Mitengo 1:16 - Bhiblia Yo Sawuleka

¹⁶ Avava ngu va va nga dhanwa ka msengeletano, i ku vathangeli va tihunzu ta vatate vawe, misungo ya magumi a mazana a va ka Israyeli.

Mitengo 1:16 Referans Kwoze

Mitengo 7:2

Vathangeli va ka Israyeli, va to maha mningelo, i ku misungo ya mimwaya ya vatate vawe, avale i ku vathangeli va tihunzu, ni kuva va nga balwa;

Eksodha 18:25

Mosi a to sawula, ka votshe va ka Israyeli, vavamna va mapimo, a txi va veka kuve vathangeli va vathu: Vathangeli va digumi da mazana, vathangeli va dizana, vathangeli va mtxhanu wa magumi, ni vathangeli va digumi.

Eksodha 18:21

Aniko sawula hagari ka vathu, majaha ale ma ku ni mapimo, va thavako Txizimu, vo lulama, va nyenyanako ni dibhindu do mbi lulama, u txi va emisela kuva vathangeli va 1.000 wa vathu, vathangeli va dizana, vathangeli va mtxhanu wa magumi, ni vathangeli va digumi.

Mitengo 26:9

Se vanana va Eliyabhe, i Nemuweli ni Dhatani, ni Abhiramu. Se Dhatani ni Abhiramu ngu vona va nga ti ni wudhumo amu ka msengeletano, va to wusa vhunyawunya, yo wukela Mosi ni Aroni ka msengeletano wa ka Kora, mbimo yi va nga wusa vhunyawunya yo wukela Mkoma.

Mitengo 16:2

va to bhongela Mosi kumweko ni 250 wa vavamna va ka Israyeli, ava i ku vahombe va msengeletano, i ku siro sa habanza, na i ti madhota a ndhuma.

Mitengo 1:4

Dhanani wamwamna mmweyo ka lihunzu ni lihunzu, ava va nova vathangeli, ka nyumba ni nyumba ya vatate vawe.

Mika 5:2

Awe Bhetlehema wa Efrata, awe u ku wam'dotho hagari ka Judha, ku na huma ngu kwako awu a no va Mfumeli wa Israyeli, eyo makhato akwe i ku a kukhukhela kale, kukhukhela ka masiku a kaleko.

1 Samuwele 23:23

Ngu kumaha keto, wonisisani kha kwati, mi zivisisa madingano ni otshe makhalo a baramako ka ona; sekoko mi na wuya kwangu ni dotshe ditshuri, aniko ani nata tsula ni nanu; se ku na maheka tito, a diho ka ditiko dile, ni na mlava amu hagari ka otshe magumi a mazana a va ka Judha.

1 Samuwele 22:7

Sekoko Sawule a to khene ka sotshe sithumi sakwe sile si nga ti kumweko nayo: Ni engiseni, na mikombela, anu vanana va ka Bhenjamini, ina mwanana wa Jese a na mininga anu motshenu, tithembwe ni mivhinya, ni ku motshenu e mi maha vathangeli va digumi da mazana ni vathangeli va mazana,

Valamuli 6:15

Se Gidhiyoni a to xamula a txi khene: “Mkoma wangu, ni na sikotisa kutxani kuhulukisa Israyeli kani? Nyumba yangu nja wusiwana ngutu hagari ka va ka Manasi, ni nani kambe ni tshole amu nyumbani ka tate wangu.”

Dhewuteronome 1:15

Ni tekile vathangeli va tihunzu tanu, vathu vo ziva, ni mapimo, ni txi va maha vathangeli vanu: Vathangeli va 1.000, vathangeli va dizana, vathangeli va mtxhanu wa magumi, ni vathangeli va digumi, ni vaxayisi va tihunzu tanu.

Mitengo 11:17

Sekoko ani, ni na kwitima ni ta womba-womba ni nawe konaho; se ni nata hungula moya wu wu ku nemelako wekha, ni wu veka kwawe, kasi ve kuvhuna; se moya wu na kuvhuna kurwala vathu, na i si ngawe wekha u rwalako.

Mitengo 1:15

ka Naftali, i Ayira, mwana Enani.

Mitengo 1:17

Sekoko Mosi ni Aroni, va to teka vavamna vale va nga ti sawutwe, ngu matina awe.

Mitengo 10:4

Se ngako ku txi vetwa mpundu wumwewo dwe, va na sengeletana kwako vathangeli, i ku misungo ya va magumi a mazana, a va ka Israyeli.

Mitengo 30:1

Se Mosi a to womba-womba ka misungo ya tihunzu ta vanana va ka Israyeli, a txi khene: Ndide dipswi di Mkoma a nga ni ruma dona: