Mitengo 1:50 - Bhiblia Yo Sawuleka

⁵⁰ aniko, awe, ninga mthumo ka va ka Levhi, wa kuxayisa Nyumba ya Wufakazi, ni siya sa yona, ni sotshe si si yi lumbako. Vona va na rwala Nyumba ni sotshe siya sa kona, va na thumela ka yona mthumo wa yona, kambe va na zumbisa ku yi randela.

Mitengo 1:50 Referans Kwoze

Eksodha 38:21

Ngu yiya txhatxhameto ya simaha sa kuaka ngu sona, asile si nga thumiswa ha kuakani ka ditenda do sawuleka, i ku nyumba ya wufakazi, ayi yi nga akwa ngu va ka Levhi, ngu kuleletelwa ngu Mosi, na va txi thangelwa ngu Itamari, mwanana wa mphaxeli Aroni.

Mitengo 4:15

Msana ka kuva Aroni ni vanana vakwe va di gwitile kuveketela simaha so sawuleka ni sotshe siya sa kona, wugovelo wu na khukha, se vanana va Kohate va nata si rwala. Kambe va nga si gwese asile so yila nguko va nga fa, ngako va txi si gwesa. Awuwa ngu wona mthumo wa vanana va Kohate amu ka ditenda da msengeletano.

Eksodha 31:18

Se a to ningela ka Mosi (a di gwitile kuwombawomba nayo mmangoni ka Sinayi) sileti simbidi sa Wufakazi, sileti sa marigwi, so bhalwa ngu litiho la Txizimu.

Nehemiya 13:22

Ni to gela Valevhi kuva txi ti sawulekisa, niku ve ta wonelela sike, kasi kusawulekisa ditshiku da Sabbata. (Ka tona eto kambe, awe Txizimu txangu, ni alakanye, u ni divalela ngu wunene wako wawungi.)

Mitengo 20:11

Sekoko Mosi a to gula diandza dakwe e peka dirigwi sikhati simbidi ngu ndonga yakwe, mati ma to pfhuruka, kuhuma mati o tala. Msengeletano wu to sela kumweko ni sifuyo sa wona.

Masalmo 122:4

Eyo ti kwelako tiya kona tihunzu, tona tihunzu ta Mkoma, ve fakazela mlayo wa Israyeli, kasi kuya dhumisa ditina da Mkoma.

Nehemiya 13:5

se a to mlongisela nyumba ya hombe, eyo ku nga ti vekwa ka yona miningelo ya sakudya, dibaselo, siya, ni sa wugumi sa tindoho, ni vhinya, ni mtona, asi ku nga leletwa to si ningwa Valevhi, ni vaembeleli, ni va woneleti va sike, kufana ni mningelo wa kundiwitelwa wa vaphaxeli.

Nehemiya 12:47

Sekoko ka masiku a Zorobhabheli ni ka masiku a Nehemiya, votshe va ka Israyeli va ti ti ningela sakudya sa vaembeleli ni sa vawoneleli va sike, ka mmweyo ni mmweyo ngu ditshiku dakwe; se va ti ti si sawulekisela Valevhi, ni vona Valevhi ve si sawulekisela vanana va Aroni.

Nehemiya 12:22

Matina a Valevhi vale i nga ti vathangeli va tinyumba ta vatate, ka masiku a Eliyasibhe, ni Joyadha, ni Jonani, ni Jadhuwa, ma bhatwe; ni a vaphaxeli, kala kufumani ka Dhariyo, mupersiya.

Nehemiya 12:8

Se Valevhi ngu vava: Jesuwa, Bhinuyi, Kadhimiyeli, Serebhiya, Judha ni Mataniya; avava ni vanawe va ti thangela mthumo wa kudhumisa.

Mitengo 10:21

Sekoko va ka Kohati va to khukha, va di rwate nyumba yo sawuleka; se vamwani va to gula nyumba, vona va txi ngadi va txita.

Mitengo 2:17

Sekoko, ngako Ditenda da Msengeletano di txi khukha, dizumbo da va ka Levhi di na va di di hagari ka mamwani mazumbo. Ati va nga zumbisa tona va na tsimbilisa toneto, dibutho ni dibutho ni m'jeke wa dona.

Mitengo 1:53

Kambe va ka Levhi va na gwimba matenda awe ngu madhawani ka Nyumba ya Wufakazi, kasi Txiviti txa Txizimu txi si weli txitimwi ka msengeletano wa vanana va ka Israyeli; ngu kumaha keto, va ka Levhi va na ñola mthumo wo xayisa Nyumba ya Wufakazi.

Mtuletelo 15:5

Msana ka tiya ni to wona ku di tutwe dithepele nzumani, amuwa ku nga ti ni ditenda da mtshangano.

Mitengo 17:7

Se Mosi a to veka tindonga masoni ka Mkoma, amu ditendani ka txitumelelano.

2 Makronika 24:6

Se mfumeli a to dhana mthangeli Joyadha, a txi khene kwakwe: Ngu kutxani u nga mbi gela Valevhi kuneha siningo si si nga leletelwa ngu Mosi, txithumi txa Mkoma, msengeletanoni ka va ka Israyeli, si humako ditikoni ka Judha ni Jerusalema, kasi ku si maha sa Ditenda da Wufakazi kani?

Mitengo 4:3

vavamna votshe, ava va magumi mararu, kala mtxhanu wa magumi a malembe, avale va ku ni fanelo ya kuya mthumoni ka dibutho da yimbi, kasi va na thuma mthumo wa ditenda da msengeletano.

Mitengo 8:19

Kha ditshuri ni ningete Valevhi ka Aroni ni ka vanana vakwe, ti to ve maha mthumo wa vanana va ka Israyeli, amu ka ditenda da msengeletano, ni ti to ve maha mphaxo wa midiho ya vanana va ka Israyeli, kasi ku si dhuki kuhuma phango hagari ka vanana va ka Israyeli, mbimo yi va tshuketako hafuhi ka wukhalo wo sawuleka.

Mitengo 8:20

Se Mosi ni Aroni, ni wotshe msengeletano wa vanana va ka Israyeli, ni Valevhi, madingano ni ti Mosi a nga leletwa ngu Mkoma.

Mitengo 8:22

Msana keto, Valevhi va to ta ve ta maha mthumo wawe, amu ka ditenda da msengeletano, masoni ka Aroni ni masoni ka vanana vakwe, madingano ni ti Mkoma a nga leleta ka Mosi, ngu didhawa da Valevhi, ngu toneto va nga mahelwa tona.

Mitengo 18:5

Mi na xayisa siya sa wukhalo wo sawuleka, ni mthumo wa txiluvelo, kasi ku si maneki kambe txiviti txo wukela vanana va ka Israyeli.