Mitengo 1:1 - Bhiblia Yo Sawuleka

¹ Mkoma a to womba kambe ka Mosi, txiwulani ka Sinayi, ditendani ka msengeletano, ka ditshiku do khata da mtxima wa wumbidi, ka dilembe da wumbidi da kuhuma kwawe ngu ditikoni ka Egipta, a txi khene:

Mitengo 1:1 Referans Kwoze

Eksodha 25:22

Se konaho ni nata ni ta womba-womba ni nawe txitimwi ka txikhalo txa wumbilu, ngu hagari ka makerubhima mambidi (ma ku txitimwi ka dibhokiso da Txifakaziso), ka totshe ti ni no kuruma kugela vanana va ka Israyeli.”

Eksodha 19:1

Ka ditshiku do khata amu ka mtxima wa wuraru, msana ka kuva va di humile ditikoni ka Egipta, ka ditshiku donedo, vanana va ka Israyeli va to hoka txiwulani, mmangoni ka Sinayi.

Mitengo 9:1

Se Mkoma a to womba ka Mosi amu txiwulani ka Sinayi, ngu mtxima wo khata ka dilembe da wumbidi, msana ka kuva va di humile ngu Egipta, a txi khene:

Levhi 27:34

Ayiya, milayo yi yi nga mahelwa va ka Israyeli, ayi Mkoma a nga leleta Mosi, mmangoni ka Sinayi.

Levhi 1:1

Se Mkoma a to dhana Mosi, a txi womba-womba nayo amu ka ditenda da msengeletano, a txi khene:

Eksodha 40:17

Ka ditshiku do khata ka mtxima wo khata ka dilembe da wumbidi, di to emiswa ditenda do sawuleka;

Eksodha 40:2

“Ka ditshiku do khata da mtxima wo khata, u na aka nyumba ya ditenda da msengeletano.

1 Vafumeli 6:1

Ti mahekile tito, ngu dilembe da 480, msana ka kuva vanana va ka Israyeli va di humile ngu Egipta, ka dilembe da wumune Solomoni a txi fumela Israyeli, ka mtxima wa zive (awuwa mtxima wa wumbidi), Solomoni a to khata kuaka Nyumba ya Mkoma.

Mitengo 1:18

Ngu mtxima wa wumbidi, va to ramba wotshe msengeletano ngu ditshiku do khata, se va to, madingano ngu ni tiveleko tawe, ngu mimwaya yawe, ni tinyumba ta vatate vawe, ngu mtengo wa matina a va kukhukhela magumi mambidi a malembe kuya masoni, ngu mmweyo ni mmweyo.

Eksodha 19:2

Ngako va di khukhile Refidhime, va to wulela txiwulani ka Sinayi. Aho va nga ya gova kona. Va ka Israyeli va to ya aka kona, masoni ka mmango.

Mitengo 12:4

Koneko, ngu txikuluveta, a to dhana Mosi, ni Aroni, ni Miriyamu, a txi khene: “Humani anu vavararu mi txiya ditendani da msengeletano!” Konako va to huma ngu wuraru wawe ve tsula.

Dhewuteronome 1:3

Se ku to maheka taku, ka dilembe da mune wa magumi, ka ditshiku do khata ka mtxima wa digumi ni wumwewo, Mosi a wombile ka vanana va ka Israyeli totshe ti Mkoma a nga mleleta, kasi ku e va gela,

Dhewuteronome 2:7

Nguko Mkoma, Txizimu txako, a kukatekisile ka yotshe mithumo ya manza ako; kambe ene a ku pangalatile mu kutsimbilani kwako, ngu mu ka txiwula txa hombe. Mndani ka mune wa magumi a malembe, Mkoma, Txizimu txako, a ti ti ni nawe, ni txa tximwetxo tximaha kha txa pwateka kwako.

Dhewuteronome 2:14

Kukhukhela Kadhesi-Bharneya, kala hi txhatuka mlonga wa Zeredhi, dipfhumba dathu di tekile magumi mararu a malembe, ni mtxhanu wa malembe ni mararu, kala ku txi guma lotshe liveleko lile la masotxhwa, ale ma nga ti emisetwe yimbi, nga ti Mkoma a nga ti va xambanyete tona.