 16:9

Ina Txizimu txa ka Israyeli, txi nga va txi di mi sawute ka msengeletano, txi mi tshuketisa hafuhi ka txona, kasi ku ta maha mthumo wa Nyumbani ka Mkoma, ni kuema masoni ka msengeletano, mi thumela vathu kani?

2 Makronika 13:11

Mixo ni minova va hisela Mkoma mningelo wo hiswa, ni dibaselo do bhumula, ve veka ni mapawu a mhamba txitimwi ka meza yo basa, ni minova va layitha ni dilambu da nzalama, nguko athu hi xayisa mithumo ya Mkoma Txizimu txathu, atxi anu mi nga txi leka.