Mika 7:8 - Bhiblia Yo Sawuleka

⁸ Awe mlala wangu wa txisikati, u nga tsakele dikhombo dangu; hambi ngako ani ni di wite, ni na wuka; ngako ni txi zumba txidemani, Mkoma a na va liwoningo langu.

Mika 7:8 Referans Kwoze

Johani 8:12

Jesu a to tshumela a txi womba-womba ni vathu, a txi va gela ku khene: “Ani ni liwoningo la ditiko. Awu a ni londisako, kha tsimbili txidemani, kambe a na va ni kuwonekela ka wutomi.”

Isaya 9:2

Vathu va va nga ti tsimbila txidemani, va woni liwoningo la hombe; ni ka va va nga ti zumbile ditikoni ka mtsudi wa lifo, ku humelete liwoningo txitimwi kwawe.

Masalmo 112:4

M'thu wo lulama a fana ni liwoningo li woningako txidemani; ene ana ni wuxinji, ni wumbilu, ni wunene.

Masalmo 27:1

Mkoma ngene kuwoninga kwangu ni kuhanyisa kwangu. Ni nga thava mani kani? Mkoma i mkhokhola wa kuhanya kwangu. Ni nga dhukiselwa ngu mani kani?

Obhadhiya 1:12

Aniko awe u ti sa fanela kuwonetela ditshiku da mwananu, ka ditshiku da kuthaviswa kwakwe ditikoni, hambi kutsaka ngu vanana va ka Judha, ka ditshiku da kufuviswa kwawe; hambi kulaphisa txisofu txako, ka ditshiku da kupandiseka;

2 Vakorinto 4:6

Txizimu txi txi nga womba ti to ku na tumbuluke liwoningo mu ka txidema, ngu txona txi nga woninga timbilu tathu, kasiku nanathu hi txi woninga vathu ngu wuzivi wa kuphatima ka Txizimu, aku ku wonekako ka Kristu.

Masalmo 38:16

Ni kukombela txilo tximwetxo, Mkoma: U nga tumele ti to vathu ve tsakiswa ngu dikhombo dangu; u nga va leke ve ti kulisa ngu mhaka ya kuhumbwa kwangu.

Mtuletelo 22:5

Kha ku na mbiswa ku di ni wusiku; ni wammweyo kha na mbiswa e lava kuwoninga ka dilambu, hambi kuwoninga ka ditambo, nguko Mkoma Txizimu a na va woninga, se vona va na fuma ngu ha ku si gumiko.

Masalmo 84:11

Nguko Mkoma liwoningo lathu ni m'vhikeli wathu; ene wa randa ni kudhunda avale va hanyako ngu kululama kha va lambeli ni txa tximwetxo tximaha txa txinene.

Jobe 31:29

Ngako ni di tsakisilwe ngu kuxaniseka ka wule a ni vengako, ni ku mwendo ni bhumile mbimo yi a nga welwa ngu to biha,

Masalmo 97:11

Kuwonekela kuwoninga vathu vavanene, ni litsako li rinzela ava va timbilu to lulama.

Ezekhiyele 35:15

Ngako u nga tsakiswa ngu thomba ya nyumba ya ka Israyeli, ngu ku a nga mahwa dirumbi, ngu tona eto ni no kumaha; u na mahwa dirumbi, awe mmango wa Seyiri, ni dotshe ditiko da Edhomi, ina dotshe; se va na tiziva taku, ani ngani Mkoma.

Masalmo 35:19

Va nga thuke ve tsaka ngu dikhombo dangu, avale va ni nyenyako hahanze ka mnandu;

Johani 16:20

Ngu ditshuri, ngu ditshuri na mi gela: Mi na dila ni kupandiseka mbilu, kambe vathu va ditiko va na tsaka; se anu mi na xaniseka timbiluni kwanu, kambe kuxaniseka kwanu ku na hinduka ku txi maha litsako.

Malakiya 4:2

Aniko kwanu anu mi thavako ditina dangu, ku na huma ditambo da wululamo, se wuhulukisi wu na va hahatshi ka tibhapi ta dona; kambe mi na huma mi txi ndaka-ndaka ku nga marole hahanze ka txibala.

Mika 7:10

Se mlala wangu wa txisikati a na ti wona eto, se a na fenengetwa ngu pfilu-pfilu, awu a ku khene: Ahayi Mkoma, Txizimu txako kani? Maso angu ma na mu wona a txi kadetelwa, kufana ni madhaka a tiruwani.

Ezekhiyele 25:6

Nguko a womba tiya Mkoma Txizimu: U ti woni ti u nga pekisa tona manza, ni kuginga ngu mikondo, ni ti to u tsakile ngu mbilu, ka wotshe wubihi wako, u txi lwisa ditiko da ka Israyeli,

Mithumo 26:18

Kasi kuya tula maso awe ni ku va humisa mtemani, ve wuya livaningoni, ni ku va humisa nfumoni ka Sathani, ve wuya ka Txizimu, kasiku ve amukela divalelo ya sionho, ni kuavelwa thomba kumweko ni vasawuleki ngu kukholwa ditinani kwangu.’ ”

Amosi 9:11

Ka ditshiku dile, ni na tshumela ni guleta ditenda da Dhavhidha, di nga wa, ni vhaletela amule ku nga vharuka, ni tshumela ni wusa marumbi, ni ma aketa kufana ni masiku a kale;

Matewu 4:16

vathu va va nga ti zumbile ditikoni ka kuphuma, va woni liwoningo la hombe; ni ka va va nga ti zumbile ditikoni ka mtsudi wa lifo, ku humelete liwoningo txitimwi kwawe.”

Jeremiya 50:11

Hambi mi nga tsaka, mi txi ndakandaka ngu kupfa kutshamba anu vapi va thomba yangu, mi txi simbelana ku nga mo va marole a kuena, mi txi emba ku nga mahantxhi a mtamo.

Isaya 49:9

kasi ku txi khawe ka vale vo sungwa: Humani; se ni ka vale va ku txidemani, u txi khawe: Ti wonekiseni. Vona va na dyisela tinzilani, ni ka otshe makhalo o guleka va na mana wudyiselo wawe.

Isaya 2:5

Ngonani, anu va nyumba ya ka Jokobe, he tsimbileni kuwonekelani ka Mkoma.

Masalmo 37:24

Mlulami hambi a txi wa, kha weli mphelo, nguko Mkoma a na mñola ngu diwoko e mu wusa.

Masalmo 37:21

M'thu wa kubiha wa lomba, kambe kha diheli, aniko m'thu wo lulama ana ni wumbilu ni wuha.

Mtuletelo 21:23

Didhoropa kha di lavi kuwoninga ka ditambo, hambi ka ntxima, nguko dona di woningwa ngu wudhumo wa Txizimu, ani dilambu da kona ngu Txinvutana.

Isaya 50:10

I mani hagari kwanu a thavako Mkoma, kambe a engisako dipswi da txithumi txakwe kani? Ngako a txi tsimbila txidemani, ko pwata ni kuwonekela, a na thembe ditina da Mkoma, kambe a na tsane ka Txizimu txakwe.

2 Vakorinto 4:9

Ha xuphwa, aniko, kha hi tshotshi likholo lathu. Ha vengelwa, aniko, kha hi fuviswi;

Masalmo 20:8

Vona va humbwa va txi wa hahatshi, aniko, athu hi tseramile hi di tsani.

Jeremiya 8:4

Kambe u na va gela, u txi khawe: Mkoma a khene: Ina m'thu a ngawa asi tshumeli e wuka kani? A nga phawuka asi tshumeli e wuya kani?

Jeremiya 48:27

Ina Israyeli kha xaniswa ngu ngawe kani? Ina a to manwa kupani kani? Ti mahisa kutxani aha u wombawombako ngene u txi seka kani?

Ezekhiyele 36:5

Ngu konaho, Mkoma Txizimu a khene: Ngu ditshuri kuhisekani ka kuhenya kwangu, ni wombawombile ni wukela matiko ale ma nga sala, ni ditiko da Edhomi. Vona va honyote mafu angu, ngu kutsaka ka totshe timbilu, ni kutxhipisa muhefemulo, kasi ku wu rinza kuñolwani.

Mika 4:10

Pfana kupanda ni kuthuma, awe mwanana wa dihorana wa Siyoni, ku nga wule a ku kuvelekani, nguko konkuwa u na huma ngu didhoropani, se u ya zumba thembweni, kambe u na tsimbila kala Bhabhilona, koneyo koko u na ya txhatxhiswa; Mkoma a na kutirula manzani ka valala vako.

Zakariya 12:8

Ka ditshiku donedo, Mkoma a na vhikela vahanyi va Jerusalema, se awule hagari kwawe a no humbwa ka ditshiku donedo, a na nga Dhavhidha, kambe nyumba ya Dhavhidha yi na nga Txizimu, kufana ni Ngelozi ya Mkoma, masoni kwawe.

Masalmo 143:3

Mlala wangu wa ni xanisa, wa ni ganyatela hahatshi; wa ni kurumeta kuzumba txidemani, kufana ni vale va nga fa kale.