Mitengo 1:4 - Bhiblia Yo Sawuleka

⁴ Dhanani wamwamna mmweyo ka lihunzu ni lihunzu, ava va nova vathangeli, ka nyumba ni nyumba ya vatate vawe.

Mitengo 1:4 Referans Kwoze

Mitengo 1:16

Avava ngu va va nga dhanwa ka msengeletano, i ku vathangeli va tihunzu ta vatate vawe, misungo ya magumi a mazana a va ka Israyeli.

Eksodha 18:25

Mosi a to sawula, ka votshe va ka Israyeli, vavamna va mapimo, a txi va veka kuve vathangeli va vathu: Vathangeli va digumi da mazana, vathangeli va dizana, vathangeli va mtxhanu wa magumi, ni vathangeli va digumi.

Joxuwa 22:14

a di kumweko ni digumi da vathangeli, ka nyumba yimweyo ni yimweyo ya vatate vawe, mthangeli mmweyo, ka totshe tihunzu ta ka Israyeli; se mmweyo ni mmweyo i ti ti msungo wa nyumba ya vatate vawe, ka magumi a mazana a va ka Israyeli.

Dhewuteronome 1:15

Ni tekile vathangeli va tihunzu tanu, vathu vo ziva, ni mapimo, ni txi va maha vathangeli vanu: Vathangeli va 1.000, vathangeli va dizana, vathangeli va mtxhanu wa magumi, ni vathangeli va digumi, ni vaxayisi va tihunzu tanu.

Mitengo 25:14

Se ditina da Muisrayeli wu a nga dawa ni wamsikati wa mmidhiyani, i ti ti Ziniri, mwana Salu, wa hombe wa nyumba ya vatate va ka Simiyoni.

Mitengo 25:4

Mkoma a to khene ka Mosi: Teka votshe vathangeli va vathu, u ta va aneka ha lisanini, nguko va hambukile, Mkoma a henyile; mwendo Mkoma a na boxa txiviti a ku natxo ngu va ka Israyeli.

Mitengo 17:3

Kambe u na bhala ditina da Aroni ka ndonga ya ka Levhi, nguko mthangeli wa nyumba ni nyumba ya vatate a na va ni ndonga yimweyo.

Eksodha 18:21

Aniko sawula hagari ka vathu, majaha ale ma ku ni mapimo, va thavako Txizimu, vo lulama, va nyenyanako ni dibhindu do mbi lulama, u txi va emisela kuva vathangeli va 1.000 wa vathu, vathangeli va dizana, vathangeli va mtxhanu wa magumi, ni vathangeli va digumi.

Mitengo 30:1

Se Mosi a to womba-womba ka misungo ya tihunzu ta vanana va ka Israyeli, a txi khene: Ndide dipswi di Mkoma a nga ni ruma dona:

1 Vafumeli 8:1

Sekoko Solomoni a to sengeleta otshe madhota a ka Israyeli, ni votshe vathangeli va tihunzu, vathangeli va vatate, hagari ka vanana va ka Israyeli, masoni kwakwe, kona Jerusalema, kuva ve kwelisa dibhokiso da txitumelelano txa Mkoma, da Didhoropani da Dhavhidha, i ku Siyoni.

Mitengo 1:44

Avava, ngu va va nga balelwa ngu Mosi ni Aroni, va txi vhunwa ngu digumi da vathangeli ni vambidi va ka Israyeli, i ngadi vaemeli va tinyumba ta vatate.

Mitengo 4:34

Mosi koko ni Aroni, ni vathangeli va msengelelato, va to bhalela vanana va ka Kohate, ngu tinyumba ta vatate vawe.

Mitengo 7:2

Vathangeli va ka Israyeli, va to maha mningelo, i ku misungo ya mimwaya ya vatate vawe, avale i ku vathangeli va tihunzu, ni kuva va nga balwa;