Mitengo 1:51 - Bhiblia Yo Sawuleka

⁵¹ Nyumba yi txi lava kuthaviswa, va ka Levhi va na yi khunulela; ngako yi txi dingana kuphemberuswa, va ka Levhi va na yi aketa. Ni wuhi m'thu wa walo a tshuketako hafuhi ka yona a na fa.

Mitengo 1:51 Referans Kwoze

Mitengo 3:38

Didhawa da wutxani, masoni ka ditenda da msengeletano, ngu didhawa da wutxani, Mosi, ni Aroni, ni vanana vawe, va na gwimba matenda awe masoni ka ditenda do sawuleka, va txi xayisa wukhalo wo sawuleka, kasi ku va vawoneleti va vanana va ka Israyeli; ngako m'thu wa walo a txo tshuketa, a fanete a txi fa.

Mitengo 3:10

Aniko Aroni ni vanana vakwe, ngu vona va no thuma mthumo wa wuphaxeli. Kasike, awule i ku wa matiko, ku nga ti a txi tshuketa, a na puluwundiswa ngu lifo.”

2 Samuwele 6:7

Sekoko kuhenya ka Mkoma ku to wukela Uza, se Txizimu txi mpeka koneho ngu mhaka ya matloti akwe; se a to fela koneho hafuhi ni dibhokiso da Txizimu.

1 Samuwele 6:19

Se Mkoma a to daya vathu va Bheti-Semi, ngu kule va nga solela mndani ka dibhokiso da Mkoma, eza e daya vathu vo dingana 50.070 wa vavamna; sekoko vathu va to pandiseka, ngu kule Mkoma a nga maha phango ya hombe ngutu hagari ka vathu.

Mitengo 18:22

Ti to vanana va ka Israyeli, va siswi ve tshuketa hafuhi ka ditenda da msengeletano, nguko va nga rwala mnandu, va txifa.

Mitengo 16:40

Si nava txialakanyiso ka vanana va ka Israyeli; kasi ti to ku si thuki ku txi va ni m'thu mmwani awu i singako wa lihunzu la ka Aroni, a no tshuketa e ningela dibaselo masoni ka Mkoma, a nga dhuka e fana ni Kora ni mtxawa wakwe, nga ti Mkoma a nga womba ngu txisofu txa Mosi.

Mitengo 10:11

Se ka dilembe da wumbidi, ka mtxima wa wumbidi, ngu ditshiku da magumi mambidi, ku to maheka ti to direfu di khukha txitimwi ka nyumba ya msengeletano.

Mitengo 17:13

Awu ni wu a tshuketako Nyumbani ka Mkoma, ofa. Ina kha hi na mbi guma hotshethu ngu kufa kani?

Mitengo 18:3

Vona va na maha mthumo wako ni wa ditenda dotshe. Aniko va nga thuke ve tshuketa aha ka siya so sawuleka, hambi ha txiluveloni, nguko va ngafa, kumweko ni nawe.

Mitengo 18:7

Awe ni vanana vako, mi na teka mthumo wa wuphaxeli ka totshe ti ti lumbako mthumo wa stxiluvelo, ni sotshe si si ku ngu msana ka m'jiyo; se anu mi na teka mthumo wa mphaxeli, se mluveli ngako a txi tshuketa hafuni a na fa.

Mitengo 17:5

Se ku na maheka taku, ndonga ya wamwamna wule ni no va ni di yi sawute, yi na thunga; ngu toneto, ni na heta kungungurukela ka vanana va ka Israyeli kwangu, a kule va nga mi ngungurukelela ngu kona.

Mitengo 18:4

Aniko va na va hafuhi ni nawe, ve kuvhunetela mithumo ya mu ditendani ka msengeletano, ni yotshe mithumo ya ditenda; kambe awu i ku mluveli a nga tshukete hafuhi kwanu.