Mika 7:6 - Bhiblia Yo Sawuleka

⁶ Nguko mfana a txhipisa tate wakwe, mwanana wa dihorana a wukela mwamwakwe, mamanyani a wukela masale wakwe, valala va m'thu ngu va nyumba yawe.

Mika 7:6 Referans Kwoze

Luka 12:53

Va na abaniswa: Tate a na wukela mwanana wakwe wa dizambi, mwanana wa dizambi a na wukela tate; mame a na wukela mwanana wakwe wa muhorana; mwanana wa muhorana a na wukela mame; masale a na wukela mamanyani, mamanyani a na wukela masale.”

Matewu 10:21

“Mwanawe a na ningela mmwani mwanawe kudawani; ni tate a na ningela mwanana wakwe; vanana va na wukela vaveleki vawe, va txi va daya.

Masalmo 41:9

Hambi mndoni wangu, awu ni nga ti m'themba, awu ni nga ti dya nayo mbiyani kumweko, se konkuwa a ni wukete a txi ni ganyata ngu txizenende txakwe.

Ezekhiyele 22:7

Tate ni mame va txhipisilwe kwako, va xanisile mluveli hagari kwanu, va khozisile wo felwa ngu vaveleki, kumweko ni noni.

Johani 13:18

“Kha ni wombi ngu nganu motshe; na va ziva ava ni nga va sawula. Aniko ta laveka ti to Mibhalo yi tatiseka, ayi yi kha yona: ‘Awu a dyako mndiwo ni nani, a ni wukete a txi ni ganyata ngu txizenende txakwe.’

Mavingu 30:11

Ku ni liveleko li rukako tate wa lona, kambe li si dhundiko mwamwa lona.

Luka 21:16

Mi na ningelwa hambi ngu vatate vanu, ngu vananu ni maxaka anu, ni vandoni vanu; va na daya vamwani kwanu.

Matewu 26:23

Ene a to va xamula a txi khene: “Awu a betako dianza mbiyani kumweko ni nani, ngeneyo a na ku ni ningela.

Obhadhiya 1:7

Vangana vako votshe va kutekile u ya hahanze ka mihingano yako; avale va ti tsakisako ngu kuthutha kwako, va kuxengile, va kuwukete; a vale vadyako dipawu dako, va kuriyete ngu mlawu; Ka Edhomi kuwalo kupfana.

Jeremiya 20:10

Nguko ni pfite kungungurukela ka vavangi: Kuho kuthava ka otshe madhawa! “Wombani, hi na mmangala!” Votshe vale va ku ni kuthutha ni nani, va verela kuwa kwangu, va txi kha vona: “Mwendo a nga tumela kukujetelwa, sekoko hi na mxuthula, kuva hi pharela kwakwe.”

Jeremiya 12:6

Nguko ni vona vananu ni nyumba ya tate wako va ku lundumisile; ve ku kulumela. U nga va tumele hambi va txo kugela mapswi o tshura.

Mavingu 30:17

Maso ale ma poyilelako tate mwendo kutxhipisa ngu kwa mbi engisa mame, ma na xokolelwa ngu magwana a txinambwanani, se me dyiwa ngu sisondo sa digama.

2 Samuwele 16:11

Dhavhidha a to khene kambe ka Abhixayi ni ka sotshe sithumi sakwe: Wona, hambi mwanana wangu wo huma ndani kwangu, a lava ku ni daya, se a na lambisa kutxani ku ni daya mwanana wa ka Bhenjamini kani? Mlekeni e ni ruketela, nguko ngu toneto a nga gelwa ngu Mkoma.

Genesisi 49:4

Wo khulunga nga mati, Awe khu na mbi guletwa, nguko u tsani u txi kwela ha m'bhedhuni ka tate wako. Sekoko u wu nyenyezisile m'bhedhu wangu!

Isaya 9:19

Ngu mhaka ya kuhenya ka Mkoma wa Mabutho a Tiyimbi, ditiko di na phuma, vathu va na nga tikhuni ha mndiloni; kha ku nga ni kudivalela mkwawe.

Jeremiya 9:4

Ti woneleni motshenu ngu mhaka ya vaakelani, mi nga thembeni vananu, nguko votshe vanathu va duketa kukanganyisa, ni mwakelani mmwani ni mmwani mbo singetana.

Isaya 3:5

Se vathu votshe va na xanisana, hambi vaakelani va na xanisana, ni mwanana a na xanisa didhota, vanyalidede va na xanisa vo thaviseka.